ജെ.ദേവികയെ വനിത കമീഷൻ അധ്യക്ഷയാക്കണം- റിമ കല്ലിങ്കൽ
text_fields
സാമൂഹ്യ ശാസ്ത്രജ്ഞയും സ്ത്രീവാദിയുമായ പ്രൊഫസര്‍ ജെ ദേവികയെ വനിതാ കമ്മീഷന്‍ അദ്ധ്യക്ഷ ആക്കണമെന്ന് ആവശ്യപ്പെട്ട് നടി റിമ കല്ലിങ്കല്‍. വിമണ്‍ ഓഫ് ഡിഫറന്‍റ് വേള്‍ഡ് എന്ന ഇന്‍സ്റ്റഗ്രാം പേജ് പോസ്റ്റ് ചെയ്ത വിഡിയോയാണ് റിമ ഇന്‍സ്റ്റാഗ്രാം സ്റ്റോറിയില്‍ പങ്കുവെച്ചത്.
അതേസമയം കേന്ദ്ര കമ്മിറ്റി അംഗമായ പി.കെ ശ്രീമതി, മുന്‍മന്ത്രി ജെ മേഴ്സിക്കുട്ടിയമ്മ അടക്കമുള്ള വനിതാ നേതാക്കളുടെ പേരുകളാണ് വനിതാ കമ്മീഷന്‍ അധ്യക്ഷ സ്ഥാനത്തേക്ക് സി.പി.എം പരിഗണിക്കുന്നത്. കമീഷന്‍റെ കാലാവധി തീരാന്‍ എട്ട് മാസങ്ങള്‍ ബാക്കിനില്‍ക്കെയാണ് ജോസഫൈന്‍റെ രാജി.
സി.പി.എം സെക്രട്ടേറിയറ്റ് യോഗത്തിൽ എം.സി ജോസഫൈന്‍ നിലപാട് വിശദീകരിച്ചെങ്കിലും കൂട്ട വിമര്‍ശനമാണ് ഉയര്‍ന്നത് എന്നാണ് റിപ്പോര്‍ട്ട്. ഇ.പി ജയരാജന്‍ ഉള്‍പ്പെടെ കടുത്ത നിലപാടാണ് യോഗത്തില്‍ സ്വീകരിച്ചതെന്നും റിപ്പോര്‍ട്ടുകള്‍ ചൂണ്ടിക്കാട്ടുന്നു.