നിക്ഷേപക മേഖലക്ക്​ കരുത്തുപകരാൻ പുതിയ മന്ത്രാലയം

അബൂദബി: രാ​ജ്യ​ത്തി​ന്‍റെ നി​ക്ഷേ​പ ന​യം രൂ​പ​പ്പെ​ടു​ത്തു​ന്ന​തി​നും മേ​ഖ​ല​യെ കൂ​ടു​ത​ൽ ശ​ക്​​തി​പ്പെ​ടു​​ത്തു​ന്ന​തി​നും നേ​തൃ​ത്വം ന​ൽ​കാ​ൻ പ്ര​ത്യേ​ക നി​ക്ഷേ​പ മ​ന്ത്രാ​ല​യം സ്ഥാ​പി​ക്കു​ന്നു. അ​ബൂ​ദ​ബി അ​ൽ വ​ത്​​ൻ കൊ​ട്ടാ​ര​ത്തി​ൽ ചേ​ർ​ന്ന​ യു.​എ.​ഇ മ​ന്ത്രി​സ​ഭ യോ​ഗ തീ​രു​മാ​ന​മ​നു​സ​രി​ച്ചാ​ണ്​ സു​പ്ര​ധാ​ന നീ​ക്കം. മു​ഹ​മ്മ​ദ്​ ഹ​സ​ൻ അ​ൽ സു​വൈ​ദി​യെ നി​ക്ഷേ​പ​ക മ​ന്ത്രി​യാ​യി നി​യ​മി​ക്കാ​നും തീ​രു​മാ​നി​ച്ചി​ട്ടു​ണ്ട്. രാ​ജ്യ​ത്തി​ന്‍റെ നി​ക്ഷേ​പ ന​യ​വും ല​ക്ഷ്യ​വും രൂ​പ​പ്പെ​ടു​ത്തു​ക, മേ​ഖ​ല​യെ കൂ​ടു​ത​ൽ ഉ​യ​ര​ങ്ങ​ളി​ലേ​ക്ക്​ എ​ത്തി​ക്കു​ക, നി​യ​മ​നി​ർ​മാ​ണ​വും ന​ട​പ​ടി​ക്ര​മ​ങ്ങ​ളും പൂ​ർ​ത്തി​യാ​ക്കു​ക എ​ന്നീ ചു​മ​ത​ല​ക​ളാ​ണ്​ മ​ന്ത്രാ​ല​യ​ത്തി​ന്‍റെ ഉ​ത്ത​ര​വാ​ദി​ത്ത​മാ​യി നി​ശ്ച​യി​ച്ചി​ട്ടു​ള്ള​ത്. ലോ​ക​ത്തെ അ​തി​വേ​ഗം വ​ള​രു​ന്ന നി​ക്ഷേ​പ​ക രാ​ജ്യ​ങ്ങ​ളി​ലൊ​ന്നെ​ന്ന നി​ല​യി​ൽ യു.​എ.​ഇ​ക്ക്​ പു​തി​യ മ​ന്ത്രാ​ല​യ രൂ​പ​വ​ത്ക​ര​ണം മു​ത​ൽ​ക്കൂ​ട്ടാ​കു​മെ​ന്നാ​ണ്​ വി​ല​യി​രു​ത്ത​പ്പെ​ടു​ന്ന​ത്.

യു.​എ.​ഇ വൈ​സ്​ പ്ര​സി​ഡ​ന്റും ​പ്ര​ധാ​ന​മ​ന്ത്രി​യും ദു​ബൈ ഭ​ര​ണാ​ധി​കാ​രി​യു​മാ​യ ശൈ​ഖ്​ മു​ഹ​മ്മ​ദ്​ ബി​ൻ റാ​ശി​ദ്​ ആ​ൽ മ​ക്​​തൂ​മി​ന്‍റെ അ​ധ്യ​ക്ഷ​ത​യി​ലാ​ണ്​ മ​ന്ത്രി​സ​ഭ യോ​ഗം ചേ​ർ​ന്ന​ത്. നി​ല​വി​ൽ പ​ശ്ചി​മേ​ഷ്യ​യി​ലെ ഏ​റ്റ​വും കൂ​ടു​ത​ൽ വി​ദേ​ശ നി​ക്ഷേ​പം ആ​ക​ർ​ഷി​ക്കു​ന്ന രാ​ജ്യ​ങ്ങ​ളി​ലൊ​ന്നാ​ണ്​ യു.​എ.​ഇ. 2023ലെ ​കേ​ർ​ണി വി​ദേ​ശ നി​ക്ഷേ​പ സൂ​ചി​ക​പ്ര​കാ​രം ‘മെ​ന’ മേ​ഖ​ല​യി​ൽ വി​ദേ​ശ നി​ക്ഷേ​പ​ക​ർ ഏ​റ്റ​വും വി​ശ്വാ​സ​ത്തി​ലെ​ടു​ക്കു​ന്ന രാ​ജ്യ​മാ​ണ്. ഗ്രീ​ൻ​ഫീ​ൽ​ഡ്​ വി​ദേ​ശ നി​ക്ഷേ​പം ഏ​റ്റ​വും കൂ​ടു​ത​ൽ ആ​ക​ർ​ഷി​ക്കു​ന്ന ന​ഗ​ര​ങ്ങ​ളു​ടെ പ​ട്ടി​ക​യി​ൽ ദു​ബൈ ഒ​ന്നാ​മ​തു​മാ​ണ്.

അ​ടു​ത്ത ഏ​ഴു വ​ർ​ഷ​ത്തി​ന​കം പു​ന​രു​പ​യോ​ഗ ഊ​ർ​ജ​ത്തി​ന്‍റെ ഉ​ൽ​പാ​ദ​നം മൂ​ന്നി​ര​ട്ടി​യാ​യി വ​ർ​ധി​പ്പി​ക്കാ​ൻ ദേ​ശീ​യ ഊ​ർ​ജ പ​ദ്ധ​തി​ക്കും മ​ന്ത്രി​സ​ഭ അം​ഗീ​കാ​രം ന​ൽ​കി​യി​ട്ടു​ണ്ട്. ഇ​തി​നാ​യി ഈ ​കാ​ല​യ​ള​വി​ൽ 150 ബി​ല്യ​ൺ ദി​ർ​ഹം മു​ത​ൽ 200 ബി​ല്യ​ൺ ദി​ർ​ഹം വ​രെ നി​ക്ഷേ​പി​ക്കാ​നും തീ​രു​മാ​നി​ച്ചി​ട്ടു​ണ്ട്. സാ​മ്പ​ത്തി​ക വ​ള​ർ​ച്ച​ക്ക​നു​സ​രി​ച്ച്​ ഊ​ർ​ജ ആ​വ​ശ്യ​ക​ത വ​ർ​ധി​ച്ച സാ​ഹ​ച​ര്യ​ത്തി​ലാ​ണ്​ തീ​രു​മാ​നം. രാ​ജ്യ​ത്തി​ന്‍റെ സാ​മ്പ​ത്തി​ക സു​സ്ഥി​ര​ത ഉ​റ​പ്പു​വ​രു​ത്തു​ന്ന​തി​ന്​ ഫി​നാ​ൻ​ഷ്യ​ൽ സ്റ്റ​ബി​ലി​റ്റി കൗ​ൺ​സി​ൽ രൂ​പ​വ​ത്ക​രി​ക്കാ​നും തീ​രു​മാ​നി​ച്ചി​ട്ടു​ണ്ട്. സാ​മ്പ​ത്തി​ക പ്ര​തി​സ​ന്ധി​ക്കു​ള്ള സാ​ധ്യ​ത​ക​ൾ നി​രീ​ക്ഷി​ക്കു​ക​യും ആ​വ​ശ്യ​മാ​യ ഇ​ട​പെ​ട​ലു​ക​ൾ ന​ട​ത്തു​ക​യു​മാ​ണ്​ കൗ​ൺ​സി​ലി​ന്‍റെ ഉ​ത്ത​ര​വാ​ദി​ത്തം.