ബജറ്റ് ചർച്ച ഇന്നു മുതൽ

തിരുവനന്തപുരം: ധനമന്ത്രി കെ.എൻ. ബാലഗോപാൽ അവതരിപ്പിച്ച ബജറ്റിൽ തിങ്കളാഴ്ച മുതൽ മൂന്നു ദിവസം നിയമസഭയിൽ പൊതുചർച്ച നടക്കും. ബുധനാഴ്ച ധനമന്ത്രി മറുപടി പറയും. ബജറ്റ് സമ്മിശ്ര പ്രതികരണമാണ് ഉണ്ടാക്കിയിരിക്കുന്നത്. ബജറ്റ് ചർച്ചക്ക് പിന്നാലെ വോട്ട് ഓൺ അക്കൗണ്ടും പാസാക്കും. ബജറ്റിൽ വകുപ്പുതിരിച്ചുള്ള ചർച്ചകൾ പിന്നീടാകും നടക്കുക. ഇതിനായി പ്രത്യേക നിയമസഭ സമ്മേളനം ചേരും.