വ്യാജ ആരോപണം: ര​ണ്ടു​വ​ർ​ഷം ത​ട​വു​ശി​ക്ഷ പര്യാപ്തമോയെന്ന് പരിശോധിക്കണം -ഹൈകോടതി

കൊ​ച്ചി: വ്യാ​ജ ആ​രോ​പ​ണ​ങ്ങ​ൾ ഉ​ന്ന​യി​ക്കു​ന്ന​വ​ർ​ക്ക് ര​ണ്ടു​വ​ർ​ഷം ത​ട​വു​ശി​ക്ഷ പ​ര്യാ​പ്ത​മാ​ണോ​യെ​ന്ന് പാ​ർ​ല​മെ​ന്റ് പ​രി​ശോ​ധി​ക്ക​ണ​മെ​ന്ന് ഹൈ​കോ​ട​തി. വ്യാ​ജ ആ​രോ​പ​ണ​ങ്ങ​ൾ വി​ഷ​ലി​പ്ത​മാ​ണ്. ഇ​ത്ത​രം പ​രാ​തി​ക​ൾ​ക്ക് ഇ​ര​ക​ളാ​കു​ന്ന​വ​രു​ടെ ജീ​വി​ത​മാ​ണ് ഇ​ല്ലാ​താ​കു​ന്ന​തെ​ന്നും വി​ല​യി​രു​ത്തി​യാ​ണ് ജ​സ്റ്റി​സ് പി.​വി. കു​ഞ്ഞി​കൃ​ഷ്ണ​ന്‍റെ നി​രീ​ക്ഷ​ണം.

ചാ​ല​ക്കു​ടി​യി​ൽ ബ്യൂ​ട്ടി​പാ​ർ​ല​ർ ന​ട​ത്തു​ന്ന ഷീ​ല സ​ണ്ണി​യെ മ​യ​ക്കു​മ​രു​ന്ന്​ കേ​സി​ൽ കു​ടു​ക്കി​യ സം​ഭ​വ​ത്തി​ൽ പ്ര​തി​യാ​യ തൃ​പ്പൂ​ണി​ത്തു​റ എ​രൂ​ർ സ്വ​ദേ​ശി എം.​എ​ൻ. നാ​രാ​യ​ണ​ദാ​സി​ന്റെ മു​ൻ​കൂ​ർ​ജാ​മ്യ ഹ​ര​ജി ത​ള്ളി​യ ഉ​ത്ത​ര​വി​ലാ​ണ് സിം​ഗി​ൾ ബെ​ഞ്ചി​ന്റെ നി​രീ​ക്ഷ​ണം. ഹ​ര​ജി​ക്കാ​ര​ൻ ഏ​ഴു​ദി​വ​സ​ത്തി​ന​കം കീ​ഴ​ട​ങ്ങ​ണ​മെ​ന്നും അ​ല്ലാ​ത്ത​പ​ക്ഷം പൊ​ലീ​സി​ന് അ​റ​സ്റ്റ് ചെ​യ്യാ​മെ​ന്നും കോ​ട​തി പ​റ​ഞ്ഞു.

2023 മാ​ർ​ച്ച് 27നാ​ണ് ഷീ​ല സ​ണ്ണി​യു​ടെ സ്കൂ​ട്ട​റി​ൽ​നി​ന്ന് എ​ൽ.​എ​സ്.​ഡി സ്റ്റാ​മ്പു​ക​ളെ​ന്ന് സം​ശ​യി​ക്കു​ന്ന 0.160 ഗ്രാം ​വ​സ്തു​ക്ക​ൾ എ​ക്സൈ​സ് പി​ടി​ച്ചെ​ടു​ത്ത​ത്. ഷീ​ല 72 ദി​വ​സം ജ​യി​ലി​ലാ​യി. രാ​സ​പ​രി​ശോ​ധ​ന​യി​ൽ മ​യ​ക്കു​മ​രു​ന്ന് സാ​ന്നി​ധ്യ​മി​ല്ലെ​ന്ന് ക​ണ്ടെ​ത്തി​യ​തി​നെ​ത്തു​ട​ർ​ന്നാ​ണ് ജ​യി​ൽ മോ​ചി​ത​യാ​യ​ത്. പി​ന്നീ​ട് ഷീ​ല​ക്കെ​തി​രാ​യ കേ​സ് ഹൈ​കോ​ട​തി റ​ദ്ദാ​ക്കി. ഷീ​ല സ​ണ്ണി​യും മ​രു​മ​ക​ളും ത​മ്മി​ൽ അ​ഭി​പ്രാ​യ​വ്യ​ത്യാ​സം ഉ​ണ്ടാ​യി​രു​ന്നു. ഷീ​ല​യെ കു​ടു​ക്കാ​ൻ നാ​രാ​യ​ണ​ദാ​സി​നെ ഉ​പ​യോ​ഗി​ച്ചെ​ന്നാ​ണ് കേ​സ്.