ഡൽഹി സർവകലാശാലയും സ്കൂളുകളും അടച്ചു; ശനിയാഴ്ചവരെ ക്ലാസുകൾ ഓൺലൈനായി മാത്രം

ന്യൂഡൽഹി: ഡൽഹി വായു ഗുണനിലവാരം അപകടകരമായ അവസ്ഥയിൽ സ്കൂളുകളും ഡൽഹി സർവകലാശാലയും അടച്ചു. നവംബർ 23 ശനിയാഴ്ചവരെ ക്ലാസുകൾ ഓൺലൈനായി നടത്തുമെന്ന് ഡൽഹി സർവകലാശാല അറിയിച്ചു.

ഡൽഹിയിലെ വായുവിന്റെ ഗുണനിലവാരം (എ.ക്യു.ഐ) 978 എന്ന അപകടകരമായ അവസ്ഥയിലെത്തിയതോടെ വിദ്യാർഥികളുടെ ആരോഗ്യത്തെ കണക്കിലെടുത്താണ് ഓൺലൈൻ ക്ലാസ്സുകളാക്കി പ്രഖ്യാപിച്ചത്.

നേരത്തെ 10, 12 ക്ലാസുകൾ ഒഴികെയുള്ള എല്ലാ ക്ലാസ്സുകളുമാണ് ഓൺലൈനായി മാറ്റിയത്. മലിനീകരണ തോത് ഉയരുന്നതിനാൽ ഡൽഹിയിലെ എല്ലാ സ്കൂളുകളും ഓൺലൈനായി മാറുമെന്ന് ഡൽഹി മുഖ്യമന്ത്രി ആതിഷി എക്സിൽ കുറിച്ചു.