പൂക്കളും പഴങ്ങളും തരുന്ന ഫ്യൂഷ

ഫ്ലവറിങ്​ പ്ലാന്‍റ്​സിന്‍റെ ഗണത്തിൽ പെട്ട ചെടിയാണ്​ ഫ്യൂഷ. കുറ്റിച്ചെടിയായും ചെറിയ മരമായുമാണ്​ സാധാരണ കാണാറ്. 110 തരം വർഗങ്ങൾ ഉണ്ടിതിന്​. രണ്ടു മുതൽ നാലു മീറ്റർ വരെ പൊക്കം വെക്കുന്ന ചെടിയാണിത്​. ഇതിന്‍റെ പൂക്കൾ കാണാൻ അതിമനോഹരമാണ്. പല കളറുകളിൽ ഇവ ലഭ്യമാണ്. ഇതിൽ ചെറിയ പഴങ്ങളും ഉണ്ടാകും. ഡാർക്ക്​ റെഡ്ഡിഷ്​ ഗ്രീൻ കളറിലുള്ള അതിൽ നിറയെ ചെറിയ അരികളാണുള്ളത്​. ഒരു പ്രത്യേക രുചിയിലുള്ള ഈ അരികൾ നമുക്ക്​ കഴിക്കാൻ പറ്റുന്നതാണ്​​. ചൂടുകാലത്തിന്‍റെ തുടക്കം ആകുമ്പോഴാണ്​ ചെടിയിൽ പൂക്കൾ ഉണ്ടാകാറ്​. ഗാർഡൻ ബോർഡർ ആയും നമുക്ക് ചെടിയെ ഉപയോഗിക്കാം. ഇതിന്‍റെ ഹാംഗിങ്​ വെറൈറ്റിയും ഉണ്ട്​. ട്രെയ്​ലിങ്​ ഫ്യൂഷ​ എന്നാണ്​ ഇത്​ അറിയപ്പെടുന്നത്​. ബാൽക്കണിയിൽ ഹാങ്ങ് ചെയ്തിട്ടാൽ പ്രത്യേക ഭംഗിയാണ്​. ചെടിയുടെ കമ്പുകൾ കട്ട്​ ചെയ്ത്​ വളർത്തിയെടുക്കാം. നല്ല ഡ്രെയ്​നേജ്​ ഉള്ള ചെടിച്ചെട്ടി നോക്കി എടുക്കണം. ഗാർഡൻ സോയിൽ, ചാണകപ്പൊടി, കൊ​ക്കോ പീറ്റ്​ പെറിലൈറ്റ്​ എന്നിവ ചേർത്ത്​ പോട്ടിങ്​ മിക്സ്​ തയ്യാറാക്കാം. വെള്ളം കെട്ടി നിൽക്കാൻ പാടില്ല. അതിക ചൂടുള്ള വെയിലും ആവശ്യമില്ല.