കക്കാടംപൊയിൽ പെൺവാണിഭം: ഒരാൾ കൂടി അറസ്​റ്റിൽ

കോഴിക്കോട്​: കക്കാടംപൊയിൽ റിസോർട്ട്​ പെൺവാണിഭ കേസി​ൽ ഒരാൾ കൂടി അറസ്​റ്റിൽ. പ്രായപൂർത്തിയാവാത്ത ഇതര സംസ് ​ഥാന പെൺകുട്ടിയെ റിസോർട്ടിലെത്തിച്ച്​ പലർക്കും കാഴ്​ചവെക്കുന്നതിന്​ സഹായിച്ച കൽപറ്റ മടക്കിമല സ്വദേശി തെങ് ങുംതൊടിയിൽ ടി.കെ. ഇല്യാസ്​ എന്ന റിച്ചുവിനെയാണ്​ (35)​ ക്രൈംബ്രാഞ്ച്​ അറസ്​റ്റുചെയ്​തത്​.

കേസിൽ ജനുവരി 14ന്​ അറസ്​റ്റിലായ ഇടനിലക്കാരി കർണാടക ചിക്കമംഗളൂരു സ്വദേശി ഫർസാനയെ (33) കസ്​റ്റഡിയിൽ വാങ്ങി ചോദ്യം ചെയ്​തപ്പോഴാണ് ​ ഇല്യാസി​​െൻറ പങ്ക്​ അന്വേഷണ സംഘത്തിന്​ വ്യക്​തമായത്​. കൽപറ്റയിലെ ആളൊഴിഞ്ഞ റിസോർട്ടിൽ മദ്യപിച്ചിരിക്കവെ ചൊവ്വാഴ്​ചയാണ്​ ഇദ്ദേഹം പിടിയിലായത്​. ​പൊലീസ്​ അ​ന്വേഷിക്കുന്നത്​ മനസ്സിലാക്കിയ പ്രതി മൊബൈൽ ഫോൺ ഒാഫ്​ ച െയ്​ത്​ വിവിധയിടങ്ങളിൽ ഒളിവിൽ കഴിയുകയായിരുന്നു.

ഫർസാനയാണ്​ പെൺകുട്ടിയെ വയനാട്ടിൽ റിസോർട്ട്​ നടത്തിയിര ുന്ന ഇല്യാസിന്​​ കൈമാറിയത്​. ഇദ്ദേഹം കുട്ടിയെ പലർക്കായി കാഴ്​ചവെച്ചശേഷം കക്കാടംപൊയിലിലെ റിസോർട്ടിന്​ കൈമ ാറുകയായിരുന്നു. ബലാത്സംഗം, പോക്​സോ ഉൾപ്പെടെ വകുപ്പുകൾ ചുമത്തിയ പ്രതിയെ കോടതി റിമാൻഡ്​ ചെയ്​തു. പ്രതിയെ കസ്​റ്റഡിയിൽ വാങ്ങി കുറ്റകൃത്യം നടന്ന റിസോർട്ടിലുൾപ്പെടെ തെളിവെടുപ്പിന്​ കൊണ്ടുപോകുമെന്നും കേസിൽ ഇനിയും ആളുകൾ പിടിയിലാവാനുണ്ടെന്നും അന്വേഷണസംഘ തലവൻ ക്രൈംബ്രാഞ്ച്​ ഡിവൈ.എസ്​.പി ആർ. ഹരിദാസ്​ പറഞ്ഞു. എസ്​.​െഎമാരായ ശ്രീനിവാസൻ, മോഹനകൃഷ്​ണൻ, സീനിയർ സിവിൽ പൊലീസ്​ ഒാഫിസർമാരായ എം.പി. ശ്യാം, സന്തോഷ്​ മാമ്പാട്ടിൽ എന്നിവരടങ്ങിയ സംഘമാണ്​ ​പ്രതിയെ അറസ്​റ്റു​െചയ്​തത്​.

വയനാട്ടിലെ ഒരു സഹകരണസംഘം ജീവനക്കാരി പ്രതിയുടെ സഹായിയായി പ്രവർത്തിച്ചതായും വിവരമുണ്ട്​. ജീവനക്കാരി അവരു​െട കാറിൽ പെൺകുട്ടികളെ ഇല്യാസ്​ പറയുന്ന സ്​ഥലങ്ങളിൽ എത്തിച്ചുനൽകിയെന്നാണ്​ സൂചന. ഇക്കാര്യത്തിൽ അന്വേഷണം പുരോഗമിക്കുകയാണ്​. കഴിഞ്ഞ ഫെബ്രുവരി 12നാണ്​ കേസിനാസ്​പദ സംഭവം. നാട്ടുകാർ സംശയമുന്നയിച്ചതേ​ാടെ കൂടരഞ്ഞി കക്കാടംപൊയിൽ ഹിൽവ്യൂ റിസോർട്ടിൽ തിരുവമ്പാടി പൊലീസ്​ പരിശോധന നടത്തിയപ്പോൾ​ പെൺവാണിഭ സംഘം പിടിയിലാവുകയായിരുന്നു​.

റിസോർട്ട്​ ഉടമ മലപ്പുറം ചീക്കോട്​ തെക്കുംകോളിൽ മുഹമ്മദ്​ ബഷീർ (49), വളമംഗലം പൂക്കോട്ടൂർ എണ്ണക്കോട്ട്​ പറമ്പിൽ മൻസൂർ പാലത്തിങ്കൽ (27), ​െകാണ്ടോട്ടി തുറക്കൽ നസീമ മൻസിലിൽ നിസാർ എന്ന നിസാർ ബാബു (37) എന്നിവരാണ്​ അന്ന്​ അറസ്​റ്റിലായത്​. പീഡനത്തിനിരയായ കുട്ടിയെ വയനാട്ടിലെ ചില റിസോർട്ടുകളിലടക്കം താമസിപ്പിച്ചതായും വിവരം ലഭിച്ചതോടെയാണ്​ കേസ്​ ക്രൈംബ്രാഞ്ചിന്​ വിട്ടത്​.

ജാമ്യത്തിലിറങ്ങിയ പ്രതി ഒളിവിൽ
കോഴിക്കോട്​: കക്കാടംപൊയിൽ റിസോർട്ട്​ പെൺവാണിഭക്കേസിൽ അറസ്​റ്റിലായി ജാമ്യത്തിലിറങ്ങിയ പ്രതി ഒളിവിൽപോയി. െകാണ്ടോട്ടി തുറക്കൽ നസീമ മൻസിലിൽ നിസാർ എന്ന നിസാർ ബാബുവാണ്​ (37) മുങ്ങിയത്​. കേസ്​ അന്വേഷിക്കുന്ന ക്രൈംബ്രാഞ്ചി​​െൻറ പരാതിയിൽ ഇയാൾക്കായി കോടതി വാറൻറ്​​ പുറപ്പെടുവിച്ചിട്ടുണ്ട്​.

പ്രായപൂർത്തിയാവാത്ത ഇതര സംസ്​ഥാന പെൺകുട്ടിയെ പലർക്കും കാഴ്​ചവെച്ചെന്ന ​േകസിൽ കഴിഞ്ഞ ഫെബ്രുവരി 12നാണ്​ നിസാർ ബാബുവിനെയു​ം കക്കാടംപൊയിൽ ഹിൽവ്യൂ റിസോർട്ട്​ ഉടമ മലപ്പുറം ചീക്കോട്​ തെക്കുംകോളിൽ മുഹമ്മദ്​ ബഷീർ (49), വളമംഗലം പൂക്കോട്ടൂർ എണ്ണക്കോട്ട്​ പറമ്പിൽ മൻസൂർ പാലത്തിങ്കൽ (27) എന്നിവരെയും തിരുവമ്പാടി പൊലീസ്​ അറസ്​റ്റുചെയ്​തത്​.

പരിശോധനയിൽ ഇരയായ പതിനേഴുകാരി ഗർഭിണിയാണെന്ന്​ ​െതളിഞ്ഞതോടെ അറസ്​റ്റിലായവരുടെ രക്​തമുൾപ്പെടെ സാമ്പിളുകൾ പരിശോധക്കെടുക്കുകയും ശാസ്​ത്രീയ പരിശോധനയിൽ നിസാർ ബാബുവാണ്​ ഗർഭത്തിനുത്തരവാദിയെന്ന്​ ​െതളിയുകയും ചെയ്​തു. ഇതുസംബന്ധിച്ച നിയമനടപടി പുരോഗമിക്കവെയാണ്​ ജാമ്യത്തിലിറങ്ങിയ പ്രതി മുങ്ങിയത്​. ഇയാൾ വിദേശത്തേക്ക്​ കടന്നോ എന്നതടക്കമുള്ള കാര്യങ്ങൾ അന്വേഷണ സംഘം പരിശോധിച്ചുവരുകയാണ്​.