സേ​ഹ​യു​ടെ എ​ല്ലാ കോ​വി​ഡ് പ​രി​ശോ​ധ​ന കേ​ന്ദ്ര​ങ്ങ​ളും ഇ​ന്ന്​ പൂ​ട്ടും

അ​ബൂ​ദ​ബി: അ​ബൂ​ദ​ബി ഹെ​ൽ​ത്ത് സ​ർ​വി​സ​സ് ക​മ്പ​നി(​സേ​ഹ)​യു​ടെ എ​ല്ലാ കോ​വി​ഡ് പ​രി​ശോ​ധ​ന കേ​ന്ദ്ര​ങ്ങ​ളും ശ​നി​യാ​ഴ്ച അ​ട​ച്ചു​പൂ​ട്ടും. സേ​ഹ​യു​ടെ ഹെ​ൽ​ത്ത് കെ​യ​ർ സെ​ന്‍റ​റു​ക​ളി​ൽ മാ​ത്ര​മാ​കും കോ​വി​ഡ് പ​രി​ശോ​ധ​ന​യും വാ​ക്സി​നേ​ഷ​ൻ സൗ​ക​ര്യ​വും ഇ​നി​മു​ത​ൽ ല​ഭ്യ​മാ​വു​ക. കോ​വി​ഡ് പോ​സി​റ്റി​വ് കേ​സു​ക​ൾ അ​ൽ റ​ഹ്​​ബ, അ​ൽ​ഐ​ൻ ആ​ശു​പ​ത്രി​ക​ളി​ൽ കൈ​കാ​ര്യം ചെ​യ്യു​മെ​ന്നും വാ​ർ​ത്താ ഏ​ജ​ൻ​സി​യാ​യ വാം ​റി​പ്പോ​ർ​ട്ട് ചെ​യ്തു.

കോ​വി​ഡ് കേ​സു​ക​ൾ കു​റ​ഞ്ഞു​വ​രു​ന്ന​തി​ന​നു​സ​രി​ച്ച് സേ​ഹ കോ​വി​ഡ് പ​രി​ശോ​ധ​ന കേ​ന്ദ്ര​ങ്ങ​ളു​ടെ പ്ര​വ​ർ​ത്ത​നം അ​വ​സാ​നി​പ്പി​ച്ചു​വ​രു​ക​യാ​യി​രു​ന്നു. ക​ഴി​ഞ്ഞ ഒ​രു വ​ർ​ഷ​ത്തി​നി​ടെ വി​വി​ധ സ്​​ഥ​ല​ങ്ങ​ളി​ൽ പ്ര​വ​ർ​ത്തി​ച്ചു​വ​ന്നി​രു​ന്ന വി​വി​ധ കോ​വി​ഡ്​ പ​രി​ശോ​ധ​ന കേ​ന്ദ്ര​ങ്ങ​ൾ അ​ട​ച്ചു​പൂ​ട്ടി​യി​ട്ടു​ണ്ട്. അ​ൽ ഷം​ഖ ഡ്രൈ​വ്-​ത്രൂ സെ​ന്‍റ​ർ ആ​ഗ​സ്റ്റി​ലും ദു​ബൈ സി​റ്റി വാ​ക്കി​ലെ മൊ​ബൈ​ൽ ടെ​സ്റ്റി​ങ്​ സ​ർ​വി​സ്​ പ്ര​വ​ർ​ത്ത​നം മാ​ർ​ച്ചി​ലും അ​വ​സാ​നി​പ്പി​ക്കു​ക​യു​ണ്ടാ​യി. റാ​ശി​ദ്​ പോ​ർ​ട്ടി​ലെ പ​രി​ശോ​ധ​ന കേ​ന്ദ്രം ക​ഴി​ഞ്ഞ വ​ർ​ഷം ജ​നു​വ​രി​യി​ൽ​ത​ന്നെ അ​ട​ച്ചി​രു​ന്നു.

കോ​വി​ഡ്​ കേ​സു​ക​ൾ കു​ത്ത​നെ കു​റ​ഞ്ഞ​തും വ്യാ​പ​ക​മാ​യി വാ​ക്സി​നേ​ഷ​ൻ ല​ഭ്യ​മാ​ക്കി​യ​തും മൂ​ലം സാ​ധാ​ര​ണ നി​ല​യി​ലേ​ക്ക്​ രാ​ജ്യം മാ​റി​യ​തോ​ടെ​യാ​ണ്​ സെ​ന്‍റ​റു​ക​ൾ പൂ​ട്ടി​യ​ത്. നി​ല​വി​ൽ ദി​വ​സം 100ൽ ​താ​ഴെ കേ​സു​ക​ൾ മാ​ത്ര​മാ​ണ്​ രാ​ജ്യ​ത്ത്​ റി​പ്പോ​ർ​ട്ട്​ ചെ​യ്യ​പ്പെ​ടു​ന്ന​ത്. വ്യാ​ഴാ​ഴ്ച 74 രോ​ഗി​ക​ളെ​യാ​ണ്​ ക​ണ്ടെ​ത്തി​യ​ത്. രാ​ജ്യ​ത്താ​കെ 1500 കേ​സു​ക​ൾ മാ​ത്ര​മാ​ണ്​ നി​ല​വി​ലു​ള്ള​ത്. ന​വം​ബ​റി​ലാ​ണ്​ ര​ണ്ട​ര വ​ർ​ഷ​ത്തി​നു​ശേ​ഷം കോ​വി​ഡി​നെ പ്ര​തി​രോ​ധി​ക്കാ​ൻ രാ​ജ്യ​ത്ത് ഏ​ർ​പ്പെ​ടു​ത്തി​യ നി​യ​ന്ത്ര​ണ​ങ്ങ​ൾ യു.​എ.​ഇ പൂ​ർ​ണ​മാ​യും പി​ൻ​വ​ലി​ക്കു​ന്ന​ത്. പൊ​തു​സ്ഥ​ല​ങ്ങ​ളി​ൽ പ്ര​വേ​ശി​ക്കാ​ൻ അ​ൽ​ഹു​സ്​​ൻ ആ​പ്പി​ൽ ഗ്രീ​ൻ​പാ​സ് കാ​ണി​ക്കേ​ണ്ട​തും പ​ള്ളി​ക​ളി​ൽ ന​മ​സ്ക​രി​ക്കാ​നെ​ത്തു​ന്ന​വ​ർ സ്വ​ന്തം നി​സ്കാ​ര​പ്പാ​യ കൊ​ണ്ടു​വ​ര​ണ​മെ​ന്ന​ത​ട​ക്കം മി​ക്ക നി​ബ​ന്ധ​ന​ക​ളും നി​ല​വി​ലി​ല്ല.

പ​ക​ർ​ച്ച​വ്യാ​ധി​ക​ൾ​ക്കാ​യി മൊ​ബൈ​ൽ ല​ബോ​റ​ട്ട​റി

അ​ബൂ​ദ​ബി: പ​ക​ർ​ച്ച​വ്യാ​ധി​ക​ൾ​ക്കാ​യി എ​മി​റേ​റ്റി​ലെ ആ​ദ്യ മൊ​ബൈ​ൽ ല​ബോ​റ​ട്ട​റി​ക്ക് തു​ട​ക്കം​കു​റി​ച്ച് അ​ബൂ​ദ​ബി പ​ബ്ലി​ക് ഹെ​ൽ​ത്ത് സെ​ന്‍റ​ർ. ക്രി​മി​യ​ൻ-​കോം​​ഗോ ഹെ​മോ​റാ​ജി​​ക് പ​നി, യെ​ല്ലോ ഫി​വ​ർ തു​ട​ങ്ങി​യ കൊ​ടും പ​ക​ർ​ച്ച​വ്യാ​ധി​ക​ൾ അ​ട​ക്ക​മു​ള്ള​വ​യെ കൈ​കാ​ര്യം​ചെ​യ്യാ​ൻ ശേ​ഷി​യു​ള്ള ലെ​വ​ൽ-3 ബ​യോ​സേ​ഫ്റ്റി മൊ​ബൈ​ൽ ലാ​ബാ​ണ് അ​ബൂ​ദ​ബി പൊ​തു ആ​രോ​​ഗ്യ​കേ​ന്ദ്രം തു​റ​ന്ന​ത്.

കൃ​ത്യ​ത​യാ​ർ​ന്ന​തും അ​തി​വേ​​ഗ​വു​മു​ള്ള പ​രി​ശോ​ധ​ന​യി​ലൂ​ടെ പ​ക​ർ​ച്ച​വ്യാ​ധി​ക​ളെ കൈ​കാ​ര്യം​ചെ​യ്യാ​നു​ള്ള അ​ബൂ​ദ​ബി​യു​ടെ ശേ​ഷി വ​ർ​ധി​പ്പി​ക്കു​ന്ന​താ​ണ് പു​തി​യ ന​ട​പ​ടി​യെ​ന്ന് അ​ധി​കൃ​ത​ർ അ​റി​യി​ച്ചു. ശൈ​ഖ് ഖ​ലീ​ഫ മെ​ഡി​ക്ക​ൽ സി​റ്റി, അ​ൽ റ​ഹ്ബ ആ​ശു​പ​ത്രി, ത​വാം ആ​ശു​പ​ത്രി, മ​ദീ​ന​ത്ത് സാ​യി​ദ് ആ​ശു​പ​ത്രി എ​ന്നി​വി​ട​ങ്ങ​ളി​ലെ ആ​രോ​​ഗ്യ​പ്ര​വ​ർ​ത്ത​ക​രെ സ​ഹാ​യി​ക്കാ​നാ​ണ് മൊ​ബൈ​ൽ ലാ​ബ് പ്ര​വ​ർ​ത്തി​ക്കു​ക. മൊ​ബൈ​ൽ ലാ​ബി​ന്‍റെ നി​ർ​മാ​താ​ക്ക​ളാ​ണ് ഇ​തി​ലെ സാ​ങ്കേ​തി​ക പ്ര​വ​ർ​ത്ത​ക​ർ​ക്ക് പ​രി​ശീ​ല​നം ന​ൽ​കി​യി​രി​ക്കു​ന്ന​ത്.