വേമ്പനാട്ടുകായലിൽ ഹൗസ് ബോട്ട് ഭാഗികമായി മുങ്ങി

ആലപ്പുഴ: വേമ്പനാട്ടുകായലിൽ വിനോദസഞ്ചാരികളുമായി​ പോയ ഹൗസ്​ബോട്ട്​ ഭാഗികമായി മുങ്ങി. ആന്ധ്ര പ്രദേശ്​ സ്വദേശികളായ ദമ്പതികൾ രക്ഷപ്പെട്ടു. ആലപ്പുഴ പള്ളാത്തുരുത്തി സ്വദേശി കണ്ണന്‍റെ ഉടമസ്ഥതയിലുള്ള ‘ആര്യമോൾ’ ഹൗസ്​ബോട്ടാണ്​ മുങ്ങിയത്​.

തിങ്കളാഴ്ച വൈകീട്ട്​ മൂന്നിന്​ പുന്നമട സായ്​ സെൻറിന്​ കിഴക്കായിരുന്നു സംഭവം. ബാംബൂ സ്റ്റിക്ക്​ റിസോർട്ടിൽനിന്ന്​ ആഡ്രസ്വദേശികളായ ദമ്പതികളുമായി കന്നിട്ട ജെട്ടിയിലേക്ക്​ പോകു​മ്പോഴായിരുന്നു അപകടം.

കാഴ്ചകണ്ട്​ പോകുന്നതിനിടെ വെള്ളം കുറവായ ​പ്രദേശത്ത്​ എത്തിയപ്പോൾ മൺതിട്ടയിൽ ഇടിച്ച്​ അടിയിലൂടെ വെള്ളം കയറുകയായിരുന്നു. സമീപത്തെ സ്പീഡ്​ ബോട്ടി​ൽ കരക്കെത്തിച്ച ഇവരെയും ആലപ്പുഴയിലെ താമസസ്ഥലത്തേക്ക്​ മാറ്റി. വിവരമറിഞ്ഞ്​ ടൂറിസം പൊലീസും സ്ഥലത്തെത്തി.