കാ​പ്പ ചു​മ​ത്തി രണ്ട് യു​വാ​ക്കളെ അ​റ​സ്റ്റ് ചെ​യ്തു

കാ​സ​ർ​കോ​ട്: ജില്ലയിൽ നി​ര​വ​ധി ആ​ക്ര​മ​ണ​ക്കേ​സു​ക​ളി​ൽ പ്ര​തി​കളായ രണ്ടുപേരെ പൊലീസ് കാപ്പ ചുമത്തി അറസ്റ്റു ചെയ്തു.

അ​ഭി​ലാ​ഷ് എ​ന്ന ഹ​ബീ​ബ് (30), മുന്ന എന്ന അക്ഷയ് (33) എന്നിവരെയാണ് പൊലീസ് അറസ്റ്റു ചെയ്തത്.

2016 മു​ത​ൽ കൊ​ല​പാ​ത​ക​ശ്ര​മം, ത​ട്ടി​ക്കൊ​ണ്ടു​പോ​ക​ൽ, മോ​ഷ​ണം, സ്ത്രീ​ക​ൾ​ക്കെ​തി​രെ​യു​ള്ള ആ​ക്ര​മ​ണം, മ​യ​ക്കു​മ​രു​ന്നു ക​ട​ത്ത​ൽ, കൊ​ല​പാ​ത​കം എ​ന്നി​ങ്ങ​നെ നി​ര​വ​ധി കേ​സു​ക​ളി​ൽ പ്ര​തി​യാ​ണ് ഹബീബ്. സ​മൂ​സ റ​ഷീ​ദ് എ​ന്ന​യാ​ളെ ത​ല​ക്ക് ക​ല്ലി​ട്ട് കൊ​ല​പ്പെ​ടു​ത്തി​യ​ത്, ഓ​ട്ടോ ഡ്രൈ​വ​റെ കു​ത്തി​ക്കൊ​ല​പ്പെ​ടു​ത്താ​ൻ ശ്ര​മി​ച്ച​ത് എ​ന്നീ കേ​സു​ക​ൾ കു​മ്പ​ള പൊ​ലീ​സ് സ്റ്റേ​ഷ​നി​ലും സ്ത്രീ​യു​ടെ ന​ഗ്ന​ഫോ​ട്ടോ എ​ടു​ത്ത് ഭീ​ഷ​ണി​പ്പെ​ടു​ത്തി അ​ഞ്ചു ല​ക്ഷ​ത്തോ​ളം രൂ​പ വാ​ങ്ങി​യ​തി​ന് ബേ​ഡ​കം പൊ​ലീ​സ് സ്റ്റേ​ഷ​നി​ലും ഭാ​ര്യ​യെ പെ​ട്രോ​ൾ ഒ​ഴി​ച്ച് തീ​വെ​ച്ച് കൊ​ല​പ്പെ​ടു​ത്താ​ൻ ശ്ര​മി​ച്ച​തി​ന് കാ​സ​ർ​കോ​ട് വ​നി​ത പൊ​ലീ​സ് സ്റ്റേ​ഷ​നി​ലും ഇയാൾക്കെതിരെ കേസുണ്ട്.

നീ​ലേ​ശ്വ​രം പൊ​ലീ​സ് സ്റ്റേ​ഷ​നി​ൽ മ​യ​ക്കു​മ​രു​ന്ന് കേ​സ്, ജ​യി​ലി​ൽ ക​ഞ്ചാ​വ് ക​ട​ത്താ​ൻ ശ്ര​മി​ച്ച​തി​ന് ക​ണ്ണൂ​ർ ടൗ​ൺ പൊ​ലീ​സ് സ്റ്റേ​ഷ​നി​ലെ കേ​സ് എ​ന്നി​വ​യി​ലും പ്ര​തി​യാ​ണ്. 2023ലും ​ഇ​യാ​ൾ​ക്കെ​തി​രെ ക​രു​ത​ൽ ത​ട​ങ്ക​ൽ ന​ട​പ​ടി സ്വീ​ക​രി​ച്ച​താ​ണ്. ജി​ല്ല പൊ​ലീ​സ് മേ​ധാ​വി ഡി. ​ശി​ൽ​പ​യു​ടെ ശി​പാ​ർ​ശ​യി​ൽ ക​ല​ക്ട​ർ കെ. ​ഇ​മ്പ​ശേ​ഖ​റാ​ണ് ഉ​ത്ത​ര​വ് പു​റ​പ്പെ​ടു​വി​ച്ച​ത്. കു​മ്പ​ള ഇ​ൻ​സ്‌​പെ​ക്ട​ർ പി.​കെ. വി​നോ​ദ് കു​മാ​റി​ന്റെ നേ​തൃ​ത്വ​ത്തി​ലു​ള്ള സം​ഘ​മാ​ണ് അ​റ​സ്റ്റ് ചെ​യ്ത​ത്.

ഇ​യാ​ളെ ക​ണ്ണൂ​ർ സെ​ൻ​ട്ര​ൽ ജ​യി​ലി​ല​ട​ച്ചു. 2007 മുതൽ കാസർകോട് പൊലീസ് സ്റ്റേഷൻ പരിധിയിൽ കൊലപാതകശ്രമം, വർഗീയ-ക്രമസമാധാന പ്രശ്നങ്ങൾ എന്നീ കേസുകളിൽ പ്രതിയാണ് അക്ഷയ്.

2018ൽ വർഗീയസംഘർഷം ഉണ്ടാക്കാൻ ശ്രമിച്ചതിനും 2023ൽ നരഹത്യ ശ്രമത്തിനും 2025 ജനുവരിയിൽ വർഗീയ വിരോധം വെച്ച് കൊലപ്പെടുത്താൻ ശ്രമിച്ച കേസിലും പ്രതിയായ ഇയാൾ ഇപ്പോൾ ജുഡീഷ്യൽ കസ്റ്റഡിയിലാണ്. കലക്ടർ കെ. ഇമ്പശേഖറാണ് ഉത്തരവ് പുറപ്പെടുവിച്ചത്.