കെ.എസ്​.ആർ.ടി.സിയിൽ നിര്‍ബന്ധിത സ്വയം വിരമിക്കൽ

തി​രു​വ​ന​ന്ത​പു​രം: കെ.​എ​സ്.​ആ​ർ.​ടി.​സി​യി​ല്‍ നി​ര്‍ബ​ന്ധി​ത സ്വ​യം​വി​ര​മി​ക്ക​ൽ പ​ദ്ധ​തി ന​ട​പ്പാ​ക്കാ​ൻ നീ​ക്കം. 50 വ​യ​സ്സ്​​ ക​ഴി​ഞ്ഞ​വ​ര്‍ക്കും സ​ർ​വി​സി​ൽ 20 വ​ര്‍ഷം പൂ​ര്‍ത്തി​യാ​ക്കി​യ​വ​ര്‍ക്കു​മാ​യി​രി​ക്കും സ്വ​യം വി​ര​മി​ക്ക​ല്‍ പ​ദ്ധ​തി. ഇ​തി​നാ​യി 7,200 ജീ​വ​ന​ക്കാ​രു​ടെ പ​ട്ടി​ക മാ​നേ​ജ്മെ​ന്റ് ത​യാ​റാ​ക്കി​യ​താ​യാ​ണ്​ സൂ​ച​ന. വി​ര​മി​ക്കു​ന്ന ഒ​രാ​ള്‍ക്ക് കു​റ​ഞ്ഞ​ത് 15 ല​ക്ഷം രൂ​പ ന​ല്‍കാ​നാ​ണ് നീ​ക്കം. മ​റ്റ് ആ​നു​കൂ​ല്യ​ങ്ങ​ള്‍ വി​ര​മി​ക്ക​ല്‍ പ്രാ​യ​ത്തി​നു​ശേ​ഷം ന​ല്‍കും.

പ​ദ്ധ​തി ന​ട​പ്പാ​ക്കി​യാ​ല്‍ ശ​മ്പ​ള ചെ​ല​വി​ല്‍ 50 ശ​ത​മാ​നം കു​റ​വ്​ വ​രു​മെ​ന്നാ​ണ് മാ​നേ​ജ്മെ​ന്റി​ന്റെ ക​ണ​ക്കു​കൂ​ട്ട​ല്‍. അ​തോ​ടെ ശ​മ്പ​ളം ന​ൽ​കാ​ൻ എ​ല്ലാ​മാ​സ​വും ധ​ന​വ​കു​പ്പി​നെ സ​മീ​പി​ക്കേ​ണ്ടി​വ​രി​ല്ലെ​ന്നും ക​രു​തു​ന്നു. വി​ര​മി​ക്ക​ൽ പ​ദ്ധ​തി ന​ട​പ്പാ​ക്കാ​ൻ 1080 കോ​ടി രൂ​പ​യാ​ണ്​​ വേ​ണ്ടി​വ​രി​ക. ഇ​തി​നാ​യി ധ​ന​വ​കു​പ്പി​നെ സ​മീ​പി​ക്കും. കെ.​എ​സ്.​ആ​ർ.​ടി.​സി​യി​ൽ ആ​കെ 24,000ത്തോ​ളം ജീ​വ​ന​ക്കാ​രാ​ണ്​ നി​ല​വി​ലു​ള്ള​ത്. കു​റെ ജീ​വ​ന​ക്കാ​രെ വി.​ആ​ർ.​എ​സ് ന​ൽ​കി ഒ​ഴി​വാ​ക്കി​യാ​ൽ 40 കോ​ടി രൂ​പ​യോ​ളം ഒ​രു​മാ​സം ലാ​ഭി​ക്കാ​നാ​കും.

മാ​നേ​ജ്​​മെ​ന്‍റി​ന്‍റെ പു​തി​യ നീ​ക്ക​ത്തോ​ട്​ തൊ​ഴി​ലാ​ളി​ക​ൾ​ക്കി​ട​യി​ൽ വ്യ​ത്യ​സ്ത അ​ഭി​പ്രാ​യ​മാ​ണെ​ങ്കി​ലും യൂ​നി​യ​നു​ക​ൾ​ക്ക്​ പു​തി​യ നീ​ക്ക​ത്തോ​ട്​ ​യോ​ജി​പ്പി​ല്ല. അ​തേ​സ​മ​യം, നി​ർ​ബ​ന്ധി​ത വി​ര​മി​ക്ക​ൽ പ​ദ്ധ​തി ന​ട​പ്പാ​ക്കു​ന്നു​വെ​ന്ന പ്ര​ചാ​ര​ണ​ത്തി​ന്​ അ​ടി​സ്ഥാ​ന​മി​ല്ലെ​ന്ന് കെ.​എ​സ്.​ആ​ർ.​ടി.​സി മാ​നേ​ജ്​​മെ​ന്‍റ്​ അ​റി​യി​ച്ചു. അ​ത്ത​ര​മൊ​രു കാ​ര്യം ആ​ലോ​ചി​ക്കു​ന്നി​ല്ല. അ​തി​നാ​യി ജീ​വ​ന​ക്കാ​രു​ടെ പ​ട്ടി​ക​യും ത​യാ​റാ​ക്കി​യി​ട്ടി​ല്ല. വി.​ആ​ർ.​എ​സ് ന​ട​പ്പാ​ക്കു​ക​യാ​ണെ​ങ്കി​ൽ ത​ന്നെ താ​ൽ​പ​ര്യ​മു​ള്ള​വ​ർ​ക്ക് മാ​ത്ര​മാ​യി​രി​ക്കും. അ​ല്ലാ​തെ 50 വ​യ​സ്സ്​ ക​ഴി​ഞ്ഞ​വ​ർ​ക്കോ 20 വ​ർ​ഷം പൂ​ർ​ത്തി​യാ​യ​വ​ർ​ക്കോ ന​ട​പ്പാ​ക്കാ​ൻ ഉ​ദ്ദേ​ശി​ക്കു​ന്നി​ല്ല. വി.​ആ​ർ.​എ​സ്​ തീ​രു​മാ​നം എ​ടു​ക്കു​ന്നു​വെ​ങ്കി​ൽ യൂ​നി​യ​നു​ക​ളു​മാ​യി ച​ർ​ച്ച ചെ​യ്തും സ്വീ​കാ​ര്യ​മാ​യ പാ​ക്കേ​ജ് ഉ​ൾ​പ്പെ​ടെ പ​രി​ഗ​ണി​ച്ചും മാ​ത്ര​മേ ചി​ന്തി​ക്കു​ക​യു​ള്ളൂ​വെ​ന്നും മാ​നേ​ജ്മെ​ന്റ് അ​റി​യി​ച്ചു.