ലാവ്​ലിൻ കേസിൽ ഗവർണർ ഒരു പാലമായോ എന്ന്​ സംശയിക്കുന്നു -കെ. മുരളീധരൻ

തിരുവനന്തപുരം: കേരള ഗവർണർ ആരിഫ്​ മുഹമ്മദ്​ ഖാൻ നിയമസഭയിൽ നടത്തിയ നയപ്രഖ്യാപന പ്രസംഗത്തിൽ സി.എ.എ വിരുദ്ധ പരമർശ ങ്ങളടങ്ങിയ 18-ാം ഖണ്ഡിക വായിച്ച സംഭവത്തിൽ മുഖ്യമന്ത്രിയേയും ഗവർണറേയും വിമർശിച്ച്​ കെ. മുരളീധരൻ എം.പി. ലാവ്​ലിൻ ക േസിൽ ഗവർണർ ഒരു പാലമായി പ്രവർത്തിച്ചോ എന്ന കാര്യത്തിൽ സംശയമുണ്ടെന്ന്​ കെ. മുരളീധരൻ പറഞ്ഞു.

നയപ്രഖ്യാപനത്തിലെ 18-ാം ഖണ്ഡിക വായിക്കില്ലെന്ന്​ ആദ്യം നിലപാടെടുത്ത ഗവർണർ, പിന്നീട്​ മുഖ്യമന്ത്രി അഭ്യർഥിച്ചതിനാൽ വായിക്കുകയായിരുന്നു. അതിനർഥം മുഖ്യമന്ത്രി ഗവർണറുമായി ഇടക്കിടെ ബന്ധപ്പെടുന്നുണ്ടെന്നാണ്​.

മനുഷ്യ മഹാശൃംഖല കഴിഞ്ഞിട്ട്​ മുഖ്യമന്ത്രി നേരെ പോയത്​ രാജ്​ഭവനിൽ ഗവർണറുടെ ആതിഥ്യം സ്വീകരിക്കാനാണെന്നും അതേസമയം കേരള ഗവർണർ നിയമസഭയെ അടിക്കടി അപമാനിക്കുകയാണെന്നും മുരളീധരൻ പറഞ്ഞു.