'ഒരു നെല്ലും ഒരു മീനും പദ്ധതി'; പൊക്കാളി കൃഷിയുടെ വിളവെടുപ്പ് നടത്തി

അരൂർ: പഞ്ചായത്തിലെ ചന്തിരൂർ ഇളയപാടം പാടശേഖരത്തിൽ ഒരു നെല്ലും ഒരു മീനും പദ്ധതി പ്രകാരം നടത്തിയ പൊക്കാളി കൃഷിയുടെ വിളവെടുപ്പ് നടത്തി. ഇക്കുറി കനത്ത മഴയും പ്രകൃതി ക്ഷോഭങ്ങളും നേരിട്ടെങ്കിലും പൊക്കാളി നെല്ല് അതിനെയെല്ലാം അതിജീവിച്ച് നൂറുമേനി വിളവും നൽകി. കൊയ്ത്തിനുള്ള തൊഴി‍ലാളികളുടെ ​കുറവ്​ മാത്രമാണ് ആശങ്ക ഉണർത്തുന്നത്. കൊയ്ത്തുത്സവം അരൂർ പഞ്ചായത്ത് പ്രസിഡന്‍റ്​ രാഖി ആന്‍റണി ഉദ്ഘാടനം ചെയ്തു.

പഞ്ചായത്ത് വൈസ് പ്രസിഡന്‍റ്​ എം.പി.ബിജു,അംഗങ്ങളായ ബി.കെ.ഉദയകുമാർ, അമ്പിളി ഷിബു, കർഷകരായ ജെ.ആർ.അജിത്ത്, സന്ധ്യ അജിത്ത്, സംഘം സെക്രട്ടറി മുഹമ്മദ് കുട്ടി എന്നിവർ സംബന്ധിച്ചു. കഴിഞ്ഞ ജൂലൈ 23ന് ദലീമ ജോജോ എം.എൽ.എയാണ് വിത്ത് വിത ഉദ്ഘാടനം ചെയ്തത്.