ഗൗ​രി ല​​ങ്കേ​ഷി​ന്റെ കൊ​ല​പാ​ത​ക​ത്തി​ന് ഇ​ന്നേ​ക്ക് ഏ​ഴാ​ണ്ട്

ബം​ഗ​ളൂ​രു: മാ​ധ്യ​മ​പ്ര​വ​ർ​ത്ത​ക​യും ആ​ക്ടി​വി​സ്റ്റു​മാ​യി​രു​ന്ന ഗൗ​രി ല​​ങ്കേ​ഷ് (55) ഹി​ന്ദു​ത്വ തീ​വ്ര​വാ​ദി​ക​ളു​ടെ വെ​ടി​യേ​റ്റ് കൊ​ല്ല​പ്പെ​ട്ടി​ട്ട് ഇ​ന്നേ​ക്ക് ഏ​ഴു വ​ർ​ഷം തി​ക​യു​ന്നു. 2017 സെ​പ്റ്റം​ബ​ർ അ​ഞ്ചി​ന് രാ​ത്രി എ​ട്ടോ​ടെ​യാ​ണ് ബം​ഗ​ളൂ​രു ആ​ർ.​ആ​ർ ന​ഗ​റി​ലെ വീ​ട്ടു​മു​റ്റ​ത്ത് വെ​ടി​യേ​റ്റ് കൊ​ല്ല​പ്പെ​ടു​ന്ന​ത്. രാ​ജ്യം മു​ഴു​വ​ൻ പ​ട​ർ​ന്ന പ്ര​തി​ഷേ​ധ​ങ്ങ​ൾ​ക്കൊ​ടു​വി​ൽ ക​ർ​ണാ​ട​ക എ​സ്.​ഐ.​ടി 18 പ്ര​തി​ക​ളെ അ​റ​സ്റ്റ് ചെ​യ്തെ​ങ്കി​ലും കേ​സി​ന്റെ വി​ചാ​ര​ണ ബം​ഗ​ളൂ​രു​വി​ലെ കോ​ട​തി​യി​ൽ നീ​ളു​ക​യാ​ണ്. വി​ചാ​ര​ണ​ക്കാ​യി ഫാ​സ്റ്റ് ട്രാ​ക്ക് കോ​ട​തി സ്ഥാ​പി​ക്കു​മെ​ന്ന മു​ഖ്യ​മ​ന്ത്രി സി​ദ്ധ​രാ​മ​യ്യ​യു​ടെ പ്ര​ഖ്യാ​പ​നം ന​ട​പ്പാ​യി​ല്ല. മാ​ത്ര​വു​മ​ല്ല, വി​ചാ​ര​ണ നീ​ളു​ന്ന​ത് ചൂ​ണ്ടി​ക്കാ​ട്ടി പ്ര​തി​ക​ളി​ൽ നാ​ലു​പേ​ർ​ക്ക് ഇ​തി​ന​കം ക​ർ​ണാ​ട​ക ഹൈ​കോ​ട​തി ജാ​മ്യം അ​നു​വ​ദി​ക്കു​ക​യും ചെ​യ്തു.

ബം​ഗ​ളൂ​രു ബ​സ​വ​ന​ഗു​ഡി​യി​ലെ ‘ഗൗ​രി ല​​​ങ്കേ​ഷ്​ പ​ത്രി​കെ’​യു​ടെ ഓ​ഫി​സി​ൽ​നി​ന്ന്​ ജോ​ലി ക​ഴി​ഞ്ഞു​മ​ട​ങ്ങി​യ ഗൗ​രി​യെ രാ​ജ​രാ​ജേ​ശ്വ​രി ന​ഗ​റി​ലെ വീ​ട്ടു​മു​റ്റ​ത്തു​വെ​ച്ച്​ ഹി​ന്ദു​ത്വ തീ​വ്ര​വാ​ദി​ക​ൾ വെ​ടി​വെ​ച്ചു വീ​ഴ്ത്തു​ക​യാ​യി​രു​ന്നു. കേ​സ് അ​ന്വേ​ഷി​ക്കു​ന്ന പ്ര​ത്യേ​ക അ​ന്വേ​ഷ​ണ സം​ഘം (എ​സ്.​ഐ.​ടി) 18 പേ​രെ പ്ര​തി ചേ​ർ​ത്ത് 9325 പേ​ജു​ള്ള കു​റ്റ​പ​ത്രം 2018 ന​വം​ബ​ർ 23ന് ​സ​മ​ർ​പ്പി​ച്ചി​രു​ന്നു. സ​നാ​ത​ൻ സ​ൻ​സ്ത ഉ​ൾ​പ്പെ​ടെ​യു​ള്ള തീ​വ്ര​ഹി​ന്ദു​ത്വ സം​ഘ​ട​ന​ക​ളു​മാ​യി ബ​ന്ധ​മു​ള്ള പ​ര​ശു​റാം വാ​ഗ്മൊ​ർ, അ​മോ​ല്‍ കാ​ലെ, അ​മി​ത് ദെ​ഗ്‌​വെ​ക​ര്‍, സു​ജി​ത് കു​മാ​ര്‍, ഗ​ണേ​ഷ് മി​സ്‌​കി​ന്‍, അ​മി​ത് ബ​ഡ്ഡി, ഭ​ര​ത് ഖു​രാ​നെ, എ​ച്ച്. എ​ല്‍. സു​രേ​ഷ്, രാ​ജേ​ഷ് ബം​ഗേ​ര, സു​ധ​ന്‍വ ഗൊ​ന്ദ​ലെ​ക​ര്‍, ശ​ര​ദ് ക​ല​സ്‌​ക​ര്‍, മോ​ഹ​ന്‍ നാ​യ​ക്, വാ​സു​ദേ​വ് സൂ​ര്യ​വം​ശി, മ​നോ​ഹ​ര യാ​ദ​വെ, ശ്രീ​കാ​ന്ത് പ​ങ്കാ​ര്‍ക​ര്‍, ന​വീ​ന്‍ കു​മാ​ര്‍, റു​ഷി​കേ​ശ് ദ്യോ​ദി​ക​ര്‍, വി​കാ​സ് പീ​ട്ടീ​ല്‍ എ​ന്നി​വ​രാ​ണ് കേ​സി​ലെ പ്ര​തി​ക​ള്‍. അ​മോ​ൽ കാ​ലെ​യാ​ണ് ഒ​ന്നാം പ്ര​തി. പ​ര​ശു​റാം വാ​ഗ്മൊ​റാ​ണ് ഗൗ​രി ല​ങ്കേ​ഷി​നു​നേ​രെ വെ​ടി​യു​തി​ർ​ത്ത​തെ​ന്നാ​ണ് അ​ന്വേ​ഷ​ണ സം​ഘ​ത്തി​ന്റെ ക​ണ്ടെ​ത്ത​ൽ. അ​മി​ത് ദേ​ഗ്വെ​ക്ക​റും സു​ജി​ത് കു​മാ​റു​മാ​ണ് കൊ​ല​പാ​ത​കം ആ​സൂ​ത്ര​ണം ചെ​യ്ത​തും ഗൂ​ഢാ​ലോ​ച​ന ന​ട​ത്തി​യ​തും. ഗൗ​രി ല​ങ്കേ​ഷി​ന്‍റെ ഘാ​ത​ക​ർ​ക്ക് ന​രേ​ന്ദ്ര ദാ​ഭോ​ൽ​ക്ക​ർ, ഗോ​വി​ന്ദ് പ​ൻ​സാ​രെ, എം.​എം. ക​ൽ​ബു​ർ​ഗി എ​ന്നി​വ​രു​ടെ കൊ​ല​പാ​ത​ക​വു​മാ​യി ബ​ന്ധ​മു​ണ്ടെ​ന്നും എ​സ്.​ഐ.​ടി അ​ന്വേ​ഷ​ണ​ത്തി​നി​ടെ ക​ണ്ടെ​ത്തി​യി​രു​ന്നു.

ക​ര്‍ണാ​ട​ക സം​ഘ​ടി​ത കു​റ്റ നി​യ​മ​ത്തി​നു വേ​ണ്ടി​യു​ള്ള പ്ര​ത്യേ​ക കോ​ട​തി​യി​ലാ​ണ് വി​ചാ​ര​ണ ന​ട​ക്കു​ന്ന​ത്. കേ​സി​ല്‍ അ​റ​സ്റ്റി​ലാ​യ പ്ര​തി​ക​ളി​ല്‍ ആ​റു​പേ​ര്‍ നി​ല​വി​ല്‍ മു​ബൈ ആ​ര്‍ത​ര്‍ റോ​ഡ് ജ​യി​ലി​ലും ബാ​ക്കി​യു​ള്ള പ്ര​തി​ക​ള്‍ ബം​ഗ​ളൂ​രു സെ​ന്‍ട്ര​ല്‍ ജ​യി​ലി​ലു​മാ​ണ്. കോ​വി​ഡ് മ​ഹാ​മാ​രി​യെ തു​ട​ർ​ന്നും പ്ര​തി​ക​ൾ സ​മ​ർ​പ്പി​ച്ച വി​വി​ധ ഹ​ര​ജി​ക​ൾ പ​രി​ഗ​ണി​ക്കു​ന്ന​തി​നെ​യും തു​ട​ർ​ന്ന് വി​ചാ​ര​ണ ന​ട​പ​ടി നീ​ളു​ക​യാ​യി​രു​ന്നു. 2002 ജൂ​ലൈ നാ​ലി​ന് വി​ചാ​ര​ണ ആ​രം​ഭി​ച്ച കേ​സി​ൽ 527 സാ​ക്ഷി​ക​ളി​ൽ 130 പേ​രെ മാ​ത്ര​മാ​ണ് ഇ​തു​വ​രെ വി​സ്ത​രി​ച്ച​ത്. ഗോ​വ ആ​സ്ഥാ​ന​മാ​യി പ്ര​വ​ർ​ത്തി​ക്കു​ന്ന തീ​വ്ര ഹി​ന്ദു​ത്വ സം​ഘ​ട​ന​യാ​യ സ​നാ​ത​ൻ സ​ൻ​സ്ത​യു​ടെ പോ​ഷ​ക സം​ഘ​ട​ന​യാ​യ ഹി​ന്ദു ജ​ന​ജാ​ഗ്ര​തി സ​മി​തി​യു​മാ​യി ബ​ന്ധ​മു​ള്ള​വ​രാ​ണ് മോ​ഹ​ൻ​നാ​യ​ക് അ​ട​ക്ക​മു​ള്ള പ്ര​തി​ക​ൾ. കേ​സി​ലെ ആ​റാം പ്ര​തി​യാ​യ മോ​ഹ​ൻ നാ​യ​കാ​ണ് മു​ഖ്യ​പ്ര​തി​ക​ളെ ഒ​ളി​വി​ൽ പാ​ർ​പ്പി​ക്കാ​ൻ സ​ഹാ​യി​ച്ച​ത്. മോ​ഹ​ൻ നാ​യ​ക്, അ​മി​ത് ദി​ഗ്വേ​ക​ർ, കെ.​ടി. ന​വീ​ൻ കു​മാ​ർ, എ​ച്ച്.​എ​ൽ. സു​രേ​ഷ് എ​ന്നീ പ്ര​തി​ക​ൾ​ക്ക് ക​ർ​ണാ​ട​ക ഹൈ​കോ​ട​തി ജാ​മ്യം അ​നു​വ​ദി​ച്ചി​രു​ന്നു. ഇ​തി​നെ​തി​രെ ഗൗ​രി​യു​ടെ സ​ഹോ​ദ​രി ക​വി​ത ല​​ങ്കേ​ഷ് സു​പ്രീം​കോ​ട​തി​യെ സ​മീ​പി​ച്ചെ​ങ്കി​ലും അ​നു​കൂ​ല തീ​രു​മാ​ന​മു​ണ്ടാ​യി​ല്ല.

ജാ​മ്യ​ത്തി​ൽ ക​ഴി​യു​ന്ന മ​ണ്ഡ്യ സ്വ​ദേ​ശി കെ.​ടി. ന​വീ​ൻ കു​മാ​റി​നെ മു​ൻ മൈ​സൂ​രു -കു​ട​ക് എം.​പി​യും ബി.​ജെ.​പി നേ​താ​വു​മാ​യ പ്ര​താ​പ് സിം​ഹ സ​ന്ദ​ർ​ശി​ച്ചി​രു​ന്നു. ഇ​തി​നു പു​റ​മെ, ഗൗ​രി വ​ധ​ക്കേ​സി​ലെ പ്ര​തി​ക​ൾ​ക്കു​വേ​ണ്ടി കോ​ട​തി​യി​ൽ ഹാ​ജ​രാ​വു​ന്ന അ​ഭി​ഭാ​ഷ​ക​രെ ഗോ​വ​യി​ൽ ഹി​ന്ദു ജ​ന​ജാ​ഗ്ര​തി സ​മി​തി സം​ഘ​ടി​പ്പി​ച്ച ച​ട​ങ്ങി​ൽ ആ​ദ​രി​ക്കു​ക​യും ചെ​യ്തി​രു​ന്നു. ക​ഴി​ഞ്ഞ ജൂ​ൺ 24 മു​ത​ൽ 30 വ​രെ ന​ട​ന്ന ‘വൈ​ശ്വി​ക് ഹി​ന്ദു​രാ​ഷ്ട്ര മ​ഹോ​ത്സ​വ്’ പ​രി​പാ​ടി​യി​ലാ​ണ് ഗൗ​രി വ​ധ​ക്കേ​സ്, ന​രേ​ന്ദ്ര ദാ​ഭോ​ൽ​ക​ർ വ​ധ​ക്കേ​സ് പ്ര​തി​ക​ൾ​ക്കു​വേ​ണ്ടി ഹാ​ജ​രാ​വു​ന്ന അ​ഭി​ഭാ​ഷ​ക​രെ ആ​ദ​രി​ച്ച​ത്. വ​ർ​ഗീ​യ വി​ദ്വേ​ഷ പ്ര​സ്താ​വ​ന​ക​ൾ​ക്ക് കു​പ്ര​സി​ദ്ധി നേ​ടി​യ തെ​ല​ങ്കാ​ന​യി​ൽ നി​ന്നു​ള്ള ബി.​ജെ.​പി എം.​എ​ൽ.​എ രാ​ജാ​സി​ങ് ആ​യി​രു​ന്നു അ​ഭി​ഭാ​ഷ​ക​രെ ആ​ദ​രി​ച്ച​ത്.