റോ​ഡു​ക​ൾ ത​ക​ർ​ന്നു; ന​ടു​വൊ​ടി​ഞ്ഞ് യാ​ത്ര​ക്കാ​ർ

കാ​സ​ർ​കോ​ട്: മ​ഴ​ക്കു​മു​മ്പ് ന​വീ​ക​രി​ച്ച ന​ഗ​ര​ത്തി​ലെ മി​ക്ക റോ​ഡു​ക​ളും ത​ക​ർ​ച്ച​യു​ടെ വ​ക്കി​ൽ. പ​ല റോ​ഡു​ക​ളി​ലേ​യും ജി​ല്ലി​ക​ൾ പു​റ​ത്തു​കാ​ണു​ന്ന അ​വ​സ്ഥ​യി​ലാ​ണ്. റെ​യി​ൽ​വേ സ്റ്റേ​ഷ​ൻ റോ​ഡി​ലെ മി​ക്ക സ്ഥ​ല​ങ്ങ​ളും ത​ക​ർ​ന്നി​ട്ടു​ണ്ട്. തെ​രു​വ​ത്ത് പ​ള്ളി​ക്ക് മു​ന്നി​ലു​ള്ള റോ​ഡ് മു​ത​ൽ ക​റ​ന്ത​ക്കാ​ട് വ​രെ​യു​ള്ള കു​ണ്ടും കു​ഴി​യും നി​റ​ഞ്ഞ റോ​ഡു​ക​ളാ​ണ് മേ​യ് മാ​സ​ത്തി​ൽ ടാ​റി​ങ് ന​ട​ത്തി​യ​ത്.

എ​ന്നാ​ൽ, ശ​ക്ത​മാ​യ മ​ഴ​വെ​ള്ള​പ്പാ​ച്ചി​ലി​ൽ താ​യ​ല​ങ്ങാ​ടി​ മ​ദ്റ​സ​ക്ക് സ​മീ​പ​ത്തെ ഫൂ​ട്പാ​ത്തി​ന് അ​രി​കി​ൽ വ​ലി​യ ഗ​ർ​ത്ത​ങ്ങ​ളാ​ണ് രൂ​പ​പ്പെ​ട്ടി​ട്ടു​ള്ള​ത്. ശ​ക്ത​മാ​യ മ​ഴ​യി​ൽ പ​ല കു​ഴി​ക​ളും കാ​ണാ​ത്ത രീ​തി​യി​ൽ മ​ഴ​വെ​ള്ളം കെ​ട്ടി​നി​ൽ​ക്കു​ക​യാ​ണ്. ഇ​രു​ച​ക്ര​വാ​ഹ​ന​ങ്ങ​ള​ട​ക്കം ഇ​തി​ൽ വീ​ണ് വ​ലി​യ അ​പ​ക​ട​ത്തി​നി​ട​യാ​ക്കു​ക​യാ​ണ്. മിക്ക റോ​ഡു​ക​ളു​ടെ​യും സ്ഥി​തി ഇ​തു​ത​ന്നെ​യാ​ണ്. ഏ​റെ തി​ര​ക്കേ​റി​യ ചെ​മ്മ​നാ​ട് വ​ഴി​യു​ള്ള കെ.​എ​സ്.​ടി.​പി റോ​ഡി​ൽ ക​ള​നാ​ട് വ​രെ വ​ലു​തും ചെ​റു​തു​മാ​യ നി​ര​വ​ധി കു​ഴി​ക​ൾ രൂ​പ​പ്പെ​ട്ടി​ട്ടു​ണ്ട്. മ​ഴ​ക്ക് മു​മ്പു​ത​ന്നെ ഇ​വി​ടെ കു​ഴി​ക​ൾ രൂ​പ​പ്പെ​ട്ടി​രു​ന്നു.

പാ​ല​ത്തി​ലും വി​ട​വു​ക​ളു​ണ്ട്. ക​റ​ന്ത​ക്കാ​ട്-​മ​ധൂ​ർ വ​ഴി പോ​കു​ന്ന ജ​ങ്ഷ​നി​ലും റോ​ഡി​ൽ വ​ലി​യ കു​ഴി​ക​ളാ​ണു​ള്ള​ത്. ആ​റു​വ​രി​പ്പാ​ത​യു​ടെ സ​മീ​പ​ത്തു​ള്ള റോ​ഡു​ക​ളു​ടേ​യും അ​വ​സ്ഥ ഇ​തു​ത​ന്നെ​. മ​ല്ലി​കാ​ർ​ജു​ന ക്ഷേ​ത്ര​ത്തി​ന് പി​ന്നി​ലെ റോ​ഡു​ക​ളു​ടെ പ​ല​ഭാ​ഗ​ങ്ങ​ളും ത​ക​ർ​ന്നി​ട്ട് മാ​സ​ങ്ങ​ളാ​യി. പൈ​പ്പു​ക​ളി​ടാ​ൻ കു​ഴി​ക്കു​ന്ന കു​ഴി​ക​ളും നി​ക​ത്താ​ത്ത അ​വ​സ്ഥ​യാ​ണ്. റോ​ഡു​ക​ളു​ടെ പെ​ട്ടെ​ന്നു​ള്ള ത​ക​ർ​ച്ച​ക്ക് കാ​ര​ണം പ്ര​വൃ​ത്തി​യി​ലു​ള്ള പാ​ക​പ്പി​ഴ​വാ​ണെ​ന്ന് വ്യാ​പ​ക​മാ​യ പ​രാ​തി ഉ​യ​രു​ന്നു​ണ്ട്.