പ്രായപൂർത്തിയാകാത്ത പെൺകുട്ടിയെ അഞ്ചുമാസം തടവിൽ പാർപ്പിച്ച് പീഡിപ്പിച്ചു; 23കാരൻ പിടിയിൽ

ഭദോയ്: യു.പിയിൽ പ്രായപൂർത്തിയാകാത്ത പെൺകുട്ടിയെ അഞ്ചുമാസത്തോളം തടവിൽ പാർപ്പിച്ച് കൂട്ടബലാത്സംഗം ചെയ്ത കേസിൽ 23കാരൻ അറസ്റ്റിൽ. കേസിലെ രണ്ടു പ്രതികളെ കൂടി തിരയുകയാണെന്നും പൊലീസ് പറഞ്ഞു.

45 കാരനായ ഒരാൾ 14കാരിയായ പെൺകുട്ടിയെ പറഞ്ഞ് വശീകരിച്ച് യു.പിയിൽ നിന്ന് നിർബന്ധപൂർവം മുംബൈയിലേക്ക് കൊണ്ടുപോയി അവിടെ നിന്ന് രണ്ടുപേർ അഞ്ചുമാസത്തോളം ബലാത്സംഗം ചെയ്തുവെന്നും ഗ്യാൻപൂർ സർക്കിൾ ഓഫീസർ ഭുവനേശ്വർ പാണ്ഡെ പറഞ്ഞു.

ഇവരുടെ കൈയിൽ നിന്ന് രക്ഷപ്പെട്ട പെൺകുട്ടി ജൂൺ 27നാണ് യു.പിയിൽ എത്തിയത്. തുടർന്ന് തനിക്ക് സംഭവിച്ച അപകടം പൊലീസിനെ അറിയിക്കുകയായിരുന്നു. സംഭവത്തിൽ കേസ് രജിസ്റ്റർ ചെയ്ത പൊലീസ് ഒരാളെ അറസറ്റ് ചെയ്തു. രണ്ടുപേർ കൂടി പിടിയിലാകാനുണ്ട്. പെൺകുട്ടിയുടെ വൈദ്യ പരിശോധന പൂർത്തിയാക്കിയ ശേഷം രക്ഷിതാക്കൾക്കൊപ്പം വിട്ടു.