മകളുടെ വിവാഹത്തിന്​ നാട്ടിലേക്ക്​ പോകാനുള്ള ഒരുക്കത്തിനിടെ ദുബൈയിൽ നിര്യാതനായി

ദുബൈ: മകളുടെ വിവാഹത്തിനായി നാട്ടിലേക്കു പോകാനുള്ള ഒരുക്കത്തിനിടെ കാസർകോട്‌ സ്വദേശി ദുബൈയിൽ നിര്യാതനായി. മുള്ളിയാർ പൊവ്വൽ സ്വദേശി മുഹമ്മദ്‌ അഷറഫ്‌ (52) ആണ്‌ ഹൃദയാഘാതത്തെ തുടർന്ന്​ ദുബൈ ഖിസൈസ്‌ ആസ്റ്റർ ആശുപത്രിയിൽ മരിച്ചത്‌.

കഴിഞ്ഞ 30 വർഷമായി യു.എ.ഇയിൽ സ്വദേശിയുടെ വീട്ടിൽ ജോലി ചെയ്തുവരികയായിരുന്നു അഷ്​റഫ്​. മകളുടെ വിവാഹത്തിനുള്ള ഒരുക്കങ്ങൾക്കായി നാട്ടിലേക്കു പോകാനുള്ള തയാറെടുപ്പിലായിരുന്നു. പരേതരായ അബ്ദുൽ ഖാദറിന്‍റെയും ആയിഷയുടെയും മകനാണ്‌. ഭാര്യ: ഖദീജ. മക്കൾ: ജുമാന, അജ്നാസ്‌. ദുബൈ കെ.എം.സി.സി ഭാരവാഹികളുടെ നേതൃത്വത്തിൽ മൃതദേഹം നാട്ടിലേക്കു കൊണ്ടുപോകാനുള്ള ശ്രമങ്ങൾ നടന്നുവരുന്നു.