ചൂ​ടി​ന്​ ആ​ശ്വാ​സ​മാ​യി പ​ല​യി​ട​ങ്ങ​ളി​ലും മ​ഴ

ദു​ബൈ: രാ​ജ്യ​ത്തി​ന്‍റെ വി​വി​ധ ഭാ​ഗ​ങ്ങ​ളി​ൽ വെ​ള്ളി​യാ​ഴ്ച രാ​വി​ലെ മ​ഴ ല​ഭി​ച്ചു. ക​ന​ത്ത ചു​ട്​ തു​ട​രു​ന്ന​തി​നി​ടെ ല​ഭി​ച്ച മ​ഴ​യെ തു​ട​ർ​ന്ന്​ രാ​ജ്യ​ത്താ​ക​മാ​നം താ​പ​നി​ല​യി​ൽ കു​റ​വ്​ രേ​ഖ​പ്പെ​ടു​ത്തി. ഖോ​ർ​ഫ​ക്കാ​ൻ, ദു​ദ്​​ന, ഫു​ജൈ​റ​യി​ലെ അ​ൽ ഫു​ഖൈ​ത്​ എ​ന്നി​വി​ട​ങ്ങ​ളി​ലാ​ണ്​ മ​ഴ ല​ഭി​ച്ച​തെ​ന്ന്​ ദേ​ശീ​യ കാ​ലാ​വ​സ്ഥ നി​രീ​ക്ഷ​ണ കേ​ന്ദ്രം പ്ര​സ്താ​വ​ന​യി​ൽ പ​റ​ഞ്ഞു.

രാ​ജ്യ​ത്ത്​ ഏ​റ്റ​വും കു​റ​ഞ്ഞ താ​പ​നി​ല രേ​ഖ​പ്പെ​ടു​ത്തി​യ​ത്​ അ​ൽ​ഐ​നി​ലെ റ​ക്ന​യി​ലാ​ണ്. ഇ​വി​ടെ വെ​ള്ളി​യാ​ഴ്ച രാ​വി​ലെ 5.45ന്​ 16.6 ​ഡി​ഗ്രി​യാ​ണ്​ ത​ണു​പ്പ്​ രേ​ഖ​പ്പെ​ടു​ത്തി​യ​ത്. 42 ഡി​ഗ്രി​യാ​ണ്​ ഏ​റ്റ​വും കൂ​ടു​ത​ൽ രേ​ഖ​പ്പെ​ടു​ത്തി​യ ചൂ​ട്. അ​ൽ​ജ​സീ​റ​യി​ൽ ഉ​ച്ച 2.30നാ​ണ്​ ഈ ​ചൂ​ട്​ രേ​ഖ​പ്പെ​ടു​ത്തി​യ​ത്. രാ​ജ്യ​ത്താ​ക​മാ​നം വെ​ള്ളി​യാ​ഴ്ച ആ​കാ​ശം മി​ക്ക​വാ​റും തെ​ളി​ഞ്ഞ​തും ഭാ​ഗി​ക​മാ​യി മേ​ഘാ​വൃ​ത​വു​മാ​യി​രു​ന്നു. ശ​നി​യാ​ഴ്ച രാ​വി​ലെ​യോ​ടെ ഈ​ർ​പ്പ​ത്തി​ന്റെ അ​ള​വ് ഉ​യ​രു​മെ​ന്നും തീ​ര​പ്ര​ദേ​ശ​ങ്ങ​ളി​ൽ മൂ​ട​ൽ​മ​ഞ്ഞി​ന് സാ​ധ്യ​ത​യു​ണ്ടെ​ന്നും അ​ധി​കൃ​ത​ർ പ്ര​വ​ചി​ക്കു​ന്നു​ണ്ട്.

ശ​നി​യാ​ഴ്ച​യും കി​ഴ​ക്ക്, വ​ട​ക്ക്​ പ്ര​ദേ​ശ​ങ്ങ​ളി​ൽ മ​ഴ പെ​യ്യാ​ൻ സാ​ധ്യ​ത​യു​ള്ള​തി​നാ​ൽ ഭാ​ഗി​ക​മാ​യി മേ​ഘാ​വൃ​ത​മാ​യ കാ​ലാ​വ​സ്ഥ​യാ​യി​രി​ക്കു​മെ​ന്ന് ദേ​ശീ​യ കാ​ലാ​വ​സ്ഥ നി​രീ​ക്ഷ​ണ കേ​ന്ദ്രം പ്ര​വ​ചി​ക്കു​ന്നു. ഞാ​യ​റാ​ഴ്ച രാ​വി​ലെ വ​രെ രാ​ത്രി മു​ഴു​വ​ൻ ഈ​ർ​പ്പം നി​ല​നി​ൽ​ക്കും. ഇ​ത് മൂ​ലം ചി​ല തീ​ര​ദേ​ശ, ആ​ന്ത​രി​ക പ്ര​ദേ​ശ​ങ്ങ​ളി​ൽ മൂ​ട​ൽ​മ​ഞ്ഞി​ന്​ കാ​ര​ണ​മാ​കും.

തെ​ക്കു​കി​ഴ​ക്ക് നി​ന്ന് വ​ട​ക്കു​കി​ഴ​ക്ക് വ​രെ മ​ണി​ക്കൂ​റി​ൽ 40 കി.​മീ​റ്റ​ർ വ​രെ വേ​ഗ​ത​യി​ൽ കാ​റ്റ്​ പ്ര​തീ​ക്ഷി​ക്കാം. എ​ന്നാ​ൽ ക​ട​ൽ താ​ര​ത​മ്യേ​ന ശാ​ന്ത​മാ​യി​രി​ക്കു​മെ​ന്നും അ​ധി​കൃ​ത​ർ അ​റി​യി​ച്ചു.വേ​ന​ൽ മാ​സ​ങ്ങ​ളി​ൽ ക​ന​ത്ത താ​പ​നി​ല​ക്ക്​ സാ​ധ്യ​ത​യു​ള്ള രാ​ജ്യ​ത്ത്, സീ​സ​ൺ ആ​രം​ഭി​ക്കു​ന്ന​തി​ന് മു​മ്പു​ത​ന്നെ സാ​ധാ​ര​ണ​യേ​ക്കാ​ൾ ഉ​യ​ർ​ന്ന താ​പ​നി​ല ഈ ​വ​ർ​ഷം രേ​ഖ​പ്പെ​ടു​ത്തി​യി​രി​ന്നു. ക​ഴി​ഞ്ഞ മാ​സം യു.​എ.​ഇ​യി​ലെ ഏ​റ്റ​വും ചൂ​ടേ​റി​യ മേ​യ്​ മാ​സ ചൂ​ടാ​ണ് രേ​ഖ​പ്പെ​ടു​ത്തി​യ​ത്​​.

2003ൽ ​താ​പ​നി​ല രേ​ഖ​പ്പെ​ടു​ത്തു​ന്ന​ത്​ ആ​രം​ഭി​ച്ച​തി​ന്​ ശേ​ഷം മേ​യ്​ മാ​സ​ത്തി​ൽ അ​ട​യാ​ള​പ്പെ​ടു​ത്തി​യ ഏ​റ്റ​വും വ​ലി​യ ചൂ​ടാ​യി​രു​ന്നു ഇ​ത്. ജൂ​ൺ തു​ട​ക്ക​ത്തി​ലും പ​ല ദി​വ​സ​ങ്ങ​ളി​ലും 50 ഡി​ഗ്രി വ​രെ ചൂ​ട്​ രേ​ഖ​പ്പെ​ടു​ത്തി​യി​രു​ന്നു. ഇ​തി​ന്​ അ​ൽ​പം ആ​ശ്വാ​സ​മാ​യാ​ണ്​ മ​ഴ ല​ഭി​ച്ചി​രി​ക്കു​ന്ന​ത്.