ഗോ​മൂ​ത്ര​ത്തി​ന് ഔ​ഷ​ധ​ഗു​ണ​വും രോ​ഗ​പ്ര​തി​രോ​ധ ശേ​ഷി​യും; അവകാശവാദത്തിൽ ഉറച്ച് മദ്രാസ് ​ഐ.ഐ.ടി ഡയറക്ടർ

ചെ​ന്നൈ: ഗോ​മൂ​ത്ര​ത്തി​ന് ഔ​ഷ​ധ​ഗു​ണ​വും രോ​ഗ​പ്ര​തി​രോ​ധ ശേ​ഷി​യു​മു​ണ്ടെ​ന്നു​ള്ള നി​ല​പാ​ട് ആ​വ​ർ​ത്തി​ച്ച് മ​ദ്രാ​സ് ഐ.​ഐ.​ടി ഡ​യ​റ​ക്ട​ർ വി. ​കാ​മ​കോ​ടി. ഈ​യി​ടെ ചെ​ന്നൈ വെ​സ്റ്റ് മാ​മ്പ​ല​ത്ത് പ​ശു​സം​ര​ക്ഷ​ണ കേ​ന്ദ്ര​ത്തി​ൽ സം​ഘ​ടി​പ്പി​ച്ച മാ​ട്ടു​പൊ​ങ്ക​ൽ ആ​ഘോ​ഷ ച​ട​ങ്ങി​ൽ മു​ഖ്യാ​തി​ഥി​യാ​യി സം​സാ​രി​ക്ക​വെ​യാ​ണ് ഗോ​മൂ​ത്ര​ത്തി​ന് രോ​ഗം ഭേ​ദ​മാ​ക്കാ​ൻ ക​ഴി​യു​മെ​ന്ന് അ​ദ്ദേ​ഹം പ്ര​സ്താ​വി​ച്ച​ത്. ത​ന്റെ പി​താ​വി​ന് പ​നി ബാ​ധി​ച്ച​പ്പോ​ൾ ഗോ​മൂ​ത്രം കു​ടി​ച്ച​താ​യും 15 മി​നി​റ്റി​ന​കം ഭേ​ദ​മാ​യ​താ​യും കാ​മ​കോ​ടി അ​റി​യി​ച്ചു. പ്ര​സ്താ​വ​ന​ക്കെ​തി​രെ ശ​ക്ത​മാ​യ എ​തി​ർ​പ്പു​ക​ളു​യ​രു​ക​യും പ്ര​സം​ഗ വി​ഡി​യോ സ​മൂ​ഹ മാ​ധ്യ​മ​ങ്ങ​ളി​ൽ വൈ​റ​ലാ​വു​ക​യും ചെ​യ്ത​തി​നെ തു​ട​ർ​ന്നാ​ണ് ത​ന്റെ അ​വ​കാ​ശ​വാ​ദം ന്യാ​യീ​ക​രി​ച്ച് രം​ഗ​ത്തെ​ത്തി​യ​ത്.

ഗോ​മൂ​ത്ര​ത്തി​ന്റെ രോ​ഗ​പ്ര​തി​രോ​ധ​ശേ​ഷി​യെ​ക്കു​റി​ച്ചു​ള്ള അ​ഞ്ച് ഗ​വേ​ഷ​ണ പ്ര​ബ​ന്ധ​ങ്ങ​ളും ഒ​രു പേ​റ്റ​ന്റ് റി​പ്പോ​ർ​ട്ടും ത​ന്റെ പ​ക്ക​ലു​ണ്ടെ​ന്നും ഗോ​മൂ​ത്രം ബാ​ക്ടീ​രി​യ, ഫം​ഗ​സ് എ​ന്നി​വ​യെ ന​ശി​പ്പി​ക്കു​മെ​ന്ന് തെ​ളി​യി​ക്ക​പ്പെ​ട്ടി​ട്ടു​ണ്ടെ​ന്നും കാ​മ​കോ​ടി മാ​ധ്യ​മ​ങ്ങ​ളോ​ട് വി​ശ​ദീ​ക​രി​ച്ചു. അ​മേ​രി​ക്ക​യി​ല​ട​ക്കം ഗോ​മൂ​ത്ര​ത്തി​ന്റെ അ​ണു​നാ​ശി​നി ശേ​ഷി​യെ​ക്കു​റി​ച്ച് പ​ഠ​ന​ങ്ങ​ൾ ന​ട​ത്തി​യി​ട്ടു​ണ്ട്. ഗോ​മൂ​ത്രം കു​ടി​ച്ചാ​ൽ ആ​രോ​ഗ്യ​പ്ര​ശ്ന​ങ്ങ​ളു​ണ്ടാ​കു​മെ​ന്ന പ​ഠ​ന റി​പ്പോ​ർ​ട്ടു​ക​ൾ ശ്ര​ദ്ധ​യി​ൽ​പ്പെ​ട്ടി​ട്ടി​ല്ല. വി​ഷ​യം രാ​ഷ്ട്രീ​യ വി​വാ​ദ​മാ​ക്കാ​നും താ​ൽ​പ​ര്യ​മി​ല്ല.

ഉ​ത്സ​വ ദി​വ​സ​ങ്ങ​ളി​ൽ പാ​ൽ, തൈ​ര്, നെ​യ്യ്, ഗോ​മൂ​ത്രം, ചാ​ണ​കം എ​ന്നീ അ​ഞ്ച് ചേ​രു​വ​ക​ൾ അ​ട​ങ്ങി​യ പ​ഞ്ച​ഗ​വ്യം ക​ഴി​ക്കു​ന്ന ശീ​ലം ത​നി​ക്കു​ണ്ടെ​ന്നും ഓ​ൺ​ലൈ​ൻ ഏ​ജ​ൻ​സി​ക​ളി​ൽ​പോ​ലും പ​ഞ്ച​ഗ​വ്യം വി​ൽ​പ​ന​ക്കു​ണ്ടെ​ന്നും അ​ദ്ദേ​ഹം പ​റ​ഞ്ഞു. പ​ഞ്ച​ഗ​വ്യ​ത്തി​ന് ഔ​ഷ​ധ​ഗു​ണ​മു​ണ്ടെ​ന്ന​തി​ന് ശാ​സ്ത്രീ​യ തെ​ളി​വു​ക​ളു​ണ്ട്. ചെ​ന്നൈ ഐ.​ഐ.​ടി​യി​ലും ഗോ​മൂ​ത്രം, പ​ഞ്ച​ഗ​വ്യം എ​ന്നി​വ​യെ​ക്കു​റി​ച്ച് ഗ​വേ​ഷ​ണം ന​ട​ത്താ​ൻ താ​ൻ മു​ൻ​കൈ​യെ​ടു​ക്കു​മെ​ന്നും അ​ദ്ദേ​ഹം അ​റി​യി​ച്ചു.

ബി.​ജെ.​പി നേ​താ​ക്ക​ളാ​യ ത​മി​ഴി​സൈ സൗ​ന്ദ​ര​രാ​ജ​ൻ, കെ. ​അ​ണ്ണാ​മ​ലൈ തു​ട​ങ്ങി​യ നേ​താ​ക്ക​ൾ കാ​മ​കോ​ടി​യു​ടെ പ്ര​സ്താ​വ​ന​യെ പി​ന്തു​ണ​ക്കു​മ്പോ​ൾ ഡി.​എം.​കെ ഉ​ൾ​പ്പെ​ടെ മ​റ്റു ക​ക്ഷി നേ​താ​ക്ക​ൾ എ​തി​ർ​പ്പും പ​രി​ഹാ​സ​വു​മാ​യി രം​ഗ​ത്തെ​ത്തി. ഐ.​ഐ.​ടി ഡ​യ​റ​ക്ട​ർ പ​ദ​വി​യി​ൽ​നി​ന്ന് കാ​മ​കോ​ടി​യെ നീ​ക്ക​ണ​മെ​ന്ന ആ​വ​ശ്യ​വും ശ​ക്ത​മാ​കു​ന്നു​ണ്ട്.