ചർച്ചകൾക്കിടെ ചൈനീസ്​ അതിർത്തിയിൽ 96 ഒൗട്ട്​പോസ്​റ്റുകളുമായി ഇന്ത്യ

ന്യൂഡൽഹി: മോദി-ഷീജിൻ പിങ്​ കൂടികാഴ്​ചകൾ നടക്കുന്നതിനിടെ ചൈനീസ്​ അതിർത്തിൽ 96 ഒൗ​ട്ട്​പോസ്​റ്റുകൾ കൂടി നിർമിക്കാൻ ഇന്ത്യ. ഇന്തോ-ടിബറ്റൻ ബോർഡർ പൊലീസി​​​െൻറ ഒൗട്ട്​പോസ്​റ്റുകൾ നിർമിക്കാനാണ്​ കേ​ന്ദ്രസർക്കാർ തീരുമാനം.

യോജിച്ച്​ പ്രവർത്തിക്കാനുള്ള താൽപര്യം പ്രകടമാക്കി ഇന്ത്യൻ പ്രധാനമന്ത്രി മോദിയും ചൈനീസ്​ പ്രസിഡൻറ്​ ഷി ജിൻപിങും തമ്മിലുള്ള അ​നൗദ്യോഗിക ചർച്ചകൾക്ക്​ തുടക്കമായതിന്​ പിന്നാലെയാണ്​ ഇന്ത്യ ഒൗട്ട്​പോസ്​റ്റുകൾ സ്ഥാപിക്കുന്നത്​. 3488 കിലോമീറ്റർ നീളമുള്ള ഇന്ത്യ-ചൈന അതിർത്തിയിൽ കൂടുതൽ ഒൗട്ട്​പോസ്​റ്റുകൾ സ്ഥാപിക്കുന്നതിലുടെ ചൈനീസ്​ കടന്നുകയറ്റം ഫലപ്രദമായി പ്രതിരോധിക്കാമെന്ന കണക്കുകൂട്ടലിലാണ്​ ഇന്ത്യ.

പുതിയ ഒൗട്ട്​പോസ്​റ്റുകൾ വരുന്നതിലുടെ ദുർഘടമായ പ്രദേശങ്ങളിലുടെ  ചൈനീസ്​ അതിർത്തിയിലേക്ക്​  എത്താനുള്ള സമയത്തിൽ ഗണ്യമായ കുറവുണ്ടാകും. 12,000 മുതൽ 18,000 അടി  ഉയരത്തിലുള്ള ഒൗട്ട്​പോസ്​റ്റുകൾ ചൈനീസ്​ നീക്കങ്ങൾ നിരീക്ഷിക്കുന്നതിന്​ ഫലപ്രദമാവുമെന്നാണ്​ ഇന്ത്യയുടെ പ്രതീക്ഷ. പുതിയ ഒൗട്ട്​പോസ്​റ്റുകൾ വരുന്നതോടെ ഇന്ത്യ-ചൈന അതിർത്തിയിലെ ഇന്തോ ടിബറ്റ്​ ബോർഡർ പൊലീസി​​​െൻറ ഒൗട്ട്​പോസ്​റ്റുകളുടെ എണ്ണം 277 ആകും.