ഉരുൾപൊട്ടലുണ്ടായ കോഴിക്കോട് വിലങ്ങാട് ഇന്ന് ഹർത്താൽ; സംസ്ഥാന സര്‍ക്കാര്‍ അവഗണിക്കുന്നുവെന്ന് പരാതി

കോഴിക്കോട്: ഉരുള്‍പൊട്ടല്‍ ദുരിത ബാധിതരെ സംസ്ഥാന സര്‍ക്കാര്‍ അവഗണിക്കുന്നുവെന്ന് ചൂണ്ടിക്കാട്ടി വിലങ്ങാട് ഇന്ന് കോണ്‍ഗ്രസും ബി.ജെ.പിയും ഹര്‍ത്താല്‍ ആചരിക്കുന്നു. രാവിലെ ആറിന് ആരംഭിച്ച ഹർത്താൽ വൈകിട്ട് ആറിന് അവസാനിക്കും.

ദുരിതബാധിതര്‍ക്കുള്ള പ്രഖ്യാപനങ്ങള്‍ വൈകുന്നു, സര്‍ക്കാര്‍ തയാറാക്കിയ പട്ടികയില്‍ അര്‍ഹരെ ഉള്‍പ്പെടുത്തിയില്ല അടക്കമുള്ള വിഷയങ്ങൾ ചൂണ്ടിക്കാട്ടിയാണ് രാഷ്ട്രീയ പാർട്ടികൾ ഹർത്താൽ പ്രഖ്യാപിച്ചത്.

ശക്തമായ മഴയെ തുടർന്ന് ദുരിതാശ്വാസ ക്യാമ്പിലേക്ക് മാറേണ്ടി വന്ന പ്രദേശവാസികൾ വിവിധ ആവശ്യങ്ങൾ ചൂണ്ടിക്കാട്ടി കഴിഞ്ഞ ദിവസങ്ങളിൽ വില്ലേജ് ഓഫിസ് ഉപരോധിച്ചിരുന്നു. ഉപരോധം പൊലീസും പ്രതിഷേധക്കാരും തമ്മിലുള്ള സംഘർഷത്തിലാണ് കലാശിച്ചത്.

വില്ലേജ് ഓഫിസ് കെട്ടിടത്തിന്‍റെ ഗ്രിൽ ഇളക്കി അകത്ത് കടക്കാനുള്ള പ്രതിഷേധക്കാരുടെ ശ്രമം പൊലീസ് തടഞ്ഞു. ബുധനാഴ്ച രാവിലെയാണ് ദുരിത ബാധിതർ വിലങ്ങാട് വില്ലേജ് ഓഫിസിന് മുമ്പിൽ കുത്തിയിരിപ്പ് സമരം ആരംഭിച്ചത്. ഉച്ചയോടെയാണ് പ്രതിഷേധം സംഘർഷത്തിലേക്ക് നീങ്ങിയത്.

ശക്തമായ മഴയെ തുടർന്ന് സ്ത്രീകളും കുട്ടികളും അടക്കം അമ്പതോളം പേർ വിലങ്ങാട് സെന്‍റ് ജോർജ് ഹൈസ്കൂളിലെ ദുരിതാശ്വാസ ക്യാമ്പിലാണ് കഴിയുന്നത്.

2024 ജൂ​ലൈ 31നാണ് കോഴിക്കോട്ടെ വിലങ്ങാട് ​ഉ​രു​ൾ​പൊ​ട്ട​ൽ ദു​ര​ന്ത​മുണ്ടായത്. ദു​ര​ന്ത​ത്തി​ൽ മു​ച്ച​ങ്ക​യം, കു​റ്റ​ല്ലൂ​ർ, പ​ന്നി​യേ​രി, പ​റ​മ്പ​ടി​മ​ല ഭാ​ഗ​ങ്ങ​ളി​ൽ വ്യാ​പ​ക കൃ​ഷി​നാ​ശമാണ് സം​ഭ​വി​ച്ചത്. 35 വീ​ടു​ക​ൾ പൂ​ർ​ണ​മാ​യും 60 വീ​ടു​ക​ൾ ഭാ​ഗി​ക​മാ​യും ത​ക​ർ​ന്നു. 300 കോ​ടി​യു​ടെ നാ​ശ​ന​ഷ്ട​ങ്ങ​ൾ ഉ​ണ്ടാ​യി​ട്ടു​ണ്ട്. ഹെ​ക്ട​ർ ക​ണ​ക്കി​ന് കൃ​ഷി​നാ​ശ​വും പൊ​തു​മ​രാ​മ​ത്ത് റോ​ഡും ഗ്രാ​മീ​ണ റോ​ഡു​ക​ളുമാണ് ത​ക​ർ​ന്നത്.

മ​നു​ഷ്യ നാ​ശ​ന​ഷ്ടം ഒ​ഴി​ച്ചു​ നി​ർ​ത്തി​യാ​ൽ കാ​ർ​ഷി​ക ഭൂ​മി​യി​ൽ ഏ​റ്റ​വും കൂ​ടു​ത​ൽ നാ​ശ​ന​ഷ്ടം സം​ഭ​വി​ച്ച മേ​ഖ​ല​യാ​ണി​ത്. 485 വീ​ടു​ക​ളി​ൽ ന​ട​ത്തി​യ പ​രി​ശോ​ധ​ന​യി​ൽ 313 വീ​ടു​ക​ൾ വാ​സ​യോ​ഗ്യ​മ​ല്ലാതായി. ഉ​രു​ൾ​പൊ​ട്ട​ലി​ൽ ഒ​ലി​ച്ചു​പോ​യ 14 വീ​ടു​ക​ളി​ലെ​യു​ൾ​പ്പെ​ടെ 44 കു​ടും​ബ​ങ്ങ​ളെയാണ് അ​ടി​യ​ന്ത​ര​മാ​യി പു​ന​ര​ധി​വ​സി​പ്പി​ക്ക​േണ്ടി വന്നത്.