അവിശ്വാസ പ്രമേയം: എം.പിമാർക്ക്​ കോൺഗ്രസി​െൻറ വിപ്പ്​

ന്യൂഡൽഹി: കേന്ദ്ര സർക്കാറിനെതിരെയുള്ള അവിശ്വാസ പ്രമേയത്തിന്​ മന്നോടിയായി കോൺഗ്രസ്​ തങ്ങളു​െട എം.പിമാർക്ക് മൂന്നുവരി വിപ്പ്​ നൽകി. അവിശ്വാസ പ്രമേയത്തിനു വേണ്ടി വെള്ളിയാഴ്​ച സഭയിൽ ഹാജരാവണമെന്നാണ്​ വിപ്പ്​. കോൺഗ്രസ്​ നേതൃത്വത്തിലുള്ള പ്രതിപക്ഷ കക്ഷികൾ കൊണ്ടു വന്ന അവിശ്വാസ പ്രമേയത്തിൽ ലോക്​സഭയിൽ നാളെ ചർച്ചയും വോ​െട്ടടുപ്പും നടക്കും.

അവിശ്വാസ പ്രമേയത്തെ അനുകൂലിച്ച്​ വോട്ട്​ രേഖപ്പെടുത്തണമെന്ന്​ കാണിച്ച്​ ആം ആദ്​​മി പാർട്ടിയും തങ്ങളുടെ എം.പിമാർക്ക്​ വിപ്പ്​ നൽകിയിട്ടുണ്ട്​. അതേ സമയം ശിവസേന അവിശ്വാസ പ്രമേയത്തെ എതിർത്ത്​ വോട്ട്​ രേഖപ്പെടുത്തും. 

പാർലമ​​െൻറി​​​െൻറ വർഷകാല സമ്മേളനത്തി​​​െൻറ ആദ്യ ദിനമായ ബുധനാഴ്​ചയാണ്​ ലോക്​സഭ സ്​പീക്കർ സുമിത്ര മഹാജൻ തെലുങ്കു ദേശം പാർട്ടി (ടി.ഡി.പി) അവതരിപ്പിച്ച അവിശ്വാസ പ്രമേയത്തിന്​ അനുമതി നൽകിയത്​.