കണ്ണൂരിൽ വോട്ടിങ് യന്ത്രങ്ങൾ സൂക്ഷിച്ച സ്ട്രോങ് റൂമിലെ സിസിടിവി ഹാർഡ് ഡിസ്ക് മാറ്റണമെന്ന് റിട്ടേണിങ്ങ് ഓഫീസർ

കണ്ണൂർ: കൂത്തുപറമ്പ്, തലശ്ശേരി മണ്ഡലങ്ങളിലെ വോട്ടിങ് യന്ത്രങ്ങൾ (ഇ.വി.എം) സൂക്ഷിച്ചിരിക്കുന്ന സ്ട്രോങ് റൂമിലെ സിസിടിവി ഹാർഡ് ഡിസ്ക് മാറ്റണമെന്ന് റിട്ടേണിങ്ങ് ഓഫീസർ. ഹാർഡ് ഡിസ്കിലെ സ്റ്റോറേജ് തീരാറായതാണ് മാറ്റാൻ കാരണമെന്നാണ് ഔദ്യോഗിക വിശദീകരണം. ധർമ്മടം ബ്രണ്ണൻ കോളേജിലെ സ്ട്രോങ് റൂമിന് മുന്നിലുള്ള ക്യാമറകളുടെ ഹാർഡ് ഡിസ്ക് മാറ്റണമെന്നാണ് പറയുന്നത്. സംഭവത്തിന്റെ ഗൗരവം കണക്കിലെടുത്ത് ഹാർഡ് ഡിസ്ക് മാറ്റുന്ന നടപടികൾ അറീക്കാൻ സ്ഥാനാർത്ഥികളുടെ ഏജന്റുമാരെ വിളിപ്പിച്ചിട്ടുണ്ട്. കനത്ത സുരക്ഷാ വലയത്തിൽ സൂക്ഷിച്ചിരിക്കുന്ന വോട്ടിങ് യന്ത്രങ്ങളുടെ സുരക്ഷയിൽ ആശങ്ക പ്രകടിപ്പിക്കുന്നവരുമുണ്ട്.