കാ​ൽ നൂ​റ്റാ​ണ്ട്; ആ​ദി​വാ​സി​ക​ൾ​ക്ക് അ​ര ല​ക്ഷം ഏ​ക്ക​ർ

കൊ​ച്ചി: കാ​ൽ​നൂ​റ്റാ​ണ്ടി​നി​ടെ സം​സ്ഥാ​ന​ത്ത് ആ​ദി​വാ​സി കു​ടും​ബ​ങ്ങ​ൾ​ക്ക് അ​ര​ല​ക്ഷ​ത്തി​ല​ധി​കം ഏ​ക്ക​ർ ഭൂ​മി പ​തി​ച്ചു​ന​ൽ​കി​യ​താ​യി സ​ർ​ക്കാ​ർ രേ​ഖ. ആ​ദി​വാ​സി പു​ന​ര​ധി​വാ​സ വി​ക​സ​ന മി​ഷ​ന്‍റെ നേ​തൃ​ത്വ​ത്തി​ലാ​ണ് ഭൂ​മി ന​ൽ​കി​യ​ത്. ഭൂ​ര​ഹി​ത ആ​ദി​വാ​സി​ക​ള്‍ക്ക് അ​ഞ്ചു​വ​ര്‍ഷ​ത്തി​ന​കം ഭൂ​മി വി​ത​ര​ണം ചെ​യ്യു​ക, ഇ​വ​രു​ടെ സാ​മ്പ​ത്തി​ക സാ​മൂ​ഹി​ക ഉ​ന്ന​മ​നം ഉ​റ​പ്പു​വ​രു​ത്തു​ക, പ​ട്ടി​ക​വ​ര്‍ഗ പ്ര​ദേ​ശ​ങ്ങ​ള്‍ ഭ​ര​ണ​ഘ​ട​ന​യു​ടെ അ​ഞ്ചാം ഷെ​ഡ്യൂ​ളി​ല്‍ ഉ​ള്‍പ്പെ​ടു​ത്തു​ക തു​ട​ങ്ങി​യ ല​ക്ഷ്യ​ങ്ങ​ളു​മാ​യി 2001ലാ​ണ് സം​സ്ഥാ​ന സ​ര്‍ക്കാ​ര്‍ ദൗ​ത്യം തു​ട​ങ്ങി​യ​ത്.

ഭൂ​മി കാ​ത്ത് ഇ​നി​യും ആ​ദി​വാ​സി​ക​ൾ

മി​ഷ​ൻ പ്ര​വ​ർ​ത്ത​ന​മാ​രം​ഭി​ച്ച ഘ​ട്ട​ത്തി​ൽ​ത​ന്നെ ഭൂ​ര​ഹി​ത​രാ​യ 53,472 കു​ടും​ബ​ങ്ങ​ളു​ടെ പ​ട്ടി​ക ത​യാ​റാ​ക്കി​യി​രു​ന്നു. എ​ന്നാ​ല്‍, കാ​ൽ നൂ​റ്റാ​ണ്ട് പി​ന്നി​ടു​മ്പോ​ഴും ഇ​തി​ൽ​പെ​ട്ട മു​ഴു​വ​ൻ പേ​ർ​ക്കും ഭൂ​മി വി​ത​ര​ണം ചെ​യ്യാ​ൻ ക​ഴി​ഞ്ഞി​ട്ടി​ല്ലെ​ന്നാ​ണ് ക​ണ​ക്കു​ക​ൾ വ്യ​ക്ത​മാ​ക്കു​ന്ന​ത്. പ​ട്ടി​ക​യി​ൽ​പെ​ട്ട പ​തി​നാ​യി​ര​ത്തി​ലേ​റെ​പ്പേ​ർ​ക്ക് ഇ​നി​യും ഭൂ​മി ല​ഭി​ക്കാ​നു​ണ്ട്. ഭൂ​മി ല​ഭി​ച്ച പ​ല​മേ​ഖ​ല​ക​ളി​ലും പ​ട്ട​യം ല​ഭി​ക്കാ​ത്ത​ത​ട​ക്ക​മു​ള്ള പ്ര​ശ്ന​ങ്ങ​ളും പ​രി​ഹ​രി​ക്ക​പ്പെ​ട്ടി​ട്ടി​ല്ല. ഇ​തോ​ടൊ​പ്പം ഭൂ​ര​ഹി​ത​ർ​ക്ക് ചു​രു​ങ്ങി​യ​ത് ഒ​രേ​ക്ക​ർ ഭൂ​മി​യെ​ങ്കി​ലും ന​ൽ​കു​മെ​ന്ന വാ​ഗ്ദാ​ന​വും പൂ​ർ​ണ​മാ​യി ന​ട​പ്പാ​ക്കി​യി​ട്ടി​ല്ല. കൈ​യേ​റ്റ​ങ്ങ​ൾ ഒ​ഴി​പ്പി​ക്കു​ന്ന​തി​ലെ കാ​ല​താ​മ​സ​വും അ​നു​യോ​ജ്യ​മാ​യ ഭൂ​മി ക​ണ്ടെ​ത്തു​ന്ന​തി​ലെ പ്ര​യാ​സ​വു​മൊ​ക്കെ​യാ​ണ് ഇ​തി​ന് കാ​ര​ണ​മാ​യി അ​ധി​കൃ​ത​ർ ചൂ​ണ്ടി​ക്കാ​ണി​ക്കു​ന്ന​ത്.