തദ്ദേശസ്ഥാപന അപേക്ഷകളിലെ തീരുമാനം കെ-സ്മാർട്ട് പോർട്ടലിൽ അപ്​ലോഡ് ചെയ്താൽ മതി -ഹൈകോടതി

കൊ​ച്ചി: ത​ദ്ദേ​ശ സ്ഥാ​പ​ന​ങ്ങ​ളി​ൽ ന​ൽ​കു​ന്ന അ​പേ​ക്ഷ​ക​ളി​ലെ തീ​രു​മാ​ന​ങ്ങ​ൾ ഏ​ക​ജാ​ല​ക സം​വി​ധാ​ന​മാ​യ കെ-​സ്മാ​ർ​ട്ട് പോ​ർ​ട്ട​ലി​ൽ അ​പ്​​ലോ​ഡ് ചെ​യ്താ​ൽ മ​തി​യെ​ന്ന്​ ഹൈ​കോ​ട​തി. അ​പേ​ക്ഷ​ക​ന്​ നേ​രി​ട്ട് ഇ​ക്കാ​ര്യ​ങ്ങ​ൾ ല​ഭ്യ​മാ​ക്കേ​ണ്ട​തി​ല്ലെ​ന്നും ജ​സ്റ്റി​സ് സി.​എ​സ്. ഡ​യ​സ് വ്യ​ക്ത​മാ​ക്കി. ലൈ​സ​ൻ​സ് പു​തു​ക്കാ​ൻ അ​പേ​ക്ഷ ന​ൽ​കി​യി​ട്ടും നി​ശ്ചി​ത സ​മ​യ​ത്തി​നു​ള്ളി​ൽ മ​റു​പ​ടി നേ​രി​ട്ട് ല​ഭി​ക്കാ​ത്ത​തി​ന്റെ പേ​രി​ൽ ലൈ​സ​ൻ​സ് ല​ഭി​ച്ച​താ​യി കാ​ണ​ക്കാ​ക്ക​ണ​മെ​ന്നാ​വ​ശ്യ​പ്പെ​ട്ട് ക​ട്ട​പ്പ​ന ന​ഗ​ര​സ​ഭ​യി​ൽ മ​ത്സ്യ-​മാം​സ വ്യാ​പാ​രം ന​ട​ത്തു​ന്ന മ​നോ​ജ് ന​ൽ​കി​യ ഹ​ര​ജി ത​ള്ളി​യാ​ണ്​ ഉ​ത്ത​ര​വ്.

അ​പേ​ക്ഷ ന​ൽ​കി 30 ദി​വ​സ​ത്തി​ന​കം തീ​രു​മാ​നം അ​റി​യി​ച്ചി​ല്ലെ​ങ്കി​ൽ അ​നു​മ​തി ല​ഭി​ച്ച​താ​യി ക​ണ​ക്കാ​ക്കാ​മെ​ന്ന്​ മു​നി​സി​പ്പ​ൽ നി​യ​മ​ത്തി​ലെ വ​കു​പ്പ് 447(6) വ്യ​ക്ത​മാ​ക്കു​ന്ന​താ​യി ചൂ​ണ്ടി​ക്കാ​ട്ടി​യാ​യി​രു​ന്നു ഹ​ര​ജി. എ​ന്നാ​ൽ, നി​ശ്ചി​ത​സ​മ​യ​ത്തി​നു​ള്ളി​ൽ കെ-​സ്മാ​ർ​ട്ടി​ൽ ഉ​ത്ത​ര​വ് അ​പ് ലോ​ഡ് ചെ​യ്തി​രു​ന്നു​വെ​ന്ന് ക​ട്ട​പ്പ​ന മു​നി​സി​പ്പാ​ലി​റ്റി അ​റി​യി​ച്ചു. ക​ട​യി​ലെ വൃ​ത്തി​ഹീ​ന​മാ​യ സാ​ഹ​ച​ര്യം ചൂ​ണ്ടി​ക്കാ​ട്ടി ലൈ​സ​ൻ​സ് പു​തു​ക്കാ​നു​ള്ള ഹ​ര​ജി​ക്കാ​ര​ന്റെ അ​പേ​ക്ഷ ന​ഗ​ര​സ​ഭ ത​ള്ളി​യി​രു​ന്നു. ഇ​ക്കാ​ര്യം അ​പേ​ക്ഷ ന​ൽ​കി ഒ​രു​മാ​സ​ത്തി​നു​ള്ളി​ൽ​ത​ന്നെ കെ-​സ്മാ​ർ​ട്ട് പോ​ർ​ട്ട​ലി​ൽ അ​പ്​ ലോ​ഡ് ചെ​യ്യു​ക​യും ചെ​യ്തു.

പോ​ർ​ട്ട​ലി​ൽ അ​പ്​ ലോ​ഡ്​ ചെ​യ്ത ഉ​ത്ത​ര​വ് കാ​ണാ​ൻ ക​ഴി​ഞ്ഞി​ല്ലെ​ന്നാ​യി​രു​ന്നു ഹ​ര​ജി​ക്കാ​ര​ന്‍റെ വാ​ദം. എ​ന്നാ​ൽ, ഇ​ത്ത​ര​ത്തി​ൽ അ​പ്​ ലോ​ഡ്​ ചെ​യ്യു​ന്ന ഉ​ത്ത​ര​വു​ക​ൾ​ക്ക് ഐ.​ടി ആ​ക്ട് പ്ര​കാ​രം നി​യ​മ​സാ​ധു​ത​യു​ണ്ടെ​ന്നും നേ​രി​ട്ട് അ​റി​യി​ച്ചി​ല്ലെ​ന്ന വാ​ദം ഉ​ന്ന​യി​ക്കാ​നാ​വി​ല്ലെ​ന്നും വ്യ​ക്ത​മാ​ക്കി. അ​പേ​ക്ഷ​യി​ലെ അ​പാ​ക​ത പോ​ർ​ട്ട​ൽ​വ​ഴി ഹ​ര​ജി​ക്കാ​ര​ൻ തി​രു​ത്തി​യി​രു​ന്ന​താ​യും കോ​ട​തി ചൂ​ണ്ടി​ക്കാ​ട്ടി.