ഇടുക്കി ചിലന്തിയാറിന് കുറുകെ തടയണ നിർമാണം: ഇട​പെട്ട് ദക്ഷിണ മേഖല ഹരിത ട്രിബ്യൂണൽ

ചെന്നൈ: ഇടുക്കി ജില്ലയിലെ വട്ടവട പഞ്ചായത്തിൽ ചിലന്തിയാറിന് കുറുകെ തടയണ നിർമിക്കാൻ പരിസ്ഥിതി, ദേശീയ വന്യജീവി ബോർഡ് അനുമതി നൽകിയിട്ടുണ്ടോയെന്നും അനുമതി ലഭിച്ചിട്ടില്ലെങ്കിൽ പ്രവൃത്തി അടിയന്തരമായി നിർത്തിവെക്കണമെന്നും ദക്ഷിണമേഖല ഹരിത ട്രിബ്യൂണൽ ഉത്തരവിട്ടു.

മാധ്യമ വാർത്തകളെ തുടർന്ന് ദക്ഷിണ മേഖല ഹരിത ട്രിബ്യൂണൽ ജഡ്ജിമാരായ പുഷ്പ സത്യനാരായണ, സത്യ ഗോപാൽ എന്നിവരുടെ ബെഞ്ച് സ്വമേധയാ വിഷയം ഏറ്റെടുക്കുകയായിരുന്നു. തടയണയുടെ നിർമാണം മൂലം തമിഴ്‌നാടിനുണ്ടായ നാശനഷ്ടത്തെക്കുറിച്ച് വിശദീകരണം നൽകാൻ സംസ്ഥാന പബ്ലിക് പ്രോസിക്യൂട്ടറോട് ആവശ്യപ്പെട്ട ട്രിബ്യൂണൽ കേസ് പരിഗണിക്കുന്നത് വെള്ളിയാഴ്ചത്തേക്ക് മാറ്റി. ത​ട​യ​ണ​ക്കെ​തി​രെ ത​മി​ഴ്നാ​ട്ടി​ലെ മു​ഖ്യ പ്ര​തി​പ​ക്ഷ ക​ക്ഷി​ക​ളാ​യ ബി.​ജെ.​പി, അ​ണ്ണാ ഡി.​എം.​കെ, പാ​ട്ടാ​ളി മ​ക്ക​ൾ ക​ക്ഷി എ​ന്നി​വ​ർ രം​ഗ​ത്തെ​ത്തിയിരുന്നു.

തി​രു​പ്പൂ​ർ ജി​ല്ല​യി​ലെ അ​മ​രാ​വ​തി ഡാ​മി​ലേ​ക്കു​ള്ള വെ​ള്ള​ത്തി​ന്റെ ഒ​ഴു​ക്ക് ത​ട​യാ​നാ​ണ് കേ​ര​ളം ശ്ര​മി​ക്കു​ന്ന​തെ​ന്ന് അ​ണ്ണാ ഡി.​എം.​കെ ജ​ന​റ​ൽ സെ​ക്ര​ട്ട​റി​ എ​ട​പ്പാ​ടി കെ.​പ​ള​നി​സാ​മി ആ​രോ​പി​ച്ചു. ത​മി​ഴ്നാ​ട് സ​ർ​ക്കാ​റി​ന്റെ അ​നാ​സ്ഥ​മൂ​ലം കാ​വേ​രി​യു​ടെ പോ​ഷ​ക​ന​ദി​യാ​യ അ​മ​രാ​വ​തി ന​ദി ഇ​ല്ലാ​താ​വു​മെ​ന്ന് പാ​ട്ടാ​ളി മ​ക്ക​ൾ ക​ക്ഷി നേ​താ​വ് ഡോ.​അ​ൻ​പു​മ​ണി രാ​മ​ദാ​സ് അ​ഭി​പ്രാ​യ​പ്പെ​ട്ടു.