‘ഉ​മ്മ​യെ മി​സ്​ ചെ​യ്യു​ന്നു’ -ജ​ന്മ​ദി​ന​ത്തി​ൽ അ​ൽ​ നി​യാ​ദി

ദു​ബൈ: ജ​ന്മ​ദി​ന​ത്തി​ൽ അ​ന്താ​രാ​ഷ്ട്ര ബ​ഹി​രാ​കാ​ശ കേ​ന്ദ്ര​ത്തി​ൽ​നി​ന്ന്​ കു​ടും​ബ​ത്തോ​ട്​​ ത​ത്സ​മ​യം സം​സാ​രി​ച്ച്​ യു.​എ.​ഇ​യു​ടെ ബ​ഹി​രാ​കാ​ശ യാ​ത്രി​ക​ൻ സു​ൽ​ത്താ​ൻ അ​ൽ നി​യാ​ദി. ഉ​മ്മ​യു​ടെ പാ​ച​ക​വും പ്രി​യ​പ്പെ​ട്ട​വ​രെ​യും വ​ല്ലാ​തെ മി​സ്​ ചെ​യ്യു​ന്നു​ണ്ടെ​ന്ന്​ പ​റ​ഞ്ഞ അ​ദ്ദേ​ഹം ഗൃ​ഹാ​തു​ര​ത്വം നി​റ​ഞ്ഞ ഓ​ർ​മ​ക​ളും ജ​ന്മ​നാ​ടാ​യ അ​ൽ ഐ​നി​​ലെ അ​ൽ ഗ​ഫ ഗ്രാ​മ​ത്തി​ലെ അ​നു​ഭ​വ​ങ്ങ​ളും ബ​ന്ധു​ക്ക​ളു​മാ​യി പ​ങ്കി​ട്ടു.

ചൊ​വ്വാ​ഴ്ച യു.​എ.​ഇ സ​ർ​വ​ക​ലാ​ശാ​ല​യി​ലെ പ്ര​ത്യേ​ക കേ​ന്ദ്ര​ത്തി​ലാ​യി​രു​ന്നു ത​ത്സ​മ​യ കൂ​ടി​ക്കാ​ഴ്ച. കു​ടും​ബ​ത്തോ​ടൊ​പ്പം യു.​എ.​ഇ ഉ​പ​പ്ര​ധാ​ന​മ​ന്ത്രി​യും ആ​ഭ്യ​ന്ത​ര മ​ന്ത്രി​യു​മാ​യ ശൈ​ഖ്​ സെ​യ്​​ഫ്​ ബി​ൻ സാ​യി​ദ്​ ആ​ൽ ന​ഹ്​​യാ​നും വി​ദ്യാ​ർ​ഥി​ക​ളും ബ​ഹി​രാ​കാ​ശ പ്രേ​മി​ക​ളും​ സ​ർ​വ​ക​ലാ​ശാ​ല​യി​ൽ എ​ത്തി​യി​രു​ന്നു.​​ ത​ത്സ​മ കോ​ളി​ലൂ​ടെ 15 മി​നി​റ്റോ​ളം സം​സാ​രി​ച്ച അ​ദ്ദേ​ഹം ബ​ന്ധു​ക്ക​ൾ​ക്കൊ​പ്പം ത​ന്‍റെ 42ാം ജ​ന്മ​ദി​നം ആ​ഘോ​ഷി​ച്ചു.

ബ​ഹി​രാ​കാ​ശ​ത്തു​നി​ന്ന് ത​ത്സ​മ​യം രാ​ഷ്ട്ര​ത്ത​ല​വ​ൻ​മാ​രു​മാ​യും വി​ദ്യാ​ർ​ഥി​ക​ളു​മാ​യും ബ​ഹി​രാ​കാ​ശ പ്രേ​മി​ക​ളു​മാ​യും സം​സാ​രി​ക്കു​ന്ന ‘എ ​കാ​ൾ ഫ്രം ​സ്​​പേ​സ്​’ സം​രം​ഭ​ത്തി​ന്‍റെ ഭാ​ഗ​മാ​യി​രു​ന്നു ത​ത്സ​മ​​യ വി​ളി. ഇ​ത്​ നാ​ലാം ത​വ​ണ​യാ​ണ്​ ഇ​ദ്ദേ​ഹം ത​ത്സ​മ​യ കോ​ളി​ലൂ​ടെ ഭൂ​മി​യി​ലു​ള്ള​വ​രോ​ട്​ സം​വ​ദി​ക്കു​ന്ന​ത്. ഗു​രു​ത്വാ​ക​ർ​ഷ​ണ​മു​ള്ള ഭൂ​മി​യി​ൽ ജീ​വി​ക്കാ​നോ അ​ല്ലെ​ങ്കി​ൽ ഗു​രു​ത്വാ​ക​ർ​ഷ​ണ​മി​ല്ലാ​ത്തി​ട​ത്താ​ണോ ജീ​വി​ക്കാ​ൻ ആ​ഗ്ര​ഹി​ക്കു​ന്ന​ത്​ എ​ന്നാ​യി​രു​ന്നു​ വി​ദ്യാ​ർ​ഥി​യാ​യ ഹ​മ​ദി​ന്‍റെ ചോ​ദ്യം.

ബ​ഹി​രാ​കാ​ശ​ത്ത്​ ഇ​ഷ്ട​മു​ള്ള രീ​തി​യി​ൽ ച​ലി​ക്കാ​ൻ ക​ഴി​യു​​മെ​ന്നും അ​ത്​ വ​​ള​രെ ര​സ​ക​ര​മാ​ണെ​ന്നും മ​റു​പ​ടി ന​ൽ​കി​യ നി​യാ​ദി, എ​ങ്കി​ലും ചി​ല സ​മ​യ​ങ്ങ​ളി​ൽ ഉ​മ്മ​യു​ണ്ടാ​ക്കി​യ ഭ​ക്ഷ​ണ​വും ബ​ന്ധു​ക്ക​ളെ​യും നാ​ടി​നേ​യും വ​ല്ലാ​തെ മി​സ്​ ചെ​യ്യു​ന്നു​ണ്ടെ​ന്നും പ്ര​തി​ക​രി​ച്ചു. ബ​ഹി​രാ​കാ​ശ ദൗ​ത്യ​ത്തി​ൽ പ​ങ്കാ​ളി​യാ​കു​ന്ന ആ​ദ്യ അ​റ​ബ്​ വ​നി​ത​യാ​യ റ​യ്യാ​ന ബ​ർ​നാ​വി​യെ​യും അ​ൽ നി​യാ​ദി അ​ഭി​ന​ന്ദി​ച്ചു. ആ​റു മാ​സ​ത്തെ ദൗ​ത്യ​വു​മാ​യി പു​റ​പ്പെ​ട്ട നി​യാ​ദി​യു​ടെ ബ​ഹി​രാ​കാ​ശ പ​രീ​ക്ഷ​ണ​ങ്ങ​ൾ തു​ട​രു​ക​യാ​ണ്.