ഹരിയാനയിൽ ബി.ജെ.പി-കോൺഗ്രസ്​ ഇഞ്ചോടിഞ്ച്​ പോരാട്ടമെന്ന്​ എക്​സിറ്റ്​പോൾ

ന്യൂഡൽഹി: രാഷ്​ട്രീയകേന്ദ്രങ്ങളെ ഞെട്ടിച്ച്​ ഹരിയാനയിൽ കോൺഗ്രസും ബി.ജെ.പിയും തമ്മിൽ ഇഞ്ചോടിഞ്ച്​ പോരാട് ടം നടക്കുമെന്ന്​ എക്​സിറ്റ്​പോൾ ഫലം. ഇന്ത്യ ടുഡേ-ആക്​സിസ്​ മൈ ഇന്ത്യ എക്​സിറ്റ്​പോളിലാണ്​ ഹരിയാനയിൽ കടുത്ത പോരാട്ടം പ്രവചിക്കുന്നത്​. ഹരിയാനയിൽ തൂക്കുസഭയാണ്​ എക്​സിറ്റ്​പോൾ പ്രവചിക്കുന്നത്​.

90 അംഗ നിയമസഭയിൽ 32 മുതൽ 44 സീറ്റ്​ വരെ ബി.ജെ.പിക്ക്​ ലഭിക്കുമെന്നാണ്​ പ്രവചനം. കോൺഗ്രസിന്​ 30 മുതൽ 42 സീറ്റ്​ വരെ ലഭിക്കും. 2014ലെ നിയമസഭാ തെരഞ്ഞെടുപ്പിൽ ബി.ജെ.പി 47 സീറ്റിൽ വിജയിച്ചപ്പോൾ കോൺഗ്രസിന്​ 15 സീറ്റിൽ മാത്രമാണ്​ വിജയിക്കാൻ സാധിച്ചത്​.

അതേസമയം, മറ്റ്​ പ്രധാന സർവേകളെല്ലാം ഹരിയാനയിൽ ബി.ജെ.പിക്ക്​ വ്യക്​തമായ മുൻതൂക്കം പ്രവചിച്ചിരുന്നു. ഇതിൽ നിന്നും തീർത്തും വിരുദ്ധമായ സർവേഫലമാണ്​ ഇപ്പോൾ പുറത്ത്​ വന്നത്​.