മുംബൈയിലെ കശാപ്പുകാർക്ക്​ ഇരുട്ടടി

മും​ബൈ: അ​റ​വി​നാ​യി ക​ന്നു​കാ​ലി​ക​ളെ വി​ൽ​ക്കു​ന്ന​ത്​ നി​രോ​ധി​ക്കു​ന്ന കേ​ന്ദ്ര സ​ർ​ക്കാ​ർ നി​യ​മം മ​ഹാ​ന​ഗ​ര​ത്തി​ലെ ഇ​റ​ച്ചി​ക്ക​ച്ച​വ​ട​ക്കാ​ർ​ക്ക്​ ഇ​രു​ട്ട​ടി​യാ​കു​ന്നു. 2015​ൽ ​പോ​ത്തൊ​ഴി​ച്ചു​ള്ള മാ​ട്ടി​റ​ച്ചി മ​ഹാ​രാ​ഷ്​​ട്ര സ​ർ​ക്കാ​ർ നി​രോ​ധി​ച്ച​ത്​ അ​റ​വു​ശാ​ല​ക​ളി​ലെ ജീ​വ​ന​ക്കാ​രെ​യും ഇ​റ​ച്ചി​ക്ക​ച്ച​വ​ട​ക്കാ​രെ​യും പ്ര​തി​സ​ന്ധി​യി​ലേ​ക്ക്​ ത​ള്ളി​വി​ട്ടി​രു​ന്നു. 

പോ​ത്തൊ​ഴി​ച്ചു​ള്ള മാ​ട്ടി​റ​ച്ചി നി​രോ​ധി​ച്ചി​ട്ട്​ ര​ണ്ടു​ വ​ർ​ഷം ക​ഴി​ഞ്ഞെ​ങ്കി​ലും ഇ​ന്നും അ​റു​ക്കു​ന്ന പോ​ത്തു​ക​ളു​ടെ എ​ണ്ണം കൂ​ടി​യി​ട്ടി​ല്ല. പോ​ത്തി​ന്​ കാ​ള​യു​ടെ അ​ത്ര ആ​വ​ശ്യ​ക്കാ​രി​ല്ല. അ​തി​നാ​ൽ എ​ണ്ണം കൂ​ട്ടാ​നോ വി​ല​കൂ​ട്ടാ​നോ ക​ഴി​യാ​ത്ത അ​വ​സ്​​ഥ​യി​ലാ​ണ്​ ക​ച്ച​വ​ട​ക്കാ​ർ. കാ​ള​യി​റ​ച്ചി ദി​വ​സം ഒ​രു ക​ട​യി​ൽ 100 കി​േ​ലാ​യോ​ളം വി​റ്റി​ട​ത്ത്​ ഇ​ന്ന്​ പോ​ത്തി​റ​ച്ചി 20 കി​ലോ​യോ​ള​മേ വി​ൽ​ക്ക​പ്പെ​ടു​ന്നു​ള്ളൂ. അ​റ​വു​ശാ​ല​ക​​ളെ​യും ഇ​റ​ച്ചി​ക്ക​ട​ക​ളെ​യും ആ​ശ്ര​യി​ക്കു​ന്ന അ​ര​ല​ക്ഷ​ത്തി​ലേ​റെ പേ​ർ ന​ഗ​ര​ത്തി​ലു​ണ്ട്. ക​ഴി​ഞ്ഞ ര​ണ്ടു വ​ർ​ഷ​മാ​യി ഇ​വ​രി​ൽ ഏ​റെ പേ​രും തൊ​ഴി​ൽ​ര​ഹി​ത​രാ​ണ്. മ​റ്റു​ള്ള​വ​ർ പോ​ത്തി​റ​ച്ചി ക​ച്ച​വ​ട​ത്തി​ൽ​നി​ന്നു​ള്ള തു​ച്ഛ​വ​രു​മാ​ന​ത്തി​ൽ ക​ഴി​യു​ക​യു​മാ​ണെ​ന്ന്​ മും​ബൈ സ​ബ​ർ​ബ​ൻ ബീ​ഫ്​ ഡീ​ലേ​ഴ്​​സ്​ വെ​ൽ​​ഫെ​യ​ർ അ​സോ​സി​യേ​ഷ​ൻ വൈ​സ്​ പ്ര​സി​ഡ​ൻ​റ്​​ ഇ​ന്ദ​സാ​ർ ഖു​റൈ​ശി പ​റ​ഞ്ഞു.