മുഹമ്മദ്​ റഫി, എസ്. ജാനകി അനുസ്മരണം ഇന്ന്​

ഷാർജ: ദർശന കലാ സാംസ്കാരിക വേദിയുടെ ആഭിമുഖ്യത്തിൽ വിഖ്യാത ഗായകൻ മുഹമ്മദ് റഫി, ഗാനകോകിലം എസ്. ജാനകി എന്നിവരുടെ അനുസ്മരണ യോഗവും അവാർഡ് ദാന ചടങ്ങും ജൂലൈ 31ന്​ സംഘടിപ്പിക്കുന്നു.

ഇന്ത്യൻ അസോസിയേഷൻ ഷാർജ കോൺഫറൻസ് ഹാളിൽ രാത്രി 7.30 മുതലാണ് പരിപാടി. അനുസ്മരണ ചടങ്ങിനോടനുബന്ധിച്ച് മുഹമ്മദ് റഫിയുടെയും എസ്. ജാനകിയുടെയും നിത്യഹരിത ഗാനങ്ങൾ കോർത്തിണക്കിയുള്ള സംഗീത വിരുന്നും നടത്തും. കലാരംഗത്തെ പ്രമുഖരും സംഗീതാസ്വാദകരും പരിപാടിയിൽ പങ്കെടുക്കുമെന്ന്​ സംഘാടകർ അറിയിച്ചു.