കു​മ്പ​ള​യി​ൽ അ​പ​ക​ടാ​വ​സ്ഥ​യി​ലാ​യ നെ​യിം ബോ​ർ​ഡ് നീ​ക്കി

കു​മ്പ​ള: ശ​ക്ത​മാ​യ കാ​റ്റും മ​ഴ​യും തു​ട​രു​ന്ന​തി​നി​ടെ വ്യാ​പാ​ര സ​മു​ച്ച​യ​ത്തി​ന്റെ മേ​ൽ​ക്കൂ​ര​യി​ലു​ള്ള നെ​യിം ബോ​ർ​ഡ് ഇ​ള​കിയത് പരി​ഭ്രാന്തി സൃഷ്ടിച്ചു. കു​മ്പ​ള​യി​ൽ വ്യാ​പാ​ര സ​മു​ച്ച​യ​ത്തി​ന്റെ മേ​ൽ​ക്കൂ​ര​യി​ലു​ള്ള കൂ​റ്റ​ൻ നെ​യിം ബോ​ർ​ഡ് ഇ​ള​കി​യാ​ടി​യ​താണ് വ്യാ​പാ​രി​ക​ളി​ൽ പ​രി​ഭ്രാ​ന്തി സൃ​ഷ്ടി​ച്ചത്. ത​ക​ർ​ന്നു വീ​ണാ​ലു​ണ്ടാ​യേ​ക്കാ​വു​ന്ന അ​പ​ക​ടാ​വ​സ്ഥ മ​ന​സ്സി​ലാ​ക്കി വ്യാ​പാ​രി​ക​ൾ വി​വ​രം അ​ഗ്നി​ര​ക്ഷാ​സേ​ന​യെ അ​റി​യി​ച്ചു.

സേ​ന ഉ​ദ്യോ​ഗ​സ്ഥ​ൻ രാ​ജേ​ഷ് വി​വ​രം ദു​ര​ന്ത​നി​വാ​ര​ണ അ​തോ​റി​റ്റി ടീ​മി​നെ അ​റി​യി​ച്ച​തോ​ടെ കു​മ്പ​ള ഗ്രാ​മ​പ​ഞ്ചാ​യ​ത്ത് പ്ര​സി​ഡ​ന്റ്​ യു.​പി. താ​ഹി​റ യൂ​സു​ഫ്, പ​ഞ്ചാ​യ​ത്ത് അ​സി. സെ​ക്ര​ട്ട​റി ഇ.​എ. മാ​ധ​വ​ൻ, സ്റ്റാ​ൻ​ഡി​ങ് ക​മ്മി​റ്റി ചെ​യ​ർ​പേ​ഴ്സ​ൻ സ​ബൂ​റ എ​ന്നി​വ​രു​ടെ നേ​തൃ​ത്വ​ത്തി​ൽ പ​ഞ്ചാ​യ​ത്ത് അ​ധി​കൃ​ത​രും കു​മ്പ​ള സി.​ഐ കെ.​പി. വി​നോ​ദ് കു​മാ​റി​ന്റെ നേ​തൃ​ത്വ​ത്തി​ൽ പൊ​ലീ​സും സ്ഥ​ല​ത്തെ​ത്തി ഫ​യ​ർ​ഫോ​ഴ്സ് ഉ​ദ്യോ​ഗ​സ്ഥ​രു​മാ​യി ച​ർ​ച്ച ന​ട​ത്തി. അ​ഞ്ചു​മ​ണി​ക്കൂ​ർ നീ​ണ്ട പ​രി​ശ്ര​മ​ത്തി​നി​ട​യി​ൽ അ​പ​ക​ടാ​വ​സ്ഥ​യി​ലാ​യ നെ​യിം ബോ​ർ​ഡ് ഫ​യ​ർ​ഫോ​ഴ്സ് ജീ​വ​ന​ക്കാ​ർ മു​റി​ച്ചു​മാ​റ്റി താ​ഴെ​യി​റ​ക്കി.

ത​ക​ർ​ച്ച നേ​രി​ടു​ന്ന കെ​ട്ടി​ട​ത്തി​ന്റെ മേ​ൽ​ക്കൂ​ര ഉ​ട​ൻ എ​ടു​ത്തു​മാ​റ്റാ​നും പു​തു​ക്കി​പ്പ​ണി​യാ​നും കെ​ട്ടി​ട ഉ​ട​മ​ക്ക് പ​ഞ്ചാ​യ​ത്ത് പ്ര​സി​ഡ​ന്റും സെ​ക്ര​ട്ട​റി​യും നി​ർ​ദേ​ശം ന​ൽ​കി. ജി​ല്ല​യി​ലെ കാ​ല​വ​ർ​ഷ​ക്കെ​ടു​തി​ക​ളി​ൽ ദു​ര​ന്ത​നി​വാ​ര​ണ അ​തോ​റി​റ്റി കാ​ര്യ​ക്ഷ​മ​മാ​യ ഇ​ട​പെ​ട​ൽ ന​ട​ത്താ​റു​ണ്ട്.

കു​മ്പ​ള സ്കൂ​ൾ റോ​ഡി​ൽ വൈ​ദ്യു​തി ലൈ​നി​ന് മു​ക​ളി​ലാ​യി അ​പ​ക​ടാ​വ​സ്ഥ​യി​ലാ​യ മ​ര​ങ്ങ​ൾ മു​റി​ച്ചു മാ​റ്റാ​ൻ ന​ട​പ​ടി സ്വീ​ക​രി​ക്കു​മെ​ന്ന് പ​ഞ്ചാ​യ​ത്ത് അ​ധി​കൃ​ത​ർ അ​റി​യി​ച്ചു. സ്കൂ​ൾ തു​റ​ക്കാ​റാ​യ​തും മ​ര​ങ്ങ​ൾ അ​പ​ക​ടാ​വ​സ്ഥ​യി​ലു​ള്ള​തും വ്യാ​പാ​രി​ക​ൾ ഇ​ന്ന​ലെ പ​ഞ്ചാ​യ​ത്ത് അ​ധി​കൃ​ത​രു​ടെ ശ്ര​ദ്ധ​യി​ൽ​പെ​ടു​ത്തി​യി​രു​ന്നു.