വെള്ളിയാഴ്ച സംസ്ഥാനവ്യാപകമായി ഗ്രാമീൺ ബാങ്ക് ജീവനക്കാർ പണിമുടക്കും

കൊച്ചി: വിവിധ ആവശ്യങ്ങൾ ഉന്നയിച്ച്​ കേരള ഗ്രാമീൺ ബാങ്ക് എംപ്ലോയീസ് യൂനിയ​െൻറയും കേരള ഗ്രാമീൺ ബാങ്ക് ഓഫിസ് യൂനിയ​െൻറയും ആഭിമുഖ്യത്തിൽ വെള്ളിയാഴ്ച സംസ്ഥാനവ്യാപകമായി ഗ്രാമീൺ ബാങ്ക് ജീവനക്കാർ പണിമുടക്കും.

മുഴുവൻ തസ്തികയിലേക്കും നിയമാനുസൃതം ആവശ്യമായ ജീവനക്കാരെ നിയമിക്കുക, താൽക്കാലിക ജീവനക്കാരെ സ്ഥിരപ്പെടുത്തുക, ബാങ്കിലെ ദയനീയ ഹാർഡ്​വെയർ, ടെക് പ്രോഡക്ട്സ് പ്രശ്നങ്ങൾക്ക് പരിഹാരം കാണുക എന്നീ ആവശ്യങ്ങളാണ് ഉന്നയിക്കുന്നത്.

അനുകൂല തീരുമാനം ഉണ്ടായില്ലെങ്കിൽ അനിശ്ചിതകാല പണിമുടക്ക് അടക്കമുള്ള പ്രക്ഷോഭ പരിപാടികളിലേക്ക് നീങ്ങേണ്ടിവരുമെന്ന് സംഘടന ഭാരവാഹികൾ അറിയിച്ചു.