ഓട്ടം മതിയാക്കി മുംബൈയുടെ ഡബ്ൾ ഡക്കർ ബസുകൾ

മും​ബൈ: എ​ട്ടു പ​തി​റ്റാ​ണ്ടി​ലേ​റെ ന​ഗ​ര​ക്കാ​ഴ്ച​ക​ളി​ലേ​ക്ക്​ ന​ഗ​ര​വാ​സി​ക​ളെ​യും സ​ഞ്ചാ​രി​ക​ളെ​യും വ​ഹി​ച്ചു പാ​ഞ്ഞ ഡ​ബ്ൾ ഡ​ക്ക​ർ ബ​സു​ക​ൾ നി​ര​ത്തി​ൽ​നി​ന്ന്​ പി​ന്മാ​റി. ഡീ​സ​ലി​ൽ ഓ​ടി​യി​രു​ന്ന അ​ഞ്ച്​ ഇ​രു​നി​ല ബ​സു​ക​ളാ​ണ്​ വെ​ള്ളി​യാ​ഴ്ച​യോ​ടെ നി​ര​ത്തു​വി​ട്ട​ത്. 1937 ൽ ​തു​ട​ങ്ങി​യ ഡീ​സ​ൽ വാ​ഹ​ന​ത്തി​ൽ​നി​ന്ന്​ 900 എ.​സി വൈ​ദ്യു​തി ഡ​ബ്ൾ ഡ​ക്ക​ർ ബ​സു​ക​ളി​ലേ​ക്കു​ള്ള ത​ല​മു​റ മാ​റ്റ​ത്തി​ന്റെ ഭാ​ഗ​മാ​യാ​ണി​ത്.

‘സിം​ഹ​ഗ​ർ​ജ​നം’ പോ​ലെ​യു​ള്ള മു​ര​ൾ​ച്ച​യും സ്​​റ്റോ​പ്പു​ക​ളി​ലെ മ​ണി​യ​ടി താ​ള​വും ആ​കാ​ശ​ക്കാ​റ്റും ആ​സ്വ​ദി​ച്ചു​ള്ള കാ​ഴ്ച​കാ​ണ​ലി​ന്​ ഇ​നി ചു​വ​പ്പ് നി​റ​ത്തി​ലെ ഇ​രു​നി​ല ബ​സു​ക​ളു​ണ്ടാ​കി​ല്ല. ബോ​ളി​വു​ഡ്​ സി​നി​മ​ക​ളി​ലൂ​ടെ മും​ബൈ​യു​ടെ മാ​യാ​ചി​ഹ്​​ന​മാ​യി ഡ​ബ്ൾ ഡ​ക്ക​ർ ബ​സി​ന്റെ ഖ്യാ​തി നാ​ടെ​ങ്ങും പ​ര​ന്ന​താ​ണ്. വൈ​കാ​രി​ക​ത​യോ​ടെ​യാ​ണ്​ ന​ഗ​ര​വാ​സി​ക​ൾ ബ​സു​ക​ളി​ൽ വെ​ള്ളി​യാ​ഴ്ച അ​വ​സാ​ന​യാ​ത്ര ന​ട​ത്തി​യ​ത്.

മും​ബൈ ന​ഗ​ര​സ​ഭ​യു​ടെ ഗ​താ​ഗ​ത, വൈ​ദ്യു​തി വി​ത​ര​ണ വി​ഭാ​ഗ​മാ​യ ‘ബെ​സ്റ്റി’​ന്റെ കീ​ഴി​ലാ​ണ്​ ന​ഗ​ര ബ​സു​ക​ൾ. ന​ഗ​ര​ത്തി​ന്റെ ഹൃ​ദ​യ​ഭാ​ഗ​മാ​യ ദ​ക്ഷി​ണ മും​ബൈ​യി​ൽ മു​മ്പ്​ ഡ​ബ്ൾ ഡ​ക്ക​ർ ബ​സു​ക​ളാ​യി​രു​ന്നു ഓ​ടി​യി​രു​ന്ന​ത്. ഡീ​സ​ലി​ൽ ഓ​ടു​ന്ന 242 ഡ​ബ്ൾ ഡ​ക്ക​ർ ബ​സു​ക​ളാ​യി​രു​ന്നു​ മും​ബൈ നി​ര​ത്തി​ലോ​ടി​യ​ത്. അ​ത്​ കു​റ​ഞ്ഞ്​ ഒ​ടു​വി​ൽ അ​ഞ്ചി​ൽ എ​ത്തി​നി​ൽ​ക്കു​ക​യാ​യി​രു​ന്നു.