ഇനിയില്ല യാത്രകൾ; ശോകനാശിനിയുടെ തീരത്ത് അവർക്ക് നിത്യവിശ്രമം

ചി​റ്റൂ​ർ (പാ​ല​ക്കാ​ട്): നി​റ​മു​ള്ള ഒ​രു​പി​ടി സ്വ​പ്ന​ങ്ങ​ൾ ബാ​ക്കി​വെ​ച്ച് യാ​ത്ര​യാ​യ അ​വ​ർ നാ​ലു​പേ​ർ​ക്കും ശോ​ക​നാ​ശി​നി പു​ഴ​യു​ടെ തീ​ര​ത്ത് നി​ത്യ​വി​ശ്ര​മം. യാ​ത്ര​ക​ളി​ലെ​ല്ലാം ഒ​പ്പ​മാ​യി​രു​ന്ന അ​വ​ർ​ക്ക് തൊ​ട്ട​ടു​ത്തു​ത​ന്നെ​യാ​യി​രു​ന്നു ചി​ത​യൊ​രു​ക്കി​യ​തും. ശ്രീ​ന​ഗ​ര്‍ -ലേ ​ദേ​ശീ​യ​പാ​ത​യി​ല്‍ ക​ഴി​ഞ്ഞ ചൊ​വ്വാ​ഴ്ച​യു​ണ്ടാ​യ വാ​ഹ​നാ​പ​ക​ട​ത്തി​ല്‍ മ​രി​ച്ച ചി​റ്റൂ​ര്‍ നെ​ടു​ങ്ങോ​ട് സ്വ​ദേ​ശി​ക​ളാ​യ എ​സ്. സു​ധീ​ഷ് (32), ആ​ര്‍. അ​നി​ല്‍ (33), രാ​ഹു​ല്‍ (28), എ​സ്. വി​ഗ്നേ​ഷ് (22) എ​ന്നി​വ​രു​ടെ അ​ന്ത്യ​ക​ർ​മ നി​മി​ഷ​ങ്ങ​ൾ വി​കാ​ര​നി​ർ​ഭ​ര​മാ​യി​രു​ന്നു.

വെ​ള്ളി​യാ​ഴ്ച പു​ല​ര്‍ച്ച മൂ​ന്നോ​ടെ​യാ​ണ് വി​മാ​ന​മാ​ർ​​ഗം മൃ​ത​ദേ​ഹ​ങ്ങ​ൾ നെ​ടു​മ്പാ​ശേ​രി​യി​ലെ​ത്തി​ച്ച​ത്. തു​ട​ർ​ന്ന് ആം​ബു​ല​ൻ​സി​ൽ പൊ​തു​ദ​ർ​ശ​ന​ത്തി​നാ​യി ചി​റ്റൂ​ര്‍ ടെ​ക്‌​നി​ക്ക​ല്‍ സ്കൂ​​ളി​ലെ​ത്തി​ച്ചു. വ​ൻ ജ​നാ​വ​ലി​യാ​ണ് അ​വി​ടെ കാ​ത്തു​നി​ന്ന​ത്. രാ​വി​ലെ എ​ട്ടി​ന് പൊ​തു​ദ​ർ​ശ​നം അ​വ​സാ​നി​പ്പി​ക്കാ​മെ​ന്ന് ക​രു​തി​യി​രു​ന്നെ​ങ്കി​ലും വി​ങ്ങി​പ്പൊ​ട്ടി വ​രി​നി​ന്ന​വ​ർ​ക്ക് അ​വ​സാ​ന​മാ​യി കാ​ണാ​ൻ കു​റ​ച്ച് സ​മ​യം​കൂ​ടി അ​വ​സ​രം ന​ൽ​കി. പി​ന്നീ​ട് വീ​ട്ടി​ലേ​ക്ക് കൊ​ണ്ടു​പോ​യി.

മ​ര​ണാ​ന​ന്ത​ര ക​ർ​മ​ങ്ങ​ൾ​ക്കു ശേ​ഷം ഒ​മ്പ​തോ​ടെ ചി​റ്റൂ​ർ മ​ന്ത​ക്കാ​ട് ശോ​ക​നാ​ശി​നി പു​ഴ​യു​ടെ തീ​ര​ത്ത് സം​സ്ക​രി​ച്ചു. വൈ​ദ്യു​തി​മ​ന്ത്രി കെ. ​കൃ​ഷ്ണ​ൻ​കു​ട്ടി, എം.​എ​ൽ.​എ​മാ​രാ​യ പി. ​മ​മ്മി​ക്കു​ട്ടി, ഷാ​ഫി പ​റ​മ്പി​ൽ, ജി​ല്ല പ​ഞ്ചാ​യ​ത്ത് പ്ര​സി​ഡ​ന്റ് കെ. ​ബി​നു​മോ​ൾ, ചി​റ്റൂ​ർ ത​ത്ത​മം​ഗ​ലം ന​ഗ​ര​സ​ഭ ചെ​യ​ർ​പേ​ഴ്സ​ൻ കെ.​എ​ൽ. ക​വി​ത, ബ്ലോ​ക്ക് പ​ഞ്ചാ​യ​ത്ത് പ്ര​സി​ഡ​ന്റ് സു​ജാ​ത, പെ​രു​മാ​ട്ടി പ​ഞ്ചാ​യ​ത്ത് പ്ര​സി​ഡ​ന്റ് റി​ഷ പ്രേം​കു​മാ​ർ, ന​ല്ലേ​പ്പി​ള്ളി പ​ഞ്ചാ​യ​ത്ത് പ്ര​സി​ഡ​ന്റ് അ​നി​ഷ, കെ.​എ​സ്.​ഇ.​ബി ഡ​യ​റ​ക്ട​ർ ബോ​ർ​ഡ് അം​ഗം അ​ഡ്വ. മു​രു​ക​ദാ​സ്, സി.​പി.​എം ജി​ല്ല സെ​ക്ര​ട്ട​റി ഇ.​എ​ൻ. സു​രേ​ഷ് ബാ​ബു, ഏ​രി​യ സെ​ക്ര​ട്ട​റി ശി​വ​പ്ര​കാ​ശ് തു​ട​ങ്ങി സ​മൂ​ഹ​ത്തി​ന്‍റെ വി​വി​ധ മേ​ഖ​ല​യി​ലു​ള്ള​വ​ർ അ​ന്തി​മോ​പ​ചാ​ര​മ​ർ​പ്പി​ക്കാ​നെ​ത്തി.

ന​വം​ബ​ര്‍ 30നാ​ണ് ചി​റ്റൂ​ര്‍ നെ​ടു​ങ്ങോ​ട്ടു​നി​ന്നു​ള്ള 13 അം​ഗ സം​ഘം ക​ശ്മീ​രി​ലേ​ക്ക് വി​നോ​ദ​യാ​ത്ര​ക്ക് പു​റ​പ്പെ​ട്ട​ത്. മ​രി​ച്ച​വ​രെ​യും പ​രി​ക്കേ​റ്റ​വ​രെ​യും കൂ​ടാ​തെ അ​ജി​ത്, ഷി​ജു, സു​നി​ൽ, സു​ജീ​ബ്, ശ്രീ​ജി​ഷ്, ബാ​ല​ൻ എ​ന്നി​വ​രാ​ണ് സം​ഘ​ത്തി​ലു​ണ്ടാ​യി​രു​ന്ന​ത്.നി​മാ​ത സോ​ജി​ലാ പാ​സി​ല്‍ ഇ​വ​ര്‍ സ​ഞ്ച​രി​ച്ചി​രു​ന്ന എ​സ്.​യു.​വി വാ​ഹ​നം റോ​ഡി​ലെ മ​ഞ്ഞി​ല്‍ തെ​ന്നി കൊ​ക്ക​യി​ലേ​ക്ക് മ​റി​യു​ക​യാ​യി​രു​ന്നു.