​ഐ.എസിന്‍റെ എ​ല്ലാ ശ്ര​മ​ങ്ങ​ളും നി​ർ​വീ​ര്യ​മാ​ക്കാ​നാ​യി; ലൗ ജിഹാദ്​ പ്രയോഗം തെറ്റ് –ഡി.ജി.പി ലോ​ക്‌​നാ​ഥ് ബെ​ഹ്‌​റ

തി​രു​വ​ന​ന്ത​പു​രം: ഐ.​എ​സ് ല​ക്ഷ്യം വെ​ക്കു​ന്ന സ്ഥ​ല​ങ്ങ​ളി​ലൊ​ന്നാ​ണ് കേ​ര​ള​മെ​ങ്കി​ലും സം​സ്ഥാ​നം പൂ​ര്‍ണ​മാ​യും സു​ര​ക്ഷി​ത​മാ​ണെ​ന്ന് സ്​​ഥാ​ന​മൊ​ഴി​യു​ന്ന പൊ​ലീ​സ് മേ​ധാ​വി ലോ​ക്‌​നാ​ഥ് ബെ​ഹ്‌​റ. 2016-17 കാ​ല​ത്ത് കേ​ര​ള​ത്തി​ല്‍നി​ന്ന് ചി​ല​രെ അ​വ​ര്‍ റി​ക്രൂ​ട്ട് ചെ​യ്തി​രു​ന്നു. പി​ന്നീ​ട് അ​ത്ത​ര​ത്തി​ലു​ള്ള എ​ല്ലാ ശ്ര​മ​ങ്ങ​ളും നി​ർ​വീ​ര്യ​മാ​ക്കാ​നാ​യി.

മും​ബൈ, ഡ​ൽ​ഹി എ​ന്നി​വ​ക്കൊ​പ്പം ഐ.​എ​സ്‌ ല​ക്ഷ്യം വെ​ക്കു​ന്ന സ്ഥ​ല​ങ്ങ​ളി​ലൊ​ന്നാ​ണ് കേ​ര​ളം. വി​ദ്യാ​ഭ്യാ​സ നി​ല​വാ​ര​വും ഐ.​ടി സാ​ക്ഷ​ര​തയു​മാ​ണ്‌ കാ​ര​ണം. കേ​ര​ള​ത്തി​ൽ ഇ​ത്ത​രം ശ്ര​മ​ങ്ങ​ൾ ന​ട​ത്തി​യ​തെ​ല്ലാം രാ​ജ്യ​ത്തി​ന് പു​റ​ത്തു​നി​ന്നാ​ണ്. ഇ​വി​ടെ​യു​ള്ള​വ​ർ​ക്ക് പ​രോ​ക്ഷ ബ​ന്ധം മാ​ത്ര​മേ ക​ണ്ടെ​ത്തി​യി​രു​ന്നു​ള്ളൂ​വെ​ന്നും ബെ​ഹ്‌​റ മാ​ധ്യ​മ​പ്ര​വ​ർ​ത്ത​ക​രോ​ട്​ പ​റ​ഞ്ഞു.

ലൗ ​ജി​ഹാ​ദ് പ്ര​യോ​ഗം തെ​റ്റാ​ണെ​ന്നും അ​ദ്ദേ​ഹം പ​റ​ഞ്ഞു. ഒ​രാ​ൾ​ക്ക്‌ ഇ​ഷ്‌​ട​മു​ള്ള​യാ​ളെ വി​വാ​ഹം ക​ഴി​ക്കാ​ൻ ന​മ്മു​ടെ നി​യ​മം അ​നു​വ​ദി​ക്കു​ന്നു​ണ്ട്‌. അ​തി​ൽ മ​ത​മോ മ​റ്റ്‌ കാ​ര്യ​ങ്ങ​ളോ പ്ര​ശ്‌​ന​മ​ല്ല. ചി​ല​ർ രാ​ഷ്‌​ട്രീ​യ ല​ക്ഷ്യ​ത്തോ​ടെ​യാ​ണ്‌ ലൗ ​ജി​ഹാ​ദ്‌ പ്ര​യോ​ഗം കൊ​ണ്ടു​വ​ന്ന​ത്‌. വ്യ​ത്യ​സ്​​ത മ​ത​ങ്ങ​ളി​ലു​ള്ള​വ​ർ വി​വാ​ഹി​ത​രാ​കു​ന്ന​ത് ഇ​വി​ടെ പു​തു​മ​യ​ല്ല. അ​തി​നെ രാ​ഷ്​​ട്രീ​യ​വ​ത്ക​രി​ക്ക​രു​ത്. മാ​വോ​വാ​ദി​ക​ൾ വെ​ടി​വെ​പ്പി​ൽ മ​രി​ച്ച സം​ഭ​വ​ത്തി​ൽ ഒ​രു ഖേ​ദ​വു​മി​ല്ലെ​ന്നും അ​ദ്ദേ​ഹം കൂ​ട്ടി​ച്ചേ​ർ​ത്തു.

പ​ത്ത​നം​തി​ട്ട സ്വ​ദേ​ശി​നി ജെ​സ്‌​ന​യെ ക​ണ്ടെ​ത്താ​നാ​കാ​ത്ത​തി​ൽ വി​ഷ​മ​മു​ണ്ട്‌. ഈ ​കേ​സി​ൽ കേ​ര​ള പൊ​ലീ​സി​ന് ചെ​യ്യാ​നാ​വു​ന്ന​തെ​ല്ലാം ചെ​യ്തു. സി.​ബി.​ഐ ഈ ​കേ​സ് തെ​ളി​യി​ക്കു​മെ​ന്നും ബെ​ഹ്‌​റ പ്ര​ത്യാ​ശ പ്ര​ക​ടി​പ്പി​ച്ചു.