നാലുവയസുകാരിയുമായി മാതാവ് ട്രെയിനിന് മുന്നിൽ ചാടി; ഇരുവരും മരിച്ചു

ലഖ്നോ: ട്രെയിനിന് മുന്നിൽ ചാടിയ യുവതിയും ഒപ്പമുണ്ടായിരുന്ന മകളും മരിച്ചു. സഹസ്പൂരിലെ മേവ നവാഡ റെയിൽവേ സ്റ്റേഷന് സമീപമാണ് സംഭവം. സബ ഇഖ്ബാൽ (30), നാല് വയസ്സുള്ള മകൾ ആരിഫ എന്നിവരാണ് മരിച്ചത്.

ആദ്യ ഭർത്താവിൽ നിന്ന് വിവാഹമോചനം നേടിയ സബ രണ്ട് വർഷം മുമ്പ് വീണ്ടും വിവാഹം കഴിച്ചിരുന്നു. ആദ്യ ഭർത്താവിന്റെ കുട്ടിയാണ് ആരിഫയെന്ന് പൊലീസ് പറഞ്ഞു.

കുടുംബത്തിലുണ്ടായ തർക്കമാവാം ഇങ്ങനെയൊരു നീക്കത്തിലേക്ക് നയിച്ചതെന്നാണ് പൊലീസിന്‍റെ പ്രാഥമിക നിഗമനം.