വിധികർത്താവിനെ മാറ്റി, മോണോആക്ട് വൈകിത്തുടങ്ങി

കോഴിക്കോട്: വിധികർത്താവിനെ സംബന്ധിച്ച പരാതിയെ തുടർന്ന് മോണോആക്റ്റ് ഹൈസ്കൂൾ ഗേൾസ് മത്സരം ഒരു മണിക്കൂറിലേറെ വൈകി. തിരുവനന്തപുരം ജില്ലയിൽ വിധികർത്താവായതിന്‍റെ പേരിൽ പരാതി ഉയർന്നതിനെ തുടർന്ന് കൊല്ലം സിറാജിനെതിരെ ഉയർന്ന പരാതിയാണ് മത്സരം വൈകിപ്പിച്ചത്.

ഒടുവിൽ കൊല്ലം സിറാജിനെ മാറ്റി കൊമേഡിയൻ അഖിൽ കവലയൂരിനെ വിധികർത്താവായി കൊണ്ടുവന്ന് പ്രശ്നം പരിഹരിക്കുകയായിരുന്നു. ജില്ലാ മത്സരങ്ങളിൽ ജഡ്ജസായവരെ സംസ്ഥാന തല മത്സരങ്ങളിൽ ജഡ്ജസ് ആക്കരുതെന്ന് കലോത്സവം മാന്വലിൽ നിഷ്കർഷിച്ചിട്ടുണ്ട്. മീനമ്പലം സന്തോഷ്, ജോബി എന്നിവരാണ് മറ്റു ജഡ്ജിമാർ.