ക്രിസ്​മസ്​ വിപണിയിൽ വിലക്കയറ്റം; മുട്ട വില, തൊട്ടാൽ പൊള്ളും

ആ​ല​പ്പു​ഴ: ക്രി​സ്മ​സ്​ വി​പ​ണി​യി​ൽ വി​ല​ക്ക​യ​റ്റം തു​ട​ങ്ങി. മു​ട്ട​ക്ക്​ തൊ​ട്ടാ​ൽ പൊ​ള്ളും​വി​ല. ശൈ​ത്യ​കാ​ല​മാ​യ​തി​നാ​ൽ മു​ട്ട​ക്കും ഇ​റ​ച്ചി​ക്കും ആ​വ​ശ്യ​ക്കാ​ർ കൂ​ടി​യ​​തോ​ടെ​യാ​ണ്​ വി​ല​വ​ർ​ധ​ന​വ്.

ശൈ​ത്യ​കാ​ല​ത്തെ ത​ണു​പ്പ് ത​ര​ണം ചെ​യ്യാ​ൻ വ​ട​ക്കേ ഇ​ന്ത്യ​യി​ൽ ആ​ഘോ​ഷ​ങ്ങ​ൾ​ക്കും മ​റ്റ്​ പ​രി​പാ​ടി​ക​ൾ​ക്കും മു​ട്ട​യും ഇ​റ​ച്ചി​യു​മാ​ണ്​ ഉ​പ​യോ​ഗി​ക്കു​ന്ന​ത്. ഇ​താ​ണ്​ ഒ​രു​കാ​ര​ണം. നാ​മ​ക്ക​ലി​ൽ മു​ട്ട​വി​ല ഉ​യ​ർ​ന്ന​തും തി​രി​ച്ച​ടി​യാ​യി. കേ​ര​ള​ത്തി​ൽ ദി​നം​പ്ര​തി ര​ണ്ടു​കോ​ടി​യി​ല​ധി​കം മു​ട്ട​യാ​ണ് ആ​വ​ശ്യ​മു​ള്ള​ത്. ലൈ​വ് ചി​ക്ക​ൻ 135-140 രൂ​പ​യാ​ണ് വി​ല. താ​റാ​വി​ന് (ഡ്ര​സ് ചെ​യ്ത​ത്) 400-430 രൂ​പ​വ​രെ​യും വി​ല​യു​ണ്ട്. ഇ​ത് ക്രി​സ്മ​സ്-​പു​തു​വ​ത്സ​ര ദി​ന​ങ്ങ​ള​ടു​ക്കു​മ്പോ​ൾ കൂ​ടു​മെ​ന്ന്​ വ്യാ​പാ​രി​ക​ൾ പ​റ​യു​ന്നു. മു​ട്ട​വി​ല നി​ശ്ച​യി​ക്കു​ന്ന നാ​ഷ​ന​ൽ എ​ഗ്​ കോ​ഓ​ഡി​നേ​ഷ​ൻ ക​മ്മി​റ്റി​യു​ടെ ച​രി​ത്ര​​ത്തി​ലെ ഏ​റ്റ​വും ഉ​യ​ർ​ന്ന​വി​ല​യാ​ണി​ത്. സാ​ധാ​ര​ണ ഡി​സം​ബ​റി​ൽ മു​ട്ട​വി​ല കൂ​ടാ​റു​ണ്ട്.

ക​ഴി​ഞ്ഞ​വ​ർ​ഷം ഇ​തേ​ദി​വ​സം 5.90 രൂ​പ​യാ​യി​രു​ന്നു വി​ല. പ​ക്ഷേ, ഇ​ത്ര​യും ഉ​യ​ർ​ന്നി​ട്ടി​ല്ല. കേ​ക്ക്​ വി​പ​ണി സ​ജീ​വ​മാ​യ​തോ​ടെ ബേ​ക്ക​റി ഉ​ട​മ​ക​ൾ വ​ൻ​തോ​തി​ൽ മു​ട്ട വാ​ങ്ങി​യ​തും വി​ല ഉ​യ​രാ​ൻ കാ​ര​ണ​മാ​യി.

പൗ​ൾ​ട്രി മേ​ഖ​ല​യി​ൽ ഒ​രു വ​ർ​ഷ​ത്തെ പ്ര​തീ​ക്ഷ​യു​ടെ തു​ട​ക്ക​മാ​ണ് ക്രി​സ്മ​സ്-​പു​തു​വ​ത്സ​ര സീ​സ​ൺ. ഡി​സം​ബ​ർ- ജ​നു​വ​രി മാ​സ​ത്തെ ക​ച്ച​വ​ട​ത്തി​ൽ​നി​ന്നാ​ണ്​ ഉ​ൽ​പാ​ദ​ന ചെ​ല​വി​നേ​ക്കാ​ൾ കൂ​ടു​ത​ൽ തു​ക കി​ട്ടു​ന്ന​ത്. പ​ണ​യം വെ​ച്ചും വാ​യ്​​പ​യെ​ടു​ത്തും കൃ​ഷി​യി​റ​ക്കു​ന്ന​വ​രു​ടെ പ്ര​തീ​ക്ഷ​ക്കാ​ലം​കൂ​ടി​യാ​ണി​ത്. എ​ന്നാ​ൽ, ക​ഴി​ഞ്ഞ​വ​ർ​ഷ​ത്തെ പ​ക്ഷി​പ്പ​നി​യും അ​തേ തു​ട​ർ​ന്നു​ണ്ടാ​യ നി​രോ​ധ​ന​വും കോ​ഴി-​താ​റാ​വ്​ മേ​ഖ​ല​യി​ൽ വ​ലി​യ പ്ര​തി​സ​ന്ധി സൃ​ഷ്ടി​ച്ചു. തു​ട​ർ​ച്ച​യാ​യു​ള്ള വി​പ​ണി ഇ​ടി​വി​നെ​ത്തു​ട​ർ​ന്ന്​ ക​ർ​ഷ​ക​ർ കൃ​ഷി​യി​റ​ക്കി​യി​രു​ന്നി​ല്ല.