മെഴുകഴകിൽ ​സഖാവ്​; നൊമ്പരവീടായി ‘കോടിയേരി’

തി​രു​വ​ന​ന്ത​പു​രം: സ​ഖാ​വി​ന്‍റെ ഓ​ർ​മ​ക​ൾ നി​റ​ഞ്ഞു​നി​ൽ​ക്കു​ന്ന ത​ല​സ്ഥാ​ന​ത്തെ ‘കോ​ടി​യേ​രി’ വീ​ടി​ന്‍റെ പ​ടി​ക​ട​ന്ന്​ ഒ​രി​ക്ക​ൽ​ക്കൂ​ടി കോ​ടി​യേ​രി ബാ​ല​കൃ​ഷ്ണ​ൻ എ​ത്തി. ആ ​കാ​ഴ്ച​യു​ടെ വൈ​കാ​രി​ക നി​മി​ഷ​ത്തി​ൽ പ്രി​യ​ത​മ വി​നോ​ദി​നി​യു​ടെ ക​ണ്ണി​ൽ സ​ങ്ക​ട​ക്ക​ട​ൽ. ആ​ശ്വ​സി​പ്പി​ക്കാ​നെ​ത്തി​യ മ​ക​ൻ ബി​നീ​ഷും ക​ണ്ണീ​ര​ണി​ഞ്ഞു. ശി​ൽ​പി സു​നി​ൽ ക​ണ്ട​ലൂ​ർ ഒ​രു​ക്കി​യ മെ​ഴു​കി​ൽ തീ​ർ​ത്ത സി.​പി.​എം നേ​താ​വ്​ കോ​ടി​യേ​രി ബാ​ല​കൃ​ഷ്ണ​ന്‍റെ പൂ​ർ​ണ​കാ​യ പ്ര​തി​മ കു​ടും​ബാം​ഗ​ങ്ങ​ൾ​ക്ക്​​ കാ​ണാ​നാ​യാ​ണ്​ ഞാ​യാ​ഴ്ച വൈ​കീ​ട്ട്​ വീ​ട്ടി​ലെ​ത്തി​ച്ച​ത്.

രാ​ഷ്ട്രീ​യ​ത്തി​ലെ സൗ​മ്യ​സാ​ന്നി​ധ്യ​മാ​യി​രു​ന്ന കോ​ടി​യേ​രി ബാ​ല​കൃ​ഷ്ണ​ന്‍റെ മു​ഖ​മു​ദ്ര​യാ​ണ്​ നി​റ​ഞ്ഞ ചി​രി. ചി​രി​ച്ചു​നി​ൽ​ക്കു​ന്ന പ്ര​തി​രൂ​പം കാ​ഴ്ച​യി​ൽ സാ​ക്ഷാ​ൽ കോ​ടി​യേ​രി​ത​ന്നെ. ജീ​വ​ൻ സ്പ​ന്ദി​ക്കു​ന്ന ആ ​മു​ഖ​ത്തേ​ക്ക്​ അ​ൽ​പ​നേ​രം നോ​ക്കി​നി​ന്ന വി​നോ​ദി​നി സ​ഖാ​വി​ന്‍റെ ക​രം തൊ​ട്ടു. ഓ​ർ​മ​ക​ളു​​ടെ വേ​ലി​യേ​റ്റ​ത്തി​ൽ വി​തു​മ്പി​പ്പോ​യ അ​മ്മ​ക്കൊ​പ്പം പേ​ര​ക്കു​ട്ടി​ക​ളു​മു​ണ്ടാ​യി​രു​ന്നു. പ്രി​യ​പ്പെ​ട്ട അ​ച്ചാ​ച്ച​ൻ ഒ​രി​ക്ക​ൽ​ക്കൂ​ടി മു​ന്നി​ൽ വ​ന്നു ചി​രി​തൂ​കി നി​ൽ​ക്കു​ന്ന​തി​ന്‍റെ സ​ന്തോ​ഷ​വും അ​മ്പ​ര​പ്പു​മാ​യി​രു​ന്നു കു​രു​ന്നു​ക​ളു​ടെ മു​ഖ​ത്ത്. കോ​ടി​യേ​രി ബാ​ല​കൃ​ഷ്ണ​ന്‍റെ പ്ര​തി​മ അ​ടു​ത്ത ദി​വ​സം മു​ത​ൽ തി​രു​വ​ന​ന്ത​പു​ര​ത്തെ സു​നി​ൽ​സ്​ വാ​ക്സ്​ മ്യൂ​സി​യ​ത്തി​ൽ പ്ര​ദ​ർ​ശി​പ്പി​ക്കു​മെ​ന്ന്​ ശി​ൽ​പി സു​നി​ൽ ക​ണ്ട​ലൂ​ർ പ​റ​ഞ്ഞു. ക​ണ്ണൂ​രി​ൽ നാ​യ​നാ​ർ അ​ക്കാ​ദ​മി​യി​ലെ മ്യൂ​സി​യം ജോ​ലി​ക​ൾ​ക്കി​ടെ​യാ​ണ്​ മെ​ഴു​ക്​ പ്ര​തി​മ ചെ​യ്യാ​നു​ള്ള താ​ൽ​പ​ര്യം കോ​ടി​യേ​രി​യോ​ട്​ പ​റ​ഞ്ഞ​ിരുന്നത്. ശേഷം രോഗാവസ്ഥയിലായതിനാൽ കൂടിക്കാഴ്ച നടന്നില്ല. ആ​റു മാ​സ​മെ​ടു​ത്താ​ണ്​ നി​ർ​മാ​ണം പൂ​ർ​ത്തി​യാ​ക്കി​​യ​ത്.