കുട്ടിയെ തട്ടിക്കൊണ്ടുപോയെന്ന് സംശയിച്ച് യുവാവിന് ക്രൂരമർദനം

കച്ചാർ : അസമിലെ കച്ചാർ ജില്ലയിൽ കുട്ടികളെ തട്ടിക്കൊണ്ടുപോയെന്ന് സംശയിച്ച് യുവാവിന് ക്രൂര മർദനം. ബുധനാഴ്ചയായിരുന്നു സംഭവം.

ആക്രമണത്തിനിടെ നാട്ടുകാർ ചേർന്ന് യുവാവിന്‍റെ വാഹനം തീവെച്ച് നശിപ്പിച്ചു. ഗുരുതരമായി പരിക്കേറ്റ ഇയാളെ പൊലീസെത്തിയാണ് ആശുപത്രിയിൽ പ്രവേശിപ്പിച്ചത്. സംഭവത്തിൽ കച്ചാർ പൊലീസ് കേസെടുത്തു.

വ്യക്തതയില്ലാത്ത വാർത്തകൾ പ്രചരിപ്പിക്കരുതെന്നും നിയമം കൈയിലെടുക്കരുതെന്നും ജനങ്ങൾക്ക് പൊലീസ് മുന്നറിയിപ്പ് നൽകി.