ഒമ്പതാം വർഷവും റമദാൻ വ്രതം പൂർത്തിയാക്കി സുകുമാരൻ

നീ​ലേ​ശ്വ​രം: റ​മ​ദാ​ൻ 30 നോ​മ്പും മു​ട​ങ്ങാ​തെ എ​ടു​ത്ത് മ​ത​സൗ​ഹാ​ർ​ദ​ത്തി​ന്റെ പ്ര​തീ​ക​മാ​വു​ക​യാ​ണ് നീ​ലേ​ശ്വ​രം മ​ന്ദം പു​റ​ത്തെ എം. ​സു​കു​മാ​ര​ൻ. 2014ൽ ​റ​മ​ദാ​ൻ നോ​മ്പ് എ​ടു​ക്ക​ൽ ആ​രം​ഭി​ച്ച സു​കു​മാ​ര​ൻ 2023ൽ ​ഒ​മ്പ​ത് വ​ർ​ഷം പൂ​ർ​ത്തി​യാ​ക്കി. ഒ​രു കൗ​തു​ക​ത്തി​ന് തോ​ന്നി​യ റ​മ​ദാ​ൻ നോ​മ്പെ​ടു​ക്ക​ൽ പി​ന്നീ​ട് മു​ട​ങ്ങാ​തെ തു​ട​ർ​ന്നു. ശാ​രീ​രി​ക പ്ര​ശ്നം കൊ​ണ്ട് ഏ​തെ​ങ്കി​ലും ഒ​രു​ദി​വ​സം വ്ര​തം മു​ട​ങ്ങി​യാ​ൽ സു​ന്ന​ത്ത് നോ​മ്പെ​ടു​ത്ത് പ​രി​ഹ​രി​ക്കും.

ആ​രും നി​ർ​ബ​ന്ധി​ച്ച​ല്ല എ​ടു​ത്ത​തെ​ന്നും മ​ന​സ്സി​നും ശ​രീ​ര​ത്തി​നും കൂ​ടു​ത​ൽ ഉ​ന്മേ​ഷം ന​ൽ​കു​ന്നു​ണ്ടെ​ന്നും പ്ര​തി​രോ​ധ​ശേ​ഷി വ​ർ​ധി​ക്കാ​ൻ വ്ര​ത​ം കൊണ്ട് സാ​ധി​ച്ചി​ട്ടു​ണ്ടെ​ന്നും സു​കു​മാ​ര​ൻ പ​റ​ഞ്ഞു. കാ​ഞ്ഞ​ങ്ങാ​ട് കേ​ന്ദ്രീ​യ വി​ദ്യാ​ല​യ​ത്തി​ൽ പ​ഠി​ക്കു​ന്ന മ​ക​ൻ കൗ​ശി​ക് സൂ​ര്യ നോ​മ്പ് കാ​ല​ത്ത് 17, 21 ദി​വ​സ​ങ്ങ​ളി​ൽ പി​താ​വി​നോ​ടൊ​പ്പം വ്ര​തം എ​ടു​ത്തി​രു​ന്നു. പോ​ളി​ഷി​ങ് ജോ​ലിയെടു​ക്കു​ന്ന സു​കു​മാ​ര​ൻ മി​ക​ച്ച ക​ലാ​കാ​ര​ൻ കൂ​ടി​യാ​ണ്.

അ​ഞ്ചോ​ളം സി​നി​മ​ക​ളി​ലും സീ​രി​യ​ലു​ക​ളി​ലും ആ​ൽ​ബ​ങ്ങ​ളി​ലും അ​ഭി​ന​യി​ച്ചി​ട്ടു​ണ്ട്. നി​ര​വ​ധി ക​വി​ത​ക​ളും ഗാ​ന​ങ്ങ​ളും ഒരുക്കിയിട്ടുണ്ട്. അം​ഗ​ൻ​വാ​ടി വി​ദ്യാ​ർ​ഥി​യാ​യ മ​ക​ൾ വം​ശി​ക സൂ​ര്യ​യും ഭാ​ര്യ ഉ​ഷ​യും പൂ​ർ​ണ പി​ന്തു​ണ​യു​മാ​യു​ണ്ട്. മ​ന്ദം പു​റ​ത്തെ മു​സ്‍ലിം സ​ഹോ​ദ​ര​ങ്ങ​ളു​ടെ പൂ​ർ​ണ പി​ന്തു​ണ ല​ഭി​ക്കു​ന്ന​ത് വ്ര​ത​മ​നു​ഷ്ഠി​ക്കാ​ൻ കൂ​ടു​ത​ൽ ഉ​ത്തേ​ജ​ന​മാ​കാ​റു​ണ്ട്.