വാട്ടർ അതോറിറ്റിക്ക് പുതിയ മൂന്ന്​ ഡിവിഷനുകൾ കൂടി

തി​രു​വ​ന​ന്ത​പു​രം: സേ​വ​ന​ങ്ങ​ൾ മെ​ച്ച​പ്പെ​ടു​ത്തു​ന്ന​തി​ന്റെ ഭാ​​ഗ​മാ​യി കേ​ര​ള വാ​ട്ട​ർ അ​തോ​റി​റ്റി​യു​ടെ കീ​ഴി​ൽ മൂ​ന്ന്​ പു​തി​യ ഡി​വി​ഷ​നു​ക​ൾ കൂ​ടി നി​ല​വി​ൽ വ​ന്നു. ആ​ല​പ്പു​ഴ സ​ർ​ക്കി​ളി​ന്​ കീ​ഴി​ൽ പ​ബ്ലി​ക് ഹെ​ൽ​ത്ത്​ ഡി​വി​ഷ​ൻ കാ​യം​കു​ളം, ക​ണ്ണൂ​ർ സ​ർ​ക്കി​ളി​ന്​ കീ​ഴി​ൽ പ്രോ​ജ​ക്ട് ഡി​വി​ഷ​ൻ കാ​ഞ്ഞ​ങ്ങാ​ട്, കോ​ട്ട​യം സ​ർ​ക്കി​ളി​ന്​ കീ​ഴി​ൽ പ്രോ​ജ​ക്ട് ഡി​വി​ഷ​ൻ മീ​ന​ച്ച​ൽ-​മ​ല​ങ്ക​ര എ​ന്നി​വ​യാ​ണ് പു​തു​താ​യി നി​ല​വി​ൽ വ​ന്ന ഡി​വി​ഷ​നു​ക​ൾ. എ​ക്സി​ക്യൂ​ട്ടി​വ് എ​ൻ​ജി​നീ​യ​ർ മേ​ല​ധി​കാ​രി​യാ​യ ഡി​വി​ഷ​നു​ക​ളി​ൽ ജീ​വ​ന​ക്കാ​രെ പു​ന​ർ​വി​ന്യാ​സം വ​ഴി​യാ​ണ് നി​യ​മി​ച്ച​ത്. കാ​യം​കു​ളം ആ​സ്ഥാ​ന​മാ​യ കാ​യം​കു​ളം പി.​എ​ച്ച് ഡി​വി​ഷ​ന്റെ പ​രി​ധി​യി​ൽ പി.​എ​ച്ച് സ​ബ് ഡി​വി​ഷ​ൻ എ​ട​ത്വ, വാ​ട്ട​ർ സ​പ്ലൈ പ്രോ​ജ​ക്ട് സ​ബ് ഡി​വി​ഷ​ൻ ഹ​രി​പ്പാ​ട്, വാ​ട്ട​ർ സ​​പ്ലൈ പ്രോ​ജ​ക്ട് സ​ബ് ഡി​വി​ഷ​ൻ മാ​വേ​ലി​ക്ക​ര എ​ന്നീ ഓ​ഫി​സു​ക​ളെ ഉ​ൾ​പ്പെ​ടു​ത്തി.

പ്രോ​ജ​ക്ട് ഡി​വി​ഷ​നു​ക​ൾ നി​ല​വി​ല്ലാ​തി​രു​ന്ന കാ​സ​ർ​കോ​ട് ജി​ല്ല​യി​ൽ വാ​ട്ട​ർ അ​തോ​റി​റ്റി​യു​ടെ ആ​ദ്യ പ്രോ​ജ​ക്ട് ഡി​വി​ഷ​നാ​ണ് കാ​ഞ്ഞ​ങ്ങാ​ട്ട് നി​ല​വി​ൽ വ​രു​ന്ന​ത്. 1744.66 കോ​ടി രൂ​പ​യു​ടെ ജ​ല​ജീ​വ​ൻ മി​ഷ​ൻ പ​ദ്ധ​തി​ക​ൾ​ക്ക് ഭ​ര​ണാ​നു​മ​തി ല​ഭി​ച്ച ജി​ല്ല​യി​ൽ പ​ദ്ധ​തി​നി​ർ​മാ​ണ​ങ്ങ​ൾ​ക്ക് കൂ​ടു​ത​ൽ കാ​ര്യ​ക്ഷ​മ​ത ല​ഭി​ക്കാ​നാ​ണ് പു​തി​യ പ്രോ​ജ​ക്ട് ഡി​വി​ഷ​ൻ അ​നു​വ​ദി​ച്ച​ത്.

മ​ല​ങ്ക​ര ഡാ​മി​നെ ആ​ധാ​ര​മാ​ക്കി 1243 കോ​ടി രൂ​പ​യു​ടെ ജ​ല​ജീ​വ​ൻ മി​ഷ​ൻ പ​ദ്ധ​തി നി​ർ​മാ​ണ​മാ​ണു​ള്ള​ത്. പാ​ലാ, പൂ​ഞ്ഞാ​ർ, കാ​ഞ്ഞി​ര​പ്പ​ള്ളി നി​യോ​ജ​ക മ​ണ്ഡ​ല​ങ്ങ​ളി​ലെ വാ​ട്ട​ർ അ​തോ​റി​റ്റി​യു​ടെ പ​ദ്ധ​തി നി​ർ​വ​ഹ​ണ​ച്ചു​മ​ത​ല​യും പു​തി​യ ഡി​വി​ഷ​നു​ണ്ടാ​യി​രി​ക്കും. ആ​കെ ഡി​വി​ഷ​നു​ക​ളു​ടെ എ​ണ്ണം 48 ആ​യി.