ഇരുപത്തിയഞ്ച് ലക്ഷം വിലയിട്ട മാവോയിസ്റ്റ് വനിതാ നേതാവിനെ വധിച്ച് ഛത്തീസ്ഗഡ് പൊലീസ്

റായ്പൂർ: ഛത്തീസ്ഗഡിലെ ദന്ദേവാഡയിൽ വനിതാ മാവോയിസ്റ്റ് നേതാവിനെ ഏറ്റുമുട്ടലിൽ കൊലപ്പെടുത്തിയെന്ന് ഛത്തീസ്ഗഡ് പൊലീസ്. 25 ലക്ഷം വിലയിട്ട രേണുക എന്ന് പേരുള്ള ബാനുവിനെയാണ് കൊലപ്പെടുത്തിയത്.

ബിജാപ്പൂർ ജില്ലയിൽ ഏകദേശം രാവിലെ ഒമ്പത് മണിയോടെയാണ് ഏറ്റുമുട്ടലുണ്ടായത്. ഏറ്റുമുട്ടലിൽ ഒരു മൃതദേഹം കണ്ടെത്തിയെന്നും കൂടുതൽ അന്വേഷണങ്ങൾ നടക്കുന്നതായും പൊലീസ് അറിയിച്ചു. ഛത്തീസ്ഗഡിൽ 18 മാവോയിസ്റ്റുകൾ കൊല്ലപ്പെടുകയും നാലു ജവാൻമാർക്ക് പരിക്കേൽക്കുകയും ചെയ്ത ഏറ്റുമുട്ടലിനു പിന്നാലെയാണ് പുതിയ വാർത്ത പുറത്തു വരുന്നത്.