പുതിയ കോവിഡ്​ ​'ഡെൽറ്റ പ്ലസ്​' വകഭേദം തിരിച്ചറിഞ്ഞു; മൂന്നാം തരംഗം കൂടുതൽ അപകടകരമാകുമോ?

ന്യൂഡൽഹി: രാജ്യത്ത്​ വൻനാശം വിതച്ച കോവിഡ്​ രണ്ടാം തരംഗത്തിനു കാരണക്കാരനായ ഡെൽറ്റ വകഭേദത്തിന്‍റെ തുടർച്ചയായ 'ഡെൽറ്റ പ്ലസ്​' തിരിച്ചറിഞ്ഞു. പുതുതായി ഡി.ആർ.ഡി.ഒ അവതരിപ്പിച്ച മരുന്നിനെതിരെ ചെറുത്തുനിൽക്കാൻ ശേഷിയുള്ള​ 'ഡെൽറ്റ പ്ലസ്​' കൂടുതൽ അപകടകാരിയാകുമോ എന്ന്​ പരിശോധിച്ചുവരികയാണ്​. 10 രാജ്യങ്ങളിൽ നിലവിൽ ഈ വകഭേദം കണ്ടെത്തിയതായി ജനിതക സീക്വൻസിങ്​ രംഗത്തെ ശാസ്​ത്രജ്​ഞനായ ബാനി ജോളി പറയുന്നു.

ഇന്ത്യയിൽനിന്നുള്ള ആറ്​ ജിനോമുകളിൽ ഡെൽറ്റ പ്ലസ്​ കണ്ടതായി ബ്രിട്ടീഷ്​ ​ആരോഗ്യ വിഭാഗം സ്​ഥിരീകരിച്ചിട്ടുണ്ട്​. പക്ഷേ, കൂടുതൽ പേരിലേക്ക്​ പടർന്നത്​ കണ്ടെത്താത്ത സാഹചര്യത്തിൽ ആശങ്കപ്പെടേണ്ടതില്ലെന്നാണ്​ ശാസ്​ത്രജ്​ഞരുടെ പക്ഷം.