ഫാ. പോൾ തേലക്കാട്ടിനെതിരായ വ്യാജരേഖ കേസ്​: നടപടികൾ മാറ്റിവെക്കാൻ ഉത്തരവ്​

കൊ​ച്ചി: ക​ർ​ദി​നാ​ൾ ജോ​ർ​ജ് ആ​ല​ഞ്ചേ​രി​യെ അ​പ​കീ​ർ​ത്തി​പ്പെ​ടു​ത്താ​ൻ വ്യാ​ജ ബാ​ങ്ക് രേ​ഖ​ക​ൾ ച​മ​ച്ചെ​ന്ന കേ​സി​ൽ കു​റ്റം ചു​മ​ത്ത​ൽ ഉ​ൾ​പ്പെ​ടെ ന​ട​പ​ടി​ക​ൾ മാ​റ്റി​വെ​ക്ക​ണ​മെ​ന്ന്​ ഹൈ​കോ​ട​തി. കു​റ്റ​പ​ത്ര​ത്തി​ൽ പ​റ​യു​ന്ന ഇ​ഞ്ചോ​ടി ക​മീ​ഷ​ൻ റി​പ്പോ​ർ​ട്ട് പ്ര​തി​ക​ൾ​ക്ക് ന​ൽ​കാ​ത്ത​ത​ട​ക്കം ചോ​ദ്യം​ചെ​യ്ത്​ ഫാ. ​​പോ​ൾ തേ​ല​ക്കാ​ട്ട് സ​മ​ർ​പ്പി​ച്ച ഹ​ര​ജി​യി​ലാ​ണ്​ കാ​ക്ക​നാ​ട് ജു​ഡീ​ഷ്യ​ൽ ഫ​സ്റ്റ് ക്ലാ​സ് മ​ജി​സ്ട്രേ​റ്റ്​ കോ​ട​തി​ക്ക്​ ജ​സ്റ്റി​സ്​ വി.​ജി. അ​രു​ൺ നി​ർ​ദേ​ശം ന​ൽ​കി​യ​ത്.

ക​ർ​ദി​നാ​ളി​ന്‍റെ ഭൂ​മി ഇ​ട​പാ​ടി​ലെ​യും വ്യാ​ജ​രേ​ഖ കേ​സി​ലെ​യും സ​ത്യം പു​റ​ത്തു​വ​രാ​തി​രി​ക്കാ​ൻ ഇ​ഞ്ചോ​ടി ക​മീ​ഷ​ൻ റി​പ്പോ​ർ​ട്ട് മ​നഃ​പൂ​ർ​വം പൂ​ഴ്ത്തി​വെ​ക്കു​ക​യാ​ണെ​ന്നും ഇ​ത്​ പു​റ​ത്തു​വ​ന്നാ​ൽ വ്യാ​ജ​രേ​ഖ കേ​സി​ലെ സ​ത്യം തെ​ളി​യു​മെ​ന്നും ഹ​ര​ജി​യി​ൽ ചൂ​ണ്ടി​ക്കാ​ട്ടു​ന്നു. ഈ ​റി​പ്പോ​ർ​ട്ട് ന​ശി​പ്പി​ക്ക​പ്പെ​ടാ​ൻ ഇ​ട​യു​ള്ള​തി​നാ​ൽ കോ​ട​തി സു​ര​ക്ഷി​ത​മാ​യി സൂ​ക്ഷി​ക്ക​ണ​മെ​ന്നും ഹ​ര​ജി​യി​ൽ ആ​വ​ശ്യ​പ്പെ​ടു​ന്നു. സ​ർ​ക്കാ​റി​ന്റെ വി​ശ​ദീ​ക​ര​ണം തേ​ടി​യ കോ​ട​തി ഹ​ര​ജി വീ​ണ്ടും ഏ​പ്രി​ൽ മൂ​ന്നി​ന്​ പ​രി​ഗ​ണി​ക്കാ​ൻ മാ​റ്റി.