ലീഗ് മന്ത്രിമാരുടെ ‘ചാ​യ​സ​ൽ​ക്കാ​ര’ യോഗം തുടങ്ങി; പ​ങ്കെടുക്കുന്നത് സാദിഖലി തങ്ങളും പി.എം.എ സലാമും അടക്കമുള്ളവർ

മ​ല​പ്പു​റം: മുസ്‍ലിംലീഗ് മന്ത്രിമാരുടെ പ്രവർത്തനരീതിയെ കുറിച്ചുള്ള വിമർശനങ്ങൾ പ്രതിരോധിക്കാൻ അഞ്ച് മന്ത്രിമാരുടെയും യോഗം പാണക്കാട് തുടങ്ങി. മന്ത്രിമാരായ പി.കെ. കുഞ്ഞാലിക്കുട്ടി, കെ.എം. ഷാജി, പി.കെ. ബഷീർ, എൻ. ഷംസുദ്ദീൻ, വി.ഇ. അബ്ദുൾ ഗഫൂർ എന്നിവർക്ക് പുറമേ പാർട്ടി അധ്യക്ഷൻ സാദിഖലി ശിഹാബ് തങ്ങൾ, പി.എം.എ. സലാം, അബ്ബാസലി ശിഹാബ് തങ്ങൾ എന്നിവരുമാണ് യോഗത്തിൽ പ​ങ്കെടുക്കുന്നത്.

മ​ന്ത്രി​മാ​ർ​ക്കെ​തി​രെ പാ​ർ​ട്ടി​ക്കു​ള്ളി​ൽ നി​ര​ന്ത​രം വി​മ​ർ​ശ​ന​മു​യ​രു​ന്ന പ​ശ്ചാ​ത്ത​ല​ത്തി​ലാ​ണ് പാ​ണ​ക്കാ​ട് സാ​ദി​ഖ​ലി ശി​ഹാ​ബ് ത​ങ്ങ​ൾ യോ​ഗം വി​ളി​ച്ച​ത്. ചാ​യ​സ​ൽ​ക്കാ​ര​മെ​ന്ന പേ​രി​ലാ​ണ് മ​ന്ത്രി​മാ​രെ പാ​ണ​ക്കാ​ട്ടേ​ക്ക് ക്ഷ​ണി​ച്ച​ത്.

പേ​ഴ്സ​ണ​ൽ സ്റ്റാ​ഫ് നി​യ​മ​ന​വും പി.​എം ശ്രീ​യു​മ​ട​ക്ക​മു​ള്ള വി​ഷ​യ​ങ്ങ​ൾ ച​ർ​ച്ച​യാ​കും. സ്റ്റാ​ഫ് നി​യ​മ​ന​ങ്ങ​ളി​ൽ പാ​ർ​ട്ടി​യു​ടെ​യോ പോ​ഷ​ക​സം​ഘ​ട​ന​ക​ളു​ടെ​യോ അ​ഭി​പ്രാ​യ​ങ്ങ​ൾ പ​രി​ഗ​ണി​ക്കു​ന്നി​ല്ലെ​ന്നും മ​ന്ത്രി​മാ​ർ ത​ന്നി​ഷ്ട​ത്തോ​ടെ പ്ര​വ​ർ​ത്തി​ക്കു​ന്നു​വെ​ന്നു​മു​ള്ള ആ​ക്ഷേ​പം ഉ​യ​ർ​ന്നി​രു​ന്നു. ഈ ​വി​ഷ​യ​ത്തി​ൽ യൂ​ത്ത് ലീ​ഗ്, എം.​എ​സ്.​എ​ഫ് ക​മ്മി​റ്റി​ക​ൾ മ​ന്ത്രി​മാ​ർ​ക്കെ​തി​രെ ​പ്ര​മേ​യ​ങ്ങ​ൾ പാ​സാ​ക്കു​ന്ന സ്ഥി​തി വ​രെ​യു​ണ്ടാ​യി.

പ്ല​സ്‍വ​ൺ സീ​റ്റ്, പി.​എം ശ്രീ, ​മ​ദ്യ​ന​യം, ഊ​രാ​ളു​ങ്ക​ൽ വി​ഷ​യ​ങ്ങ​ളി​ൽ പാ​ർ​ട്ടി നി​ല​പാ​ടി​ന് വി​രു​ദ്ധ​മാ​യി മ​ന്ത്രി​മാ​രു​ടേ​താ​യി വ​ന്ന പ്ര​തി​ക​ര​ണ​ങ്ങ​ളും അ​ണി​ക​ളി​ൽ അ​വ​മ​തി​പ്പ് സൃ​ഷ്ടി​ച്ചി​രു​ന്നു. ഈ ​മാ​സം 18ന് ​കോ​ഴി​ക്കോ​ട്ട് ചേ​രു​ന്ന സം​സ്ഥാ​ന പ്ര​വ​ർ​ത്ത​ക സ​മി​തി യോ​ഗ​ത്തി​ൽ മ​ന്ത്രി​മാ​ർ​ക്കെ​തി​രെ രൂ​ക്ഷ വി​മ​ർ​ശ​ന​മു​ണ്ടാ​കു​മെ​ന്ന് സൂ​ച​ന​യു​ള്ള​തി​നാ​ൽ ഇ​ത് കൂ​ടി ക​ണ​ക്കി​ലെ​ടു​ത്താ​ണ് യോ​ഗം വി​ളി​ച്ചത്. യോഗത്തിൽ ഈ വിഷയങ്ങളെല്ലാം ചർച്ചയായതായാണ് വിവരം.