മിസോറമിൽ പുതിയ മുഖ്യ തെരഞ്ഞെടുപ്പ്​ ഉദ്യോഗസ്​ഥനെ കണ്ടെത്താൻ നടപടി

ന്യൂഡൽഹി: മിസോറമിൽ പുതിയ മുഖ്യ തെരഞ്ഞെടുപ്പ്​ ഉദ്യോഗസ്​ഥനെ കണ്ടെത്താൻ തെരഞ്ഞെടുപ്പ്​ കമീഷൻ നടപടി തുടങ്ങി. ഇതിനായി പാനൽ നിർദേശിക്കാൻ ചീഫ്​ സെക്രട്ടറിയോട്​ ആവശ്യപ്പെട്ടിട്ടുണ്ട്​. അദ്ദേഹം നിർദേശിക്കുന്ന പാനലിൽ നിന്നായിരിക്കും നിയമനമെന്ന്​ തെര. കമീഷൻ വക്താവ്​ പറഞ്ഞു.

നവംബർ 28ന്​ നിയമസഭ തെരഞ്ഞെടുപ്പ്​ നടക്കാനിരിക്കെയാണ്​ വിവിധ സംഘടനകളുടെ പരാതിയെത്തുടർന്ന്​ മുഖ്യ തെര. ഉദ്യോഗസ്​ഥനായിരുന്ന എസ്​.ബി. ശശാങ്കനെ മാറ്റിയത്​.