വ്യാജ പാസ്‌പോര്‍ട്ടുമായി ബംഗ്ലാദേശ് പൗരന്‍ പിടിയില്‍

വ​ലി​യ​തു​റ: വ്യാ​ജ പാ​സ്‌​പോ​ര്‍ട്ടു​മാ​യി തി​രു​വ​ന​ന്ത​പു​രം അ​ന്താ​രാ​ഷ്ട്ര വി​മാ​ന​ത്താ​വ​ള​ത്തി​ലെ​ത്തി​യ ബം​ഗ്ലാ​ദേ​ശ് സ്വ​ദേ​ശി​യെ എ​മി​ഗ്രേ​ഷ​ന്‍ അ​ധി​കൃ​ത​ര്‍ പി​ടി​കൂ​ടി. നാ​ഗാ​ബാ​ദ് മ​ദ്റ​സ മു​റാ​ദ് ന​ഗ​ര്‍ സും​ല ജി​ല്ല​യി​ല്‍ ദേ​ബ് നാ​ഥി​നെ (30)യാ​ണ് പി​ടി​കൂ​ടി​യ​ത്. ചൊ​വ്വാ​ഴ്ച പു​ല​ർച്ച 1.20ന് ​തി​രു​വ​ന​ന്ത​പു​ര​ത്തു​നി​ന്ന് ഷാ​ര്‍ജ​യി​ലേ​യ്ക്കു​ള്ള വി​മാ​ന​ത്തി​ല്‍ പോ​കാ​നെ​ത്ത​വേ​യാ​ണ് ഇ​യാ​ള്‍ എ​മി​ഗ്രേ​ഷ​ന്‍ അ​ധി​കൃ​ത​രു​ടെ പി​ടി​യി​ലാ​യ​ത്.

വ്യാ​ജ ആ​ധാ​ര്‍ ത്രി​പു​ര​യി​ലെ വി​ലാ​സ​ത്തി​ല്‍ നി​ർ​മി​ച്ച ശേ​ഷം അ​തു​പ​യോ​ഗി​ച്ച് വ്യാ​ജ പാ​സ്‌​പോ​ര്‍ട്ട് നി​ർ​മി​ക്കു​ക​യാ​യി​രു​ന്നു. തു​ട​ര്‍ന്ന്, ത്രി​പു​ര​യി​ല്‍നി​ന്ന് ബം​ഗ്ലൂ​രു​വി​ല്‍ എ​ത്തി അ​വി​ടെ​നി​ന്ന് ഇ​ന്‍ഡി​ഗോ എ​യ​ര്‍ലൈ​ന്‍സി​ല്‍ തി​രു​വ​ന​ന്ത​പു​ര​ത്തെ​ത്തു​ക​യാ​യി​രു​ന്നു. പാ​സ്‌​പോ​ര്‍ട്ട് വ്യാ​ജ​മാ​ണെ​ന്ന് മ​ന​സി​ലാ​ക്കി​യ എ​മി​ഗ്രേ​ഷ​ന്‍ അ​ധി​കൃ​ത​ര്‍ ഇ​യാ​ളെ ത​ട​ഞ്ഞുവെച്ച ശേ​ഷം വി​വ​രം വ​ലി​യ​തു​റ പൊ​ലീ​സി​ല്‍ അ​റി​യി​ച്ചു.

തു​ട​ര്‍ന്ന് വ​ലി​യ​തു​റ സി.​ഐ അ​ശോ​ക് കു​മാ​റി​ന്റെ നേ​തൃ​ത്വ​ത്തി​ലു​ള​ള സം​ഘ​മെ​ത്തി ദേ​ബ് നാ​ഥി​നെ അ​റ​സ്റ്റ് ചെ​യ്തു. ഇ​യാ​ള്‍ക്കെ​തി​രെ പാ​സ്‌​പോ​ര്‍ട്ട് ആ​ക്ട് പ്ര​കാ​രം കേ​സെ​ടു​ത്ത​താ​യി പൊ​ലീ​സ് അ​റി​യി​ച്ചു. ചൊ​വ്വാ​ഴ്ച കോ​ട​തി​യി​ല്‍ ഹാ​ജ​രാ​ക്കി​യ പ്ര​തി​യെ റി​മാ​ന്‍ഡ് ചെ​യ്തു.