ആലപ്പുഴയിലെ പടക്ക നിർമാണശാലയിലെ തീപിടിത്തം: ഒരാൾ കൂടി മരിച്ചു

ആലപ്പുഴ: കുട്ടനാട്​ പുളിങ്കുന്ന്​ വലിയപള്ളിക്ക്​ സമീപം പ്രവർത്തിക്കുന്ന പടക്കനിർമാണശാലയിലുണ്ടായ തീപിടിത് തത്തിൽ പരിക്കേറ്റ ഒരാൾ കൂടി മരിച്ചു. പുളിങ്കുന്ന്​ മുപ്പതിൻചിറ റെജി ചാക്കോ(50) ആണ്​ ഇന്ന്​ രാവിലെ മരിച്ചത്​. അപ കടത്തിൽ ഗുരുതരമായി പരിക്കേറ്റ പുളിങ്കുന്ന്​ കി​ഴക്കേചിറയിൽ കുഞ്ഞുമോൾ (55) കഴിഞ്ഞ ദിവസം രാത്രി വണ്ടാനം മെഡിക്കൽ കോളജ്​ ആശുപത്രിയിൽ മരിച്ചിരുന്നു. അപകടത്തിൽ പരിക്കേറ്റ ആറ്​ സ്​ത്രീകൾ ഉൾപ്പെടെ ഏഴുപേർ വണ്ടാനം മെഡിക്കൽ കോളജ്​ ആശുപത്രിയിൽ ചികിത്സയിലാണ്​.

പുരയ്​ക്കൽ കൊച്ച​ുമോൻ ആൻറണി എന്നയാളുടെ ലൈസൻസിൽ പ്രവർത്തിച്ചിരുന്ന പടക്ക നിർമാണശാലയിലാണ്​ തീപിടുത്തമുണ്ടായത്​. ഉച്ചക്ക് 2.30ടെയാണ് അപകടമുണ്ടായത്​​. സ്ത്രീകളും പുരുഷന്മാരും ഇവിടെ ജോലി ചെയ്തിരുന്നു.

അപകടത്തിൽ അസ്വാഭാവികത ഇല്ലെന്നാണ് പ്രാഥമിക നിഗമനം. പക്ഷേ, പടക്ക നിർമാണശാല അനധികൃതമായാണ് പ്രവർത്തിക്കുന്നതെന്നും തൊട്ടടുത്തു സ്കൂളുള്ളതിനാൽ ലൈസൻസ് നൽകില്ലെന്നും പൊലീസും അഗ്നിശമന സേനയും പറയുന്നു.