പി​താ​വി​നെ ത​ല​ക്ക​ടി​ച്ച് കൊ​ല്ലാ​ൻ ശ്ര​മി​ച്ച യു​വാ​വ്​ അ​റ​സ്റ്റി​ൽ

ചാ​രും​മൂ​ട്: പി​താ​വി​നെ ത​ല​യ്ക്ക​ടി​ച്ച് കൊ​ല്ലാ​ൻ ശ്ര​മി​ക്കു​ക​യും അ​മ്മ​യെ മ​ർ​ദി​ക്കു​ക​യും ചെ​യ്ത കേ​സി​ൽ യു​വാ​വ്​ അ​റ​സ്റ്റി​ൽ. തെ​ക്കേ​ക്ക​ര ചൂ​ര​ല്ലൂ​ർ ത​ട​ത്തി​ൽ തെ​ക്ക​തി​ൽ ശ്രീ​ധ​ര​നെ​യും ത​ങ്ക​മ്മ​യേ​യും അ​ക്ര​മി​ച്ച കേ​സി​ലാ​ണ് മ​ക​ൻ ശ്രീ​ലാ​ലി​നെ (27) പൊ​ലീ​സ് അ​റ​സ്റ്റു ചെ​യ്ത​ത്. ക​ഴി​ഞ്ഞ 23ന് ​പു​ല​ർ​ച്ചെ 5.40ഓ​ടെ ആ​യി​രു​ന്നു സം​ഭ​വം.

നൂ​റ​നാ​ട് പൊ​ലീ​സ് ര​ജി​സ്റ്റ​ർ ചെ​യ്ത മോ​ഷ​ണ​ക്കേ​സി​ൽ ശ്രീ​ലാ​ൽ ഉ​ൾ​പ്പെ​ട്ടി​രു​ന്നു. വ​ക്കീ​ൽ ഫീ​സി​നു​ള്ള പ​ണം ന​ൽ​ക​ണ​മെ​ന്ന്​ ആ​വ​ശ്യ​പ്പെ​ട്ട് കു​റ​ച്ച് ദി​വ​സ​ങ്ങ​ളാ​യി ശ്രീ​ലാ​ൽ മാ​താ​പി​താ​ക്ക​ളു​മാ​യി വ​ഴ​ക്കു​ണ്ടാ​ക്കി​യി​രു​ന്നു. തു​ട​ർ​ന്ന് 23ന് ​പ്ര​തി ശാ​ന്ത​മ്മ​യെ ഉ​പ​ദ്ര​വി​ച്ചു. നി​ല​വി​ളി കേ​ട്ട് എ​ത്തി​യ ശ്രീ​ധ​ര​ന്റെ ത​ല​ക്ക് അ​ടി​ച്ച്​ കൊ​ല്ലാ​ൻ ശ്ര​മി​ക്കു​ക​യും ചെ​യ്തു. ഇ​രു​വ​രു​ടെ​യും നി​ല​വി​ളി കേ​ട്ട് ഓ​ടി​യെ​ത്തി​യ അ​യ​ൽ​ക്കാ​രാ​ണ് ഇ​വ​രെ ര​ക്ഷി​ച്ച​ത്.

ഒ​ളി​വി​ൽ പോ​യ ഇ​യാ​ളെ കു​റ​ത്തി​കാ​ട് പൊ​ലീ​സ് ഇ​ൻ​സ്പെ​ക്ട​ർ പി.​കെ. മോ​ഹി​ത് , സ​ബ് ഇ​ൻ​സ്പെ​ക്ട​ർ ഉ​ദ​യ​കു​മാ​ർ, സി​വി​ൽ പൊ​ലീ​സ് ഓ​ഫി​സ​ർ, ശ്യാം​കു​മാ​ർ, ഷെ​മീ​ർ എ​ന്നി​വ​ര​ട​ങ്ങു​ന്ന സം​ഘ​മാ​ണ്​ ചൂ​ര​ല്ലൂ​ർ ഭാ​ഗ​ത്തു നി​ന്നും അ​റ​സ്റ്റ് ചെ​യ്ത​ത്. പ്ര​തി​യെ കോ​ട​തി​യി​ൽ ഹാ​ജ​രാ​ക്കി​യ റി​മാ​ന്റ് ചെ​യ്തു.